11.44 ಲಕ್ಷ ಪ್ಯಾನ್ ಕಾರ್ಡ್ ರದ್ದು: ಕೇಂದ್ರ ಸರ್ಕಾರ ಘೋಷಣೆ
ಸುಮಾರು ಹನ್ನೊಂದು ಲಕ್ಷ ಪ್ಯಾನ್ ಕಾರ್ಡ್ ಗಳ ರದ್ದು. ಸಂಸತ್ತಿಗೆ ಕೇಂದ್ರ ವಿತ್ತ ಇಲಾಖೆ ರಾಜ್ಯ ಸಚಿವ ಸಂತೋಷ್ ಹೇಳಿಕೆ.
ನವದೆಹಲಿ, ಆಗಸ್ಟ್ 1: ಸುಮಾರು 11.44 ಲಕ್ಷ ಪ್ಯಾನ್ ಸಂಖ್ಯೆಗಳನ್ನು ರದ್ದುಗೊಳಿಸಿರುವುದಾಗಿ ಕೇಂದ್ರ ಹಣಕಾಸು ಇಲಾಖೆಯ ರಾಜ್ಯ ಸಚಿವ ಸಂತೋಷ್ ಕುಮಾರ್ ಗಂಗ್ವಾರ್ ತಿಳಿಸಿದ್ದಾರೆ. ರಾಜ್ಯಸಭೆಗೆ ಲಿಖಿತ ರೂಪದಲ್ಲಿ ನಡೆದ ವಿವರಣೆಯಲ್ಲಿ ಸಚಿವ ಸಂತೋಷ್ ಅವರು ಹೀಗೆ ತಿಳಿಸಿದ್ದಾರೆ.
ಒಂದೇ ವ್ಯಕ್ತಿಗೆ ಒಂದಕ್ಕಿಂತ ಹೆಚ್ಚು ಪ್ಯಾನ್ ಕಾರ್ಡ್ ಸಂಖ್ಯೆಗಳು ಲಗತ್ತಿಸಲ್ಪಟ್ಟಿದ್ದನ್ನು ಗಮನಿಸಿದ ಇಲಾಖೆಯು, ಅಂಥ ಪ್ಯಾನ್ ಸಂಖ್ಯೆಗಳನ್ನು ರದ್ದುಗೊಳಿಸಿರುವುದಾಗಿ ಸಂತೋಷ್ ತಿಳಿಸಿದ್ದಾರೆ.
ಇದೇ ವರ್ಷ ಜುಲೈ ವೇಳೆಗೆ, 11,44,211 ಇಂಥ ಪ್ಯಾನ್ ಕಾರ್ಡ್ ಸಂಖ್ಯೆಗಳು ಸರ್ಕಾರದ ಗಮನಕ್ಕೆ ಬಂದಿದ್ದಾಗಿ ಅವರು ವಿವರಿಸಿದ್ದಾರೆ.
ಪ್ಯಾನ್ ಸಂಖ್ಯೆಗಳು ತೆರಿಗೆದಾರನ ಹೆಗ್ಗುರುತಾಗಿದ್ದು ಒಬ್ಬ ತೆರಿಗೆದಾರನಿಗೆ ಕೇವಲ ಒಂದೇ ಪ್ಯಾನ್ ಕಾರ್ಡ್ ಇರಬೇಕು. ಈ ನಿಯಮ ಉಲ್ಲಂಘನೆಯಾದರೆ, ಅಂಥ ಕಾರ್ಡ್ ಗಳ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎಂದೂ ಅವರು ತಿಳಿಸಿದರು.
Click it and Unblock the Notifications
Sign in with Google