ರೈಲ್ವೆ ಟಿಕೆಟ್ ರದ್ದು ಈಗ ಸರಳ; ಬ್ಯಾಂಕ್ ಖಾತೆಗೆ ಹಣ ವಾಪಸ್
ಬೆಂಗಳೂರು, ಅಕ್ಟೋಬರ್ 30 : ಪ್ರಯಾಣಿಕ ಸ್ನೇಹಿಯಾಗಲು ಭಾರತೀಯ ರೈಲ್ವೆ ಮತ್ತೊಂದು ಹೆಜ್ಜೆ ಇಟ್ಟಿದೆ. ಅಧಿಕೃತ ಏಜೆಂಟ್ಗಳ ಮೂಲಕ ಮುಂಗಡವಾಗಿ ಕಾಯ್ದಿರಿಸಿದ ಟಿಕೆಟ್ ರದ್ದುಗೊಳಿಸುವುದವನ್ನು ಸರಳವಾಗಿಸಿದೆ.
ಒಟಿಪಿ ಆಧಾರಿತ ಸುಲಭ, ಪಾರದರ್ಶಕ ವ್ಯವಸ್ಥೆಯನ್ನು ಐಆರ್ಸಿಟಿಸಿ ಜಾರಿಗೆ ತಂದಿದೆ. ಈ ಮೂಲಕ ಸುಲಭವಾಗಿ ಟಿಕೆಟ್ ರದ್ದು ಮಾಡಬಹುದು. ಟಿಕೆಟ್ ರದ್ದಾದ ತಕ್ಷಣ ಪ್ರಯಾಣಿಕರ ಬ್ಯಾಂಕ್ ಖಾತೆಗೆ ಹಣ ಮರುಪಾವತಿಯಾಗುತ್ತದೆ.
ಪೂರ್ಣ ಪ್ರಮಾಣದ ವೈಟಿಂಗ್ ಲಿಸ್ಟ್ನ ಟಿಕೆಟ್ ಮುಂಗಡ ಕಾಯ್ದಿರಿಸಿದರೆ ಅಥವಾ ಪ್ರಯಾಣಿರೇ ಟಿಕೆಟ್ ರದ್ದುಗೊಳಿಸಿದರೆ ಅವರ ಮೊಬೈಲ್ಗೆ ಒಂದು ಒಟಿಪಿ ರವಾನೆಯಾಗುತ್ತದೆ. ಅದನ್ನು ಏಜೆಂಟ್ಗೆ ನೀಡುವ ಮೂಲಕ ಟಿಕೆಟ್ ರದ್ದುಗೊಳಿಸಬಹುದು.
ಅಧಿಕೃತ ಏಜೆಂಟ್ ಟಿಕೆಟ್ ರದ್ದು ಮಾಡಿದ ತಕ್ಷಣ ಪ್ರಯಾಣಿಕರ ಮೊಬೈಲ್ ನಂಬರ್ಗೆ ಲಿಂಕ್ ಆಗಿರುವ ಬ್ಯಾಂಕ್ ಖಾತೆಗೆ ಹಣವನ್ನು ಹಾಕಲಾಗುತ್ತದೆ. ಈ ವ್ಯವಸ್ಥೆಯಿಂದ ಟಿಕೆಟ್ ರದ್ದು ಮಾಡುವುದು ಸರಳವಾದಂತಾಗಿದೆ.
ಐ. ಆರ್. ಸಿ. ಟಿ. ಸಿ ವೆಬ್ಸೈಟ್ ಮೂಲಕ ಎಲ್ಲಾ ದಿನ ಬೆಳಗ್ಗೆ 10 ರಿಂದ ರಾತ್ರಿ 11ರ ತನಕ ಟಿಕೆಟ್ ಬುಕ್ ಮಾಡಬಹುದು. ಈ ಹಿಂದೆ ಒಂದು ಐಡಿಯಲ್ಲಿ ಕೇವಲ 6 ಟಿಕೆಟ್ ಬುಕ್ ಮಾಡಬಹುದಿತ್ತು. ಈಗ ಅದನ್ನು 12ಕ್ಕೆ ಏರಿಕೆ ಮಾಡಲಾಗಿದೆ.
Click it and Unblock the Notifications
Sign in with Google