Vande Bharat Express: ದೀಪಾವಳಿಗೂ ಮೊದಲು 9 ಹೊಸ ವಂದೇ ಭಾರತ್ ರೈಲುಗಳಿಗೆ ಚಾಲನೆ- ಮಾರ್ಗ, ದಿನಾಂಕ, ವಿವರ

Published: Saturday, October 14, 2023, 15:45 [IST]

ದೀಪಾವಳಿ ಹಬ್ಬದ ವಿಪರೀತ ಜನದಟ್ಟಣೆಯನ್ನು ಕಡಿಮೆ ಮಾಡಲು ಭಾರತೀಯ ರೈಲ್ವೇಯು ಹಲವು ಪ್ರಯತ್ನ ಮಾಡುತ್ತಿದೆ. ಮಹಾನಗರಗಳ ನಡುವೆ ವಿಶೇಷ ರೈಲುಗಳನ್ನು ಓಡಿಸಲು ಹಲವು ಯೋಜನೆಗಳನ್ನು ರೂಪಿಸಿದೆ. ಒಂಬತ್ತು ಹೊಸ ವಂದೇ ಭಾರತ್‌ ರೈಲುಗಳಿಗೆ ಚಾಲನೆ ನೀಡಲು ಭಾರತೀಯ ರೈಲ್ವೆ ಮುಂದಾಗಿದೆ.

ದೀಪಾವಳಿಗೆ ಮುಂಚಿತವಾಗಿ ದೇಶದಲ್ಲಿ ಒಂಬತ್ತು ಹೊಸ ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲುಗಳಿಗೆ ಚಾಲನೆ ನೀಡಲು ರೈಲ್ವೆ ಇಲಾಖೆ ಯೋಜಿಸುತ್ತಿದೆ ಎಂದು ವರದಿಯಾಗಿದೆ.

nine-vande-bharat-express-trains-to-launch

ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲುಗಳು ಕೇಂದ್ರ ರೈಲ್ವೆ ವಿಭಾಗದಲ್ಲಿ ಸಂಚರಿಸಬಹುದು ಎಂದು ಮಾಧ್ಯಮ ವರದಿ ಮಾಡಿವೆ. ವಂದೇ ಭಾರತ್‌ ರೈಲುಗಳ ಉಳಿದ ಹೊಸ ಮಾರ್ಗಗಳನ್ನು ಇನ್ನೂ ಅಂತಿಮಗೊಳಿಸಲಾಗಿಲ್ಲ ಎಂದು ರೈಲ್ವೆ ಅಧಿಕಾರಿಗಳು ಹೇಳಿದ್ದಾರೆ.

ಸಂಭಾವ್ಯ ಮಾರ್ಗಗಳನ್ನು ಗುರುತಿಸುವ ಪ್ರಕ್ರಿಯೆಯು ಪ್ರಕ್ರಿಯೆಯಲ್ಲಿದೆ. ಪ್ರಧಾನಿ ಮೋದಿಯವರು ದೇಶದಲ್ಲಿ ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲಿನ 9 ಮಾರ್ಗಗಳಿಗೆ ಚಾಲನೆ ನೀಡಿದ್ದಾರೆ. ಈಗ ಮತ್ತೆ ಒಂಬತ್ತು ಮಾರ್ಗಗಳಿಗೆ ದೀಪಾವಳಿಗೂ ಮುನ್ನ ಚಾಲನೆ ನೀಡಲಿದ್ದಾರೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಮುಂಬರುವ ವಂದೇ ಭಾರತ್ ಎಕ್ಸ್‌ಪ್ರೆಸ್ ಮಾರ್ಗಗಳು

ಮುಂಬೈನಿಂದ ಜಲ್ನಾ, ಪುಣೆಯಿಂದ ಸಿಕಂದರಾಬಾದ್ ಮತ್ತು ಮುಂಬೈನಿಂದ ಕೊಲ್ಲಾಪುರ ಮಾರ್ಗಗಳಲ್ಲಿ ಹೊಸ ವಂದೇ ಭಾರತ್‌ ರೈಲುಗಳನ್ನು ಓಡಿಸಲು ಯೋಜಿಸಲಾಗಿದೆ. ಈ ಮಾರ್ಗಗಳಲ್ಲಿ ಔಪಚಾರಿಕವಾಗಿ ಕಾರ್ಯಾಚರಣೆ ನಡೆಸುವ ಮೊದಲು ಪ್ರಯೋಗವನ್ನು ನಡೆಸಬೇಕಾಗಿದೆ. ಇತರ ಆರು ಮಾರ್ಗಗಳನ್ನು ಶೀಘ್ರದಲ್ಲೇ ಅಂತಿಮಗೊಳಿಸುವ ಸಾಧ್ಯತೆಯಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ವಾರಣಾಸಿ-ಟಾಟಾನಗರ ವಂದೇ ಭಾರತ್ ಎಕ್ಸ್‌ಪ್ರೆಸ್

ಈ ಒಂಬತ್ತು ವಂದೇ ಭಾರತ್ ಎಕ್ಸ್‌ಪ್ರೆಸ್ ಮಾರ್ಗಗಳು ಇನ್ನೂ ಘೋಷಿಸಲ್ಪಟ್ಟಿಲ್ಲ. ಆದರೆ, ದೃಢೀಕರಿಸಲ್ಪಟ್ಟಿವೆ. ಭಾರತೀಯ ರೈಲ್ವೇ ವಾರಣಾಸಿಯಿಂದ ಎರಡನೇ ಸೆಮಿ-ಹೈ-ಸ್ಪೀಡ್ ರೈಲನ್ನು ಪ್ರಾರಂಭಿಸಲು ಸಿದ್ಧವಾಗಿದೆ. ಇದು ವಾರಣಾಸಿ ಮತ್ತು ಟಾಟಾನಗರ ನಡುವೆ 8 ಕೋಚ್‌ಗಳ ರೇಕ್‌ನೊಂದಿಗೆ ಕಾರ್ಯನಿರ್ವಹಿಸುತ್ತದೆ.

ಹೊಸ ವಾರಣಾಸಿ-ಟಾಟಾನಗರ ವಂದೇ ಭಾರತ್ ಎಕ್ಸ್‌ಪ್ರೆಸ್ ತನ್ನ ಸಂಚಾರದ ಅವಧಿಯಲ್ಲಿ ಒಟ್ಟು 6 ನಿಲುಗಡೆಗಳೊಂದಿಗೆ ಕಾರ್ಯನಿರ್ವಹಿಸುತ್ತದೆ. ಟಾಟಾನಗರ ಜೆಂಕ್ಷನ್‌, ಪುರುಲಿಯಾ ಜೆಂಕ್ಷನ್‌, ಬೊಕಾರೊ ಸಿಟಿ, ಗಯಾ ಜೆಂಕ್ಷನ್‌, ಉಪಾಧ್ಯಾಯ ಜೆಂಕ್ಷನ್‌ ಮತ್ತು ವಾರಣಾಸಿ ಜೆಂಕ್ಷನ್‌.

ವಾರಣಾಸಿ-ಟಾಟಾನಗರ ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲು ಟಾಟಾನಗರ ಜೆಂಕ್ಷನ್‌ನಿಂದ ಬೆಳಿಗ್ಗೆ 6 ಗಂಟೆಗೆ ಹೊರಡಲಿದೆ. ಮಧ್ಯಾಹ್ನ 1:50 ಕ್ಕೆ ವಾರಣಾಸಿ ಜಂಕ್ಷನ್‌ಗೆ ಆಗಮಿಸಲಿದೆ. 574 ಕಿಲೋಮೀಟರ್ ದೂರದ ಪ್ರಯಾಣವನ್ನು ವಂದೇ ಭಾರತ್‌ ಎಕ್ಸ್‌ಪ್ರೆಸ್‌ ರೈಲು ಸರಿಸುಮಾರು 7 ಗಂಟೆ 50 ನಿಮಿಷಗಳಲ್ಲಿ ಕ್ರಮಿಸುತ್ತದೆ. ಟಾಟಾನಗರಕ್ಕೆ ಹಿಂತಿರುಗಲು ವಾರಣಾಸಿಯಿಂದ ಮಧ್ಯಾಹ್ನ 2:35 ಕ್ಕೆ ಹೊರಡುತ್ತದೆ. ಟಾಟಾ ನಗರಕ್ಕೆ ರಾತ್ರಿ 10:00 ಕ್ಕೆ ತಲುಪುತ್ತದೆ.