ಬ್ಲೂ ವ್ಹೇಲ್ ನಿಷೇಧಕ್ಕೆ ಕಠಿಣ ಕ್ರಮ ಕೈಗೊಳ್ಳಿ: ಕೇಂದ್ರಕ್ಕೆ ಸುಪ್ರೀಂ ಸೂಚನೆ
ನವದೆಹಲಿ, ಸೆಪ್ಟೆಂಬರ್ 15: ಅಪಾಯಕಾರಿ ಆನ್ ಲೈನ್ ಆಟವಾದ ಬ್ಲೂವ್ಹೇಲ್ ಅನ್ನು ನಿಷೇಧಿಸುವಂತೆ ಸಲ್ಲಿಸಿದ್ದ ಅರ್ಜಿಯೊಂದನ್ನು ಇಂದು(ಸೆ.15) ವಿಚಾರಣೆ ನಡೆಸಿದ ಸುಪ್ರೀಂ ಕೋರ್ಟ್, ಈ ಕುರಿತು ಶೀಘ್ರವಾಗಿ ಕೇಂದ್ರ ಸರ್ಕಾರ ನಿರ್ಧಾರ ತೆಗೆದುಕೊಳ್ಳಬೇಕೆಂದು ಸೂಚಿಸಿದೆ.
ಜಗತ್ತಿನಾದ್ಯಂತ ಹಲವು ಮಕ್ಕಳ ಸಾವಿಗೆ ಕಾರಣವಾದ ಈ ಬ್ಲೂ ವ್ಹೇಲ್ ಗೇಮ್ ಅನ್ನು ನಿಷೇಧಿಸಬೇಕೆಂಬ ಕುರಿತು ಹಲವು ದಿನದಿಂದ ಚರ್ಚೆ ನಡೆಯುತ್ತಿದೆ.
ಇದೊಂದು ಆನ್ ಲೈನ್ ಗೇಮ್ ಆಗಿದ್ದು, 50 ಟಾಸ್ಕ್ ಗಳ ಈ ಗೇಮ್ ಅನ್ನು ಆಟಗಾರ ಆತ್ಮಹತ್ಯೆ ಮಾಡಿಕೊಳ್ಳುವ ಮೂಲಕ ಮುಗಿಸಬೇಕಾಗುತ್ತದೆ. ಎಲ್ಲಾ 50 ಟಾಸ್ಕ್ ಗಳೂ ಒಂದಿಲ್ಲೊಂದು ರೀತಿಯಲ್ಲಿ ಹಿಂಸೆಯನ್ನೇ ಪ್ರಚೋದಿಸುತ್ತವೆ.
Click it and Unblock the Notifications
Sign in with Google