Parliament special session: ಹಳೆ ಸಂಸತ್ತಿನಲ್ಲಿ ಮೋದಿ ಕೊನೆಯ ಮಾತು

ಸಂಸತ್ತಿನ ಐದು ದಿನಗಳ ವಿಶೇಷ ಅಧಿವೇಶನ ಇಂದು (ಸೆಪ್ಟೆಂಬರ್ 18) ಪ್ರಾರಂಭವಾಗಿದೆ. ಇದು ಸೆಪ್ಟೆಂಬರ್ 22 ರವರೆಗೆ ನಡೆಯಲಿದೆ. ಈ ವೇಳೆ ಲೋಕಸಭೆಯಲ್ಲಿ ಮಾತನಾಡಿದ ನರೇಂದ್ರ ಮೋದಿ ಅವರು ಸಂಸತ್ತಿನ ಸಿಬ್ಬಂದಿಗೆ ಧನ್ಯವಾದಗಳನ್ನು ತಿಳಿಸಿದರು. ಭಾರತದ ಸಂಸತ್ ಕಲಾಪಕ್ಕೆ 75ನೇ ವರ್ಷದ ಸಂಭ್ರಮ ಹಿನ್ನೆಲೆಯಲ್ಲಿ ವಿಶೇಷ ಅಧಿವೇಶ ನಡೆಯುತ್ತಿದೆ. ಹೊಸ ಸಂಸತ್ ಭವನಕ್ಕೆ ಹೋಗುವ ಮುನ್ನ ಇತಿಹಾಸದ ಮಹತ್ವ ಪೂರ್ಣ ಕ್ಷಣಗಳನ್ನು ಸ್ಮರಿಸೋಣ ಎಂದು ಲೋಕಸಭೆಯಲ್ಲಿ ಪ್ರಧಾನಿ ಮೋದಿ ಹೇಳಿದರು.

ಈ ಭವನದ ನಿರ್ಮಾಣದಲ್ಲಿ ಜನರು ತಮ್ಮ ಬೆವರು ಹರಿಸಿದ್ದಾರೆ. ಹಳೆ ಭವನವೂ ಮುಂದಿನ ಪ್ರೇರಣೆಯಾಗಲಿದೆ. ನಾವೆಲ್ಲರೂ ಹೊಸ ಭವನಕ್ಕೆ ಹೋಗುತ್ತಿದ್ದೇವೆ. ಆದರೆ ಹಳೆ ಭವನವನ್ನು ಬಿಟ್ಟು ಹೋಗುವುದು ದ:ಖದ ಸಂಗತಿಯಾಗಿದೆ. ಬೇರೆ ಮನೆಗೆ ಒಂದು ಕುಟುಂಬ ಹೋಗುವುದು ಎಷ್ಟು ಕಷ್ಟವೂ ಅದೇ ರೀತಿ ನಮಗೆ ನೋವಾಗುತ್ತಿದೆ. ಇಲ್ಲಿ ಅನೇಕ ಸಹಿ ಕಹಿ ಘಟನೆಗಳನ್ನು ನಾವು ನೋಡಿದ್ದೇವೆ ಎಂದು ಮೋದಿ ಅವರು ಹೇಳಿದರು.

ಈ ಸಂಸತ್ತು ಅನೇಕ ಐತಿಹಾಸಿಕ ನಿರ್ಧಾರಗಳನ್ನು ಕಂಡಿದೆ...

'ಸಬ್ಕಾ ಸಾಥ್, ಸಬ್ಕಾ ವಿಕಾಸ್, ಹಲವು ಐತಿಹಾಸಿಕ ನಿರ್ಧಾರಗಳು, ದಶಕಗಳಿಂದ ಬಾಕಿ ಉಳಿದಿರುವ ಸಮಸ್ಯೆಗಳು ಮತ್ತು ಅವುಗಳ ಪರಿಹಾರಗಳ ಮಂತ್ರವನ್ನು ಈ ಸದನದಲ್ಲಿ ತೆಗೆದುಕೊಳ್ಳಲಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಲೋಕಸಭೆಯಲ್ಲಿ ಹೇಳಿದರು. ಈ ಸದನವು ಯಾವಾಗಲೂ 370 ನೇ ವಿಧಿಯನ್ನು ನೆನಪಿಸಿಕೊಳ್ಳುತ್ತದೆ. ಒನ್ ನೇಷನ್ ಒನ್ ಟ್ಯಾಕ್ಸ್, ಜಿಎಸ್ ಟಿಯನ್ನೂ ಈ ಸದನ ನಿರ್ಧರಿಸಿದೆ. 'ಒನ್ ರ್ಯಾಂಕ್, ಒನ್ ಪೆನ್ಷನ್' ಈ ಸದನ ನೋಡಿದೆ. ಬಡವರಿಗೆ ಶೇ.10ರಷ್ಟು ಮೀಸಲಾತಿ ಈ ಸದನದಲ್ಲಿ ಯಾವುದೇ ವಿವಾದವಿಲ್ಲದೆ ನಡೆದಿದೆ' ಎಂದು ಪ್ರಧಾನಿ ಮೋದಿ ಅವರು ನೆನೆದರು.

ನೆಹರು ಮತ್ತು ಅಟಲ್ ಅವರನ್ನು ಸ್ಮರಿಸಿದ ಪ್ರಧಾನಿ ಮೋದಿ

ಈ ಸದನದಲ್ಲಿ ಪಂಡಿತ್ ನೆಹರೂ ಅವರ 'ಮಧ್ಯರಾತ್ರಿಯ ಸಮಯದ ಪ್ರತಿಧ್ವನಿಯು ನಮಗೆ ಸ್ಫೂರ್ತಿ ನೀಡುವುದನ್ನು ಮುಂದುವರಿಸುತ್ತದೆ' ಮತ್ತು ಇದೇ ಸದನದಲ್ಲಿಯೇ ಅಟಲ್ ಬಿಹಾರಿ ವಾಜಪೇಯಿ ಅವರು "ಸರ್ಕಾರಗಳು ಬರುತ್ತವೆ ಹೋಗುತ್ತವೆ, ಪಕ್ಷಗಳು ರಚನೆಯಾಗುತ್ತವೆ ಮತ್ತು ವಿಸ್ತರಣೆಯಾಗುತ್ತವೆ, ಆದರೆ ಈ ದೇಶವು ಹಾಗೆಯೇ ಉಳಿಯಬೇಕು'' ಎಂದು ಹೇಳಿರುವುದು ಇಂದಿಗೂ ಕೇಳಿಬರುತ್ತಿದೆ ಎಂದು ಹೇಳಿದರು.

7,500 ಪ್ರತಿನಿಧಿಗಳ ಧ್ವನಿ ಸದನದಲ್ಲಿ ಪ್ರತಿಧ್ವನಿಸಿ ಇದು ಯಾತ್ರಾ ಸ್ಥಳವಾಯಿತು

'ಒಂದು ಸ್ಥಳವನ್ನು ಒಂದೇ ಲಯದಲ್ಲಿ ಅನೇಕ ಬಾರಿ ಜಪಿಸಿದಾಗ ಅದು ತೀರ್ಥಕ್ಷೇತ್ರವಾಗುತ್ತದೆ ಎಂದು ನಮ್ಮ ಧರ್ಮಗ್ರಂಥಗಳಲ್ಲಿ ನಂಬಲಾಗಿದೆ. ಒಂದು ಸ್ಥಳವನ್ನು ಪರಿಪೂರ್ಣ ಸ್ಥಳವನ್ನಾಗಿ ಪರಿವರ್ತಿಸುವ ಶಕ್ತಿ ಶಬ್ದಕ್ಕಿದೆ. ಈ ಸದನದಲ್ಲಿ 7,500 ಪ್ರತಿನಿಧಿಗಳ ಧ್ವನಿಯು ಇದನ್ನು ಯಾತ್ರಾ ಸ್ಥಳವನ್ನಾಗಿ ಮಾಡಿದೆ ಎಂದು ನಾನು ನಂಬುತ್ತೇನೆ. 50 ವರ್ಷಗಳ ನಂತರ ಪ್ರಜಾಪ್ರಭುತ್ವದಲ್ಲಿ ನಂಬಿಕೆಯುಳ್ಳ ವ್ಯಕ್ತಿಯೊಬ್ಬರು ಈ ಸ್ಥಳವನ್ನು ನೋಡಲು ಬಂದಾಗ, ಭಾರತದ ಆತ್ಮದ ಧ್ವನಿ ಇಲ್ಲಿ ಪ್ರತಿಧ್ವನಿಸಿತು' ಎಂದು ಅವರು ಹೇಳಿದರು.

ಸಂಸತ್ತಿನ ಮೇಲೆ ಭಯೋತ್ಪಾದಕ ದಾಳಿ

'ಸಂಸತ್ತಿನ ಮೇಲೆ ಭಯೋತ್ಪಾದಕ ದಾಳಿ ನಡೆದಿದೆ. ಇದು ಯಾವುದೇ ಕಟ್ಟಡದ ಮೇಲಿನ ದಾಳಿಯಲ್ಲ. ಇದು ಒಂದು ರೀತಿಯಲ್ಲಿ ಪ್ರಜಾಪ್ರಭುತ್ವದ ತಾಯಿಯಾದ ನಮ್ಮ ಜೀವಾತ್ಮನ ಮೇಲಿನ ದಾಳಿಯಾಗಿದೆ. ಆ ಘಟನೆಯನ್ನು ಮರೆಯಲು ಸಾಧ್ಯವೇ ಇಲ್ಲ. ಭಯೋತ್ಪಾದಕರ ವಿರುದ್ಧ ಹೋರಾಡುವಾಗ ಸಂಸತ್ತು ಮತ್ತು ಅದರ ಎಲ್ಲಾ ಸದಸ್ಯರನ್ನು ರಕ್ಷಿಸಲು ಎದೆಯನ್ನು ಒಡ್ಡಿ ಗುಂಡುಗಳನ್ನು ತಗುಲಿಸಿಕೊಂಡವರಿಗೆ ನಾನು ನಮಸ್ಕರಿಸುತ್ತೇನೆ' ಎಂದರು.

'ಬಡವರು ಈ ಸಂಸತ್ತಿಗೆ ಬರುತ್ತಾರೆ ಎಂದು ನಾನು ಎಂದಿಗೂ ಭಾವಿಸಿರಲಿಲ್ಲ'

'ನಾನು ಸಂಸದನಾಗಿ ಮೊದಲ ಬಾರಿಗೆ ಈ ಕಟ್ಟಡಕ್ಕೆ (ಸಂಸತ್ತು) ಪ್ರವೇಶಿಸಿದಾಗ, ನಾನು ಪ್ರಜಾಪ್ರಭುತ್ವದ ದೇವಾಲಯಕ್ಕೆ ನಮಸ್ಕರಿಸಿ ಗೌರವಿಸಿದೆ. ಇದು ನನಗೆ ಭಾವನಾತ್ಮಕ ಕ್ಷಣವಾಗಿತ್ತು. ಬಡ ಕುಟುಂಬದಿಂದ ರೈಲ್ವೆ ಪ್ಲಾಟ್‌ಫಾರ್ಮ್‌ನಲ್ಲಿ ವಾಸಿಸುತ್ತಿದ್ದ ಮಗು ಸಂಸತ್ತಿಗೆ ಪ್ರವೇಶಿಸಬಹುದು ಎಂದು ನಾನು ಎಂದಿಗೂ ಊಹಿಸಿರಲಿಲ್ಲ. ಜನರಿಂದ ಇಷ್ಟೊಂದು ಪ್ರೀತಿ ಸಿಗುತ್ತದೆ ಎಂದು ಅಂದುಕೊಂಡಿರಲಿಲ್ಲ' ಎಂದು ಲೋಕಸಭೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಹೇಳಿದರು.

ಈ ಸದನವು ಪ್ರಜಾಪ್ರಭುತ್ವದ ಮರಳುವಿಕೆಯನ್ನು ಕಂಡಿದೆ

ಬಾಂಗ್ಲಾದೇಶದ ವಿಮೋಚನೆಯ ಆಂದೋಲನ ಮತ್ತು ಅದರ ಬೆಂಬಲವನ್ನು ಇಂದಿರಾ ಗಾಂಧಿಯವರ ನೇತೃತ್ವದಲ್ಲಿ ಈ ಸದನವೂ ಮಾಡಿದೆ. ಇದೇ ಸದನವು ತುರ್ತುಪರಿಸ್ಥಿತಿಯ ಸಮಯದಲ್ಲಿ ಪ್ರಜಾಪ್ರಭುತ್ವದ ಮೇಲಿನ ದಾಳಿಯನ್ನು ಸಹ ನೋಡಿದೆ ಮತ್ತು ಇದೇ ಸದನವು ಪ್ರಜಾಪ್ರಭುತ್ವದ ಮರಳುವಿಕೆಯನ್ನು ಸಹ ನೋಡಿದೆ, ಇದು ಭಾರತದ ಜನರಿಗೆ ಶಕ್ತಿಯನ್ನು ಅರಿತುಕೊಂಡಿತು ಎಂದು ಪ್ರಧಾನಿ ನರೇಂದ್ರ ಮೋದಿ ಲೋಕಸಭೆಯಲ್ಲಿ ಹೇಳಿದರು.

English summary

parliament special session live update 18 to 22 september: here are Modi's last words in the old Parliament.