PM Kisan: ದೇಶದ ರೈತರಿಗೆ ಗುಡ್ ನ್ಯೂಸ್, 21ನೇ ಕಿಸಾನ್ ಯೋಜನೆ ಹಣ ಬಿಡುಗಡೆ ಅಪ್ಡೇಟ್ಸ್

ಕೇಂದ್ರ ಸರ್ಕಾರದ ರೈತ ಪರ ಯೋಜನೆಗಳಲ್ಲಿ ಒಂದಾಗಿರುವ ಪ್ರಧಾನಮಂತ್ರಿ ಕಿಸಾನ್ ಯೋಜನೆ (PM Kisan Scheme) 2019ರಿಂದ ದೇಶದ ಲಕ್ಷಾಂತರ ರೈರಿತೆ ಆರ್ಥಿಕ ಸಹಾಯ ನೀಡುತ್ತಿದೆ. ಇದೀಗ 2025ರಲ್ಲಿನ 21ನೇ ಕಂತಿನ ಹಣ ಬಿಡುಗಡೆ ದಿನಾಂಕ ಫಿಕ್ಸ್ ಆಗಿದೆ. ಪ್ರತಿ ನಾಲ್ಕು ತಿಂಗಳಿಗೆ 2000 ರೂಪಾಯಿ ವಿತರಿಸುತ್ತಾ ಬಂದಿದೆ.

ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು 2019ರಲ್ಲಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದ್ದರು. ಮೂರು ಕಂತುಗಳಲ್ಲಿ ವಾರ್ಷಿಕವಾಗಿ 6000 ರೂಪಾಯಿ ರೈತರಿಗೆ ನೆರವು ನೀಡುತ್ತಾ ಬಂದಿದೆ. ಇಲ್ಲಿಯವರೆಗೆ 11 ಕೋಟಿಗೂ ಹೆಚ್ಚು ರೈತ ಕುಟುಂಬಗಳಿಗೆ ಕೇಂದ್ರದಿಂದ ಆರ್ಥಿಕ ಸಹಾಯ ನೀಡಿದೆ. ಈವರೆಗೆ ಪಿಎಂ ಕಿಸಾನ್ ಯೋಜನೆ ಅಡಿಯಲ್ಲಿ ಒಟ್ಟು 20 ಕಂತುಗಳ ಮೂಲಕ 3.70 ಲಕ್ಷ ಕೋಟಿ ರೂ. ಹಣ ರೈತರ ಖಾತೆಗಳಿಗೆ ಜಮೆ ಮಾಡಲಾಗಿದೆ.

ಮುಂದಿನ 21ನೇ ಕಂತಿನ ಹಣವು ರೈತರ ಖಾತೆಗೆ ನೀಡಲು ನವೆಂಬರ್ 19ರಂದು ದಿನಾಂಕ ಫಿಕ್ಸ್ ಮಾಡಲಾಗಿದೆ. ಅಂದು ಪ್ರಧಾನಿ ಮೋದಿಯವರು ಹಣ ಬಿಡುಗಡೆಗೆ ಚಾಲನೆ ನೀಡಲಿದ್ದಾರೆ. ರೈತರು ಪಡೆಯುವ ಈ ಹಣ ಸಣ್ಣ ಹಿಡುವಳಿದಾರರಿಗೆ ಆರ್ಥಿಕ ಸಹಾಯ, ಕೃಷಿಗೆ ಬಳಕೆ, ಮಕ್ಕಳ ಶಿಕ್ಷಣ, ಆರೋಗ್ಯ ಸೇವೆ ಹಾಗೂ ಇತರ ಉದ್ದೇಶಗಳಿಗೆ, ಹೆಚ್ಚುವರಿ ವೆಚ್ಚದ ಸವಾಲು ಎದುರಿಸಲು ಸಹಾಯವಾಗುತ್ತಿದೆ.

ರೈತರಿಗೆ ಮೊಬೈಲ್ ಆಪ್, 24/7 ಸೇವೆ, ಸಹಾಯ

ರೈತರಿಗೆ ಈ ಕಂತುಗಳ ಮೂಲಕ ಆರ್ಥಿಕ ಸೇವೆ ಒದಗಿಸಲು ತಂತ್ರಜ್ಞಾನ ಬಳಸುತ್ತಿದೆ. ಕೊನೆಯ ಮೈಲಿನ ರೈತರಿಗೂ ಯೋಜನೆ ಫಲಾನುಭವಿ ಆಗುವಂತೆ ನೋಡಿಕೊಂಡಿದೆ. ಆಧಾರ್ ಆಧಾರಿತ ಇ-ಕೆವೈಸಿ, ಒಟಿಪಿ, ಬಯೋಮೆಟ್ರಿಕ್ ಅಥವಾ ಮುಖದ ದೃಢೀಕರಣದ (Face authentication) ಸೇರಿ ಸುರಕ್ಷಿತ ವಿಧಾನ ಒಳಗೊಂಡಿದೆ. ರೈತರು ಮನೆಯಿಂದಲೇ ಯೋಜನೆಗೆ ಅರ್ಜಿ ಸಲ್ಲಿಸಬಹುದು. ಪಿಎಂ-ಕಿಸಾನ್ ಮೊಬೈಲ್ ಅಪ್ಲಿಕೇಶನ್, ಪೋರ್ಟಲ್ ರೈತರಿಗೆ ತಮ್ಮ ಪಾವತಿ ಸ್ಥಿತಿ ಪರಿಶೀಲನೆ, ಸ್ವಯಂ-ನೋಂದಣಿ ಮಾಡಲು, ಇ-ಕೆವೈಸಿ ಪೂರ್ಣಗೊಳಿಸಲು ಅನುಕೂಲವಾಗುತ್ತಿದೆ.

ಇಂಡಿಯಾ ಪೋಸ್ಟ್ ಪೇಮೆಂಟ್ಸ್ ಬ್ಯಾಂಕ್ (ಐಪಿಪಿಬಿ) ಪ್ರಯೋಜನ ಸ್ವೀಕೃತಿಗಾಗಿ ಆಧಾರ್-ಲಿಂಕ್ ಮಾಡಿದ ಬ್ಯಾಂಕ್ ಖಾತೆಗೆ ಪರಿಗಣಿಸಲಾಗಿದೆ. ಬಹುಭಾಷಾ AI-ಚಾಲಿತ ಕಿಸಾನ್-ಇ-ಮಿತ್ರ ಚಾಟ್‌ಬಾಟ್ ಆರಂಭಿಸಿದ್ದು, ಇದು ರೈತರ ಕುಂದುಕೊರತೆ ಪರಿಹರಿಸುತ್ತದೆ. 11 ಪ್ರಮುಖ ಪ್ರಾದೇಶಿಕ ಭಾಷೆಗಳಲ್ಲಿ 24/7 ರೈತರಿಗೆ ಸಹಾಯ ನೀಡುತ್ತದೆ. ಭಾಷೆಗಳ ತೊಂದರೆ ಇಲ್ಲದೇ ಅಗತ್ಯವಿದ್ದಾಗ ಸಹಾಯ ಪಡೆಯಬಹುದಾಗಿದೆ.

ಪಿಎಂ ಕಿಸಾನ್ ಯೋಜನೆಯು ರೈತರ ಖಾತೆಗೆ ನೇರ ಹಣ ವರ್ಗಾವಣೆ, ಪ್ರಯೋಜನ ನೇರವಾಗಿ ಫಲಾನುಭವಿಗಳಿಗೆ ಸಿಗಲಿದೆ. ದೇಶದ ಬೆನ್ನೆಲುಬು ಕೃಷಿ, ರೈತರನ್ನು ಬಲಪಡಿಸುತ್ತಿದೆ. ಅವರ ಜೀವನೋಪಾಯ ಸುಧಾರಿಸುತ್ತಿದೆ. ರೈತರಿಗೆ ಈ ಅಪ್ಲಿಕೇಷನ್‌ನಲ್ಲಿ ಸುಧಾರಿತ ತಂತ್ರಜ್ಞಾನ ಅಳವಡಿಸಿಕೊಂಡಿದ್ದರಿಂದ ರೈತರು ಕೆವೈಸಿ,ಓಟಿಪಿ, ಬಯೋಮೆಟ್ರಿಕ್ ಸ್ಕ್ಯಾನಿಂಗ್ ಇತರ ಗುರುತುಗಳನ್ನು ಮನೆಯಿಂದಲೇ ಮಾಡಬಹುದಾಗಿದೆ. ಮುಂದಿನ ಕಂತಿನ ಹಣದ ಸ್ಟೇಟಸ್ ಬಗ್ಗೆ ಕ್ಷಣಮಾತ್ರದಲ್ಲಿ ಪರಿಶೀಲಿಸಬಹುದಾಗಿದೆ. ತೊಂದರೆ ಮುಕ್ತ ಸೇವೆ ನೀಡುತ್ತಿದೆ.

English summary

PM KISAN 21st Installment Rs 2000 Will Release on November 19 st After PM Modi Inaugurates, check more updates here.