• search

ಅತ್ಯಾಚಾರ ಸಂತ್ರಸ್ತರ ಕನ್ಯತ್ವ ಪರೀಕ್ಷೆ ಮಾಡ್ಬೇಡಿ: ಹೊಸ ಗೈಡ್ ಲೈನ್ಸ್

By ಒನ್ಇಂಡಿಯಾ ಡೆಸ್ಕ್
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಅತ್ಯಾಚಾರ ಪ್ರಕರಣಗಳಲ್ಲಿ ಸಂತ್ರಸ್ತರಿಗೆ ನೆರವು ನೀಡಬೇಕಾದ ವಿಚಾರಕ್ಕೆ ಸಂಬಂಧಿಸಿದಂತೆ ವೈದ್ಯರ ಪಾತ್ರದ ಪ್ರಾಮುಖ್ಯ ತಿಳಿಸುವಂಥ ಕೆಲವು ಸೂಚನೆಗಳನ್ನು ಗೃಹ ಖಾತೆ ವ್ಯವಹಾರಗಳ ಸಚಿವಾಲಯ ನೀಡಿದೆ. ಅಂಥ ಪ್ರಕರಣಗಳನ್ನು ಹೇಗೆ ನಿಭಾಯಿಸಬೇಕು, ಸಂತ್ರಸ್ತರ ವೈದ್ಯಕೀಯ ಪರೀಕ್ಷೆ ನಡೆಸುವಾಗ ಹೇಗೆ ನಡೆದುಕೊಳ್ಳಬೇಕು ಹಾಗೂ ನಡೆದುಕೊಳ್ಳಬಾರದು ಎಂಬುದನ್ನು ಸಹ ತಿಳಿಸಲಾಗಿದೆ.

    ಕಳೆದ ಜುಲೈ 25ನೇ ತಾರೀಕು ಮಾರ್ಗದರ್ಶಿ ಸೂತ್ರಗಳನ್ನು ಬಿಡುಗಡೆ ಮಾಡಲಾಗಿದೆ. ಆ ಪ್ರಕಾರವಾಗಿ ವೈದ್ಯರು ಎರಡು ಬಗೆಯ ಪಾತ್ರ ನಿರ್ವಹಿಸಬೇಕಾಗುತ್ತದೆ. ಅಂದರೆ ಅತ್ಯಾಚಾರ ಸಂತ್ರಸ್ತರಿಗೆ ಮೊದಲು ಅಗತ್ಯ ವೈದ್ಯಕೀಯ ಚಿಕಿತ್ಸೆ ನೀಡಿ, ಮಾನಸಿಕ ಬೆಂಬಲಕ್ಕೆ ನಿಲ್ಲಬೇಕು. ಎರಡನೆಯದಾಗಿ ಅಪರಾಧ ಎಸಗಿದವರಿಗೆ ಶಿಕ್ಷೆ ಆಗುವಂತೆ ಮಾಡಲು ನೆರವಾಗಬೇಕು.

    ಅತ್ಯಾಚಾರ ಸಂತ್ರಸ್ಥೆಯ ಚಿತ್ರ ಬಳಸುವ ಮಾಧ್ಯಮಗಳಿಗೆ ಸುಪ್ರೀಂ ತಪರಾಕಿ

    ಕೋರ್ಟ್ ಕಲಾಪಗಳಲ್ಲಿ ವೈದ್ಯಕೀಯ ಕಾನೂನು ವಿಚಾರಣೆ (ಮೆಡಿಕೋ ಲೀಗಲ್ ಪ್ರೊಸಿಡಿಂಗ್ಸ್) ಹೇಗೆ ನಡೆಯುತ್ತದೆ ಎಂಬ ಬಗ್ಗೆ ಅರಿವು ಮೂಡಿಸಬೇಕು. ಸಾಕ್ಷ್ಯ ಸಂಗ್ರಹ ಹಾಗೂ ಸರಿಯಾಗಿ ದಾಖಲೆಗಳ ಒಟ್ಟುಗೂಡಿಸಲು ಸಹಾಯ ಮಾಡಬೇಕು.

    No virginity test for rape case victim, new guidelines

    ಮಹಿಳೆಯರು ಅಥವಾ ಮಕ್ಕಳ ಮೇಲೆ ಲೈಂಗಿಕ ದೌರ್ಜನ್ಯ ನಡೆದಾಗ ಹೇಗೆ ಪ್ರಕರಣದ ಪರಿಣಾಮಕಾರಿ ವಿಚಾರಣೆ ನಡೆಸಬೇಕು ಎಂಬ ಮಾರ್ಗದರ್ಶಿ ಸೂತ್ರಗಳನ್ನು ದೇಶದಾದ್ಯಂತ ಇರುವ ಡಿಜಿಪಿಗಳು, ಪೊಲೀಸ್ ಕಮಿಷನರ್ ಗಳಿಗೆ ಕಳುಹಿಸಲಾಗಿದೆ.

    ಅತ್ಯಾಚಾರಕ್ಕೆ ಒಳಗಾದ ಸಂತ್ರಸ್ತರ ಜನನಾಂಗದ (ಎರಡು ಬೆರಳಿನ ಪರೀಕ್ಷೆ) ಪರೀಕ್ಷೆ ನಡೆಸಬಾರದು ಎಂದು ವೈದ್ಯರಿಗೆ ಸಲಹೆ ನೀಡಲಾಗಿದೆ. ಲೈಂಗಿಕ ಸಂಪರ್ಕ ಆಗಿದೆಯಾ ಅಥವಾ ಇಲ್ಲವಾ ಎಂಬುದನ್ನು ತಿಳಿಯುವ ಸಲುವಾಗಿ ಹೀಗೆ ಎರಡು ಬೆರಳಿನ ಪರೀಕ್ಷೆ ಮಾಡಲಾಗುತ್ತದೆ. ಜನನಾಂಗ ಎಷ್ಟು ಪ್ರಮಾಣದಲ್ಲಿ ತೆರೆದುಕೊಂಡಿದೆ ಎಂದು ನಿರ್ಧರಿಸುವಂತೆ ಗಾತ್ರದ ಬಗ್ಗೆ ಏನೂ ಹೇಳಬಾರದು ಎಂದು ಸೂಚಿಸಲಾಗಿದೆ.

    2014-16ರ ಮಧ್ಯೆ ದೇಶದಲ್ಲಿ ಲಕ್ಷಕ್ಕೂ ಹೆಚ್ಚು ಅತ್ಯಾಚಾರ ಪ್ರಕರಣ

    ಅದೇ ರೀತಿ ಜನನಾಂಗ ಎಷ್ಟು ಅಗಲವಾಗಿದೆ ಅಂತಾಗಲೀ ಅಥವಾ ಕನ್ಯಾಪೊರೆ ಬಗ್ಗೆಯಾಗಲೀ ಅಥವಾ ಅದಕ್ಕೂ ಮುಂಚಿನ ಲೈಂಗಿಕ ಅನುಭವಗಳ ಬಗ್ಗೆಯಾಗಲೀ ಅಥವಾ ಲೈಂಗಿಕ ಸಂಪರ್ಕ ಅಭ್ಯಾಸ ಇವ್ಯಾವು ಕೂಡ ಲೈಂಗಿಕ ಹಿಂಸೆ ಪ್ರಕರಣಗಳಲ್ಲಿ ಪರಿಗಣಿಸಬಾರದು ಎನ್ನಲಾಗಿದೆ.

    ಇನ್ನು ಲಿಂಗತ್ವದ ವಿಚಾರಕ್ಕೆ ಸಂಬಂಧಿಸಿದ ಹಾಗೆ ಕೆಲವು ವಿಶೇಷ ಅಂಶಗಳನ್ನು ಹೇಳಲಾಗಿದೆ. ಸಾಮಾನ್ಯವಾಗಿ ಲೈಂಗಿಕ ದೌರ್ಜನ್ಯವು ಮಹಿಳೆಯರ ಮೇಲೆ ಆಗುತ್ತದೆ ಎಂಬ ನಂಬಿಕೆ ಇದೆ. ಅದು ಪುರುಷರ ಮೇಲೂ ಆಗಬಹುದು, ತೃತೀಯ ಲಿಂಗಿ ಅಥವಾ ಉಭಯ ಲಿಂಗಿಗಳ ಮೇಲೂ ಆಗಬಹುದು. ಇವೇ ಮಾರ್ಗದರ್ಶಿ ಸೂತ್ರಗಳನ್ನೇ ಎಲ್ಲರಿಗೂ ಅನ್ವಯಿಸಬೇಕು ಎಂದು ತಿಳಿಸಲಾಗಿದೆ.

    ಈ ಎಲ್ಲ ಮಾರ್ಗದರ್ಶಿಸೂತ್ರಗಳನ್ನು ಚಂಡೀಗಢದ ಕೇಂದ್ರ ವಿಧಿ ವಿಜ್ಞಾನ ಪ್ರಯೋಗಾಲಯವು (ಸೆಂಟ್ರಲ್ ಫೋರೆನ್ಸಿಕ್ ಸೈನ್ಸ್ ಲ್ಯಾಬೊರೇಟರಿ) ಗೃಹ ಖಾತೆ ವ್ಯವಹಾರದ ಸಚಿವಾಲಯಕ್ಕಾಗಿ ರೂಪಿಸಲಾಗಿದೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    No virginity test or comment on sex life of rape case victim, new guidelines laid down by Ministry of Home Affairs, sent to all states and union territories of the country.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more