ತೆರಿಗೆ ವಂಚಕರ ಹೆಸರು ಬಹಿರಂಗಕ್ಕಾಗಿ ಪ್ರತ್ಯೇಕ ವೆಬ್ ಸೈಟ್
ಅಪನಗದೀಕರಣದ ನಂತರದ ಬೆಳವಣಿಗೆಗಳಲ್ಲಿ ತೆರಿಗೆ ವಂಚಕರ ದೊಡ್ಡ ಜಾಲವನ್ನೇ ಐಟಿ ಅಧಿಕಾರಿಗಳು ಪತ್ತೆ ಹಚ್ಚಿದ್ದರು. ಇದೀಗ, ವೆಬ್ ಸೈಟ್ ಮೂಲಕ ಆ ವಂಚಕರ ಬಣ್ಣ ಬಯಲಾಗಲಿದೆ ಎಂಬುದು ಕೇಂದ್ರದ ನಿರೀಕ್ಷೆ.
ಮುಂಬೈ, ಮೇ 16: ತೆರಿಗೆ ವಂಚಕರ ಹೆಸರುಗಳನ್ನು ಜಗಜ್ಜಾಹೀರು ಮಾಡಲೆಂದೇ ಪ್ರತ್ಯೇಕ ವೆಬ್ ಸೈಟೊಂದನ್ನು ಕೇಂದ್ರ ಹಣಕಾಸು ಇಲಾಖೆ ಆರಂಭಿಸಿದೆ. ಕೇಂದ್ರ ವಿತ್ತ ಸಚಿವ ಅರುಣ್ ಜೇಟ್ಲಿ ಅವರು ಈ ವೆಬ್ ಸೈಟ್ ಗೆ ಮಂಗಳವಾರ (ಮೇ 15) ಚಾಲನೆ ನೀಡಿದ್ದಾರೆ.
ದೇಶದ ನಾನಾ ಕಡೆ ಆಗುವ ಆದಾಯ ತೆರಿಗೆ ಇಲಾಖೆಯ ದಾಳಿಗಳ ಸಂಪೂರ್ಣ ವಿವರವು ಆ ವೆಬ್ ಸೈಟ್ ನಲ್ಲಿ ಲಭ್ಯವಾಗಲಿದೆ. ತೆರಿಗೆ ವಂಚಕರ, ಕಪ್ಪು ಹಣ ಸಂಗ್ರಹಗಾರರ ಹಾಗೂ ಖೋಟಾ ನೋಟು ದಂಧೆಕೋರರ ಹೆಸರುಗಳುಳ್ಳ ಪಟ್ಟಿಯನ್ನೂ ಆ ವೆಬ್ ಸೈಟ್ ನಲ್ಲಿ ಹಾಕಲಾಗುತ್ತದೆ. ಅದರಲ್ಲೂ ಅವರು ಮಾಡಿರುವ ವಂಚನೆಯ ವ್ಯಾಪ್ತಿಯನ್ವಯ ಆ ಪಟ್ಟಿಯಲ್ಲಿ ಅವರಿಗೆ ಶ್ರೇಯಾಂಕ ನೀಡಲಾಗುತ್ತದೆ ಎಂದು ಹಣಕಾಸು ಇಲಾಖೆ ತಿಳಿಸಿದೆ.[ಚಿದಂಬರಂ, ಪುತ್ರನ ನಿವಾಸಗಳ ಮೇಲೆ CBI ದಾಳಿ;ದಿನದ 10 ಬೆಳವಣಿಗೆಗಳು]
ಕಪ್ಪು ಹಣವನ್ನು ತಡೆಗಟ್ಟಲು ಕೇಂದ್ರ ಸರ್ಕಾರ ಕಳೆದ ವರ್ಷ ನವೆಂಬರ್ ನಲ್ಲಿ ಅಪನಗದೀಕರಣದ ನಿರ್ಧಾರ ಕೈಗೊಂಡಿತ್ತು. ಆನಂತರದ ಬೆಳವಣಿಗೆಗಳಲ್ಲಿ ತೆರಿಗೆ ವಂಚಕರ ದೊಡ್ಡ ಜಾಲವನ್ನೇ ಐಟಿ ಅಧಿಕಾರಿಗಳು ಪತ್ತೆ ಹಚ್ಚಿದ್ದರು. ಇದೀಗ, ವೆಬ್ ಸೈಟ್ ಮೂಲಕ ಆ ವಂಚಕರ ಬಣ್ಣ ಬಯಲಾಗಲಿದೆ ಎಂದು ಕೇಂದ್ರ ಸರ್ಕಾರ ತಿಳಿಸಿದೆ.[ಸನ್ನಿ ಲಿಯೋನ್ 84 ಕೋಟಿ ಆಸ್ತಿಯ ಒಡತಿ ಆಗಿದ್ದು ಹೇಗೆ? ಬಿಸಿನೆಸ್-ಹೂಡಿಕೆ ಫಾರ್ಮುಲಾಗಳೇನು?]
Click it and Unblock the Notifications
Sign in with Google