ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

11300 ಕೋಟಿ ರೂ ಸ್ಪೆಕ್ಟ್ರಂ ಹರಾಜು: ಆದಾಯ ಯಾರಿಗೆ?

By Srinath
|
Google Oneindia Kannada News

spectrum-round-3-auction-starts-rs-11300-cr-revenue-expected
ನವದೆಹಲಿ, ಫೆ. 3: ದೂರ ಸಂಪರ್ಕ ಇಲಾಖೆಯು ತನ್ನ ಅಧೀನದಲ್ಲಿರುವ ಸ್ಪೆಕ್ಟ್ರಂ ಅನ್ನು ಖಾಸಗಿ ಸೇವಾ ಕಂಪನಿಗಳಿಗೆ ಹರಾಜು ಮೂಲಕ ಇಂದು ವಿತರಿಸಲಿದೆ. ಹರಾಜು ಪ್ರಕ್ರಿಯೆ ಈಗಾಗಲೇ ಆರಂಭವಾಗಿದೆ.

ಆದರೆ ಈ ಸಂದರ್ಭದಲ್ಲಿ 2ಜಿ ಸ್ಪೆಕ್ಟ್ರಂ ಹಗರಣವೇ ದುಃಸ್ವಪ್ನವಾಗಿ ಕಾಣುತ್ತಿದೆ. ಸರಕಾರದ ಸೇವೆಯೊಂದು ಲಕ್ಷಾಂತರ ಕೋಟಿ ರೂ. ಭ್ರಷ್ಟಚಾರಕ್ಕೆ ಕಾರಣವಾಗಿದ್ದು ನಿಜಕ್ಕೂ ಇಡೀ ದೇಶವನ್ನು ಬೆಚ್ಚಿಬೀಳಿಸಿತ್ತು. 2ಜಿ ಸ್ಪೆಕ್ಟ್ರಂ ಹಗರಣದ ಸತ್ಯಾಸತ್ಯತೆ ಬಹಿರಂಗವಾಗುವ ಯಾವುದೇ ಲಕ್ಷಣಗಳು ಗೋಚರಿಸುತ್ತಿಲ್ಲ. ಈ ಮಧ್ಯೆ ಮತ್ತೊಂದು ಸ್ಪೆಕ್ಟ್ರಂ ಹರಾಜು ನಡೆದಿದೆ.

ಹಾಗಂತ ಇಲಾಖೆ ಸುಮ್ಮನೆ ಕೈಕಟ್ಟಿ ಕುಳಿತುಕೊಳ್ಳುವಂತಿಲ್ಲ. ತನ್ನ ಅಧೀನದಲ್ಲಿರುವ ಸ್ಪೆಕ್ಟ್ರಂ ಅನ್ನು ಖಾಸಗಿ ಸೇವಾ ಕಂಪನಿಗಳಿಗೆ ವಿತರಿಸಲೇಬೇಕು.

ಗಮನಾರ್ಹವೆಂದರೆ ಈ ಬಾರಿ ಸ್ಪೆಕ್ಟ್ರಂ ಹರಾಜಿನಿಂದ 11,300 ಕೋಟಿ ಆದಾಯ ನಿರೀಕ್ಷಿಸಲಾಗಿದೆ. ಇದರಲ್ಲಿ ಒಂದು ನಯಾ ಪೈಸೆಯೂ ಲಂಚದ ಲೆಕ್ಕಕ್ಕೆ ಹೋಗದೆ ಅಷ್ಟೂ ಸರಕರಿ ಖಜಾನೆ ಸೇರಲಿ ಎಂಬುದು ದೇಶದ ಪ್ರತಿಯೊಬ್ಬ ಪ್ರಜೆಯ ಆಶಯವಾಗಿದೆ.

ಆದರೆ ಹಿಂದಿನ ಅನುಭವ ಮತ್ತು ಮುಂದಿರುವ ಲೋಕಸಭಾ ಚುನಾವಣೆಯನ್ನು ಗಮನಿಸಿದಾಗ ಇದು ಸಾಧ್ಯವಾದೀತಾ? ಎಂಬುದೇ ಬಿಲಿಯನ್ ಡಾಲರ್ ಪ್ರಶ್ನೆ.

ಇದು ದೇಶದಲ್ಲಿ ನಡೆಯುತ್ತಿರುವ ಮೂರನೆಯ ಸುತ್ತಿನ ಸ್ಪೆಕ್ಟ್ರಂ ಹರಾಜು. ಎಂಟು ಟೆಲಿಕಾಂ ಕಂಪನಿಗಳು ಸ್ಪೆಕ್ಟ್ರಂ ಬೇಡಿಕೆಯಿಟ್ಟು, ಹರಾಜಿನಲ್ಲಿ ಪಾಲ್ಗೊಂಡಿವೆ. ಈ ಹರಾಜಿನಿಂದ ಕೇಂದ್ರ ಸರ್ಕಾರದ ಬೊಕ್ಕಸಕ್ಕೆ ಕನಿಷ್ಟ 11,300 ಕೋಟಿ ರೂ. ಸಂದಾಯವಾಗಲಿದೆ.

ದೂರ ಸಂಪರ್ಕ ಇಲಾಖೆಯು (Department of Telecom) ಸುಮಾರು 1800 ಮೆಗಾ ಹರ್ಟ್ಸ್ (MHz) ಬ್ಯಾಂಡ್‌ ನಲ್ಲಿ 385 ಮೆಗಾ ಹರ್ಟ್ಸ್ ರೇಡಿಯೋ ತರಾಂಗಂತರ ಹಾಗೂ 900 ಮೆಗಾ ಹರ್ಟ್ಸ್ ಬ್ಯಾಂಡ್‌ನಲ್ಲಿ 46 ಮೆಗಾ ಹರ್ಟ್ಸ್ ತರಂಗಾಂತರವನ್ನು ಹರಾಜಿಗೆ ಇಟ್ಟಿದೆ.

ಪ್ರಸಕ್ತ ವರ್ಷ ಇಷ್ಟೊಂದು ಪ್ರಮಾಣದ ಸ್ಪೆಕ್ಟ್ರಂ ಹರಾಜಿನಿಂದ ಒಂದು ಬಾರಿ ಪಾವತಿಸುವ ಸ್ಪೆಕ್ಟ್ರಂ ಶುಲ್ಕ, ವಾರ್ಷಿಕ ಪರವಾನಿಗಿ ಶುಲ್ಕ ಮತ್ತು ಹಾಲಿ ಹರಾಜು ಮೊತ್ತ ಸೇರಿ ಒಟ್ಟು 40,874.50 ಕೋಟಿ ರೂ. ಆದಾಯ ಬರುವ ಅಂದಾಜಿದೆ.

English summary
Spectrum round-3 auction starts - Rs 11300 cr revenue expected. The third round of spectrum auction started on Monday with eight telecom companies in fray, from which the government expects to garner at least Rs 11,300 crore. The Department of Telecom has put on block around 385 MHz of radiowaves in the 1800 MHz band, and 46 MHz in the 900 MHz band.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X