Sugar Price: ಭಾರತದಲ್ಲಿ ಅಕ್ಟೋಬರ್-ಡಿಸೆಂಬರ್ ಸಕ್ಕರೆ ಉತ್ಪಾದನೆ ಕುಸಿತ: ಬೆಲೆ ಹೆಚ್ಚಳವಾಗುತ್ತಾ?

ಸಹಕಾರಿ ಸಕ್ಕರೆ ಕಾರ್ಖಾನೆಗಳ ರಾಷ್ಟ್ರೀಯ ಒಕ್ಕೂಟ ಲಿಮಿಟೆಡ್ (NFCSF) ಪ್ರಕಾರ, ಎರಡು ಪ್ರಮುಖ ರಾಜ್ಯಗಳಲ್ಲಿ ಕಬ್ಬು ಕಡಿಮೆ ಉತ್ಪಾದನೆಯಿಂದಾಗಿ ಸಕ್ಕರೆ ಉತ್ಪಾದನೆಯು 2023-24 ಋತುವಿನ ಮೊದಲ ಮೂರು ತಿಂಗಳಲ್ಲಿ 112 ಲಕ್ಷ ಟನ್‌ಗಳಿಗೆ 7.7 ಶೇಕಡಾ ಕಡಿಮೆಯಾಗಿದೆ.

2022-23 ರ ಅಕ್ಟೋಬರ್-ಡಿಸೆಂಬರ್ ಅವಧಿಯಲ್ಲಿ ಸಕ್ಕರೆ ಉತ್ಪಾದನೆಯು 121.35 ಲಕ್ಷ ಟನ್‌ಗಳಷ್ಟಿತ್ತು ಎಂದು ಹೇಳಲಾಗಿದೆ.

ಸಹಕಾರಿ ಸಕ್ಕರೆ ಕಾರ್ಖಾನೆಗಳ ರಾಷ್ಟ್ರೀಯ ಒಕ್ಕೂಟ ಲಿಮಿಟೆಡ್, ದೇಶದ ಒಟ್ಟು ಸಕ್ಕರೆ ಉತ್ಪಾದನೆಯು 2023-24 ಋತುವಿನಲ್ಲಿ 305 ಲಕ್ಷ ಟನ್‌ಗಳು ಎಂದು ಅಂದಾಜಿಸಿದೆ, 2022-23 ಋತುವಿನಲ್ಲಿ ಸಾಧಿಸಿದ 330.90 ಲಕ್ಷ ಟನ್‌ಗಳಿಗಿಂತ ಕಡಿಮೆಯಾಗಿದೆ ಎಂದು ಹೇಳಿದೆ. ಸಕ್ಕರೆ ಸೀಸನ್ ಅಕ್ಟೋಬರ್ ನಿಂದ ಸೆಪ್ಟೆಂಬರ್ ವರೆಗೆ ಇರುತ್ತದೆ.

ಕರ್ನಾಟಕದಲ್ಲೂ ಉತ್ಪಾದನೆ ಕುಸಿತ

ಇತ್ತೀಚಿನ ಅಂಕಿಅಂಶಗಳನ್ನು ಬಿಡುಗಡೆ ಮಾಡಿದ ರಾಷ್ಟ್ರೀಯ ಸಹಕಾರಿ ಸಕ್ಕರೆ ಕಾರ್ಖಾನೆಗಳ ಒಕ್ಕೂಟ (ಎನ್‌ಎಫ್‌ಸಿಎಸ್‌ಎಫ್) ಪ್ರಸಕ್ತ ಋತುವಿನ ಡಿಸೆಂಬರ್ 2023 ರವರೆಗೆ ಒಟ್ಟು 511 ಕಾರ್ಖಾನೆಗಳು 1,223 ಲಕ್ಷ ಟನ್ ಕಬ್ಬನ್ನು ಅರೆದಿವೆ ಎಂದು ಹೇಳಿದೆ.

ಅಗ್ರ ಮೂರು ಸಕ್ಕರೆ ಉತ್ಪಾದಿಸುವ ರಾಜ್ಯಗಳಲ್ಲಿ, ಮಹಾರಾಷ್ಟ್ರ ಮತ್ತು ಕರ್ನಾಟಕದಲ್ಲಿ ಉತ್ಪಾದನೆಯು ಈ ಋತುವಿನ ಅಕ್ಟೋಬರ್-ಡಿಸೆಂಬರ್ ಅವಧಿಯಲ್ಲಿ ಕಡಿಮೆಯಾಗಿದೆ.

ಕೇಂದ್ರ ಸರ್ಕಾರವು ಕಬ್ಬಿನ ರಸದಿಂದ ಎಥೆನಾಲ್ ಉತ್ಪಾದನೆಯನ್ನು ಸೀಮಿತಗೊಳಿಸಿರುವುದರಿಂದ, ಸ್ಥಳೀಯ ಬಳಕೆಗಾಗಿ ದೇಶದಲ್ಲಿ ಒಟ್ಟು 305 ಲಕ್ಷ ಟನ್‌ಗಳಷ್ಟು ಹೊಸ ಸಕ್ಕರೆ ಲಭ್ಯವಾಗುವ ನಿರೀಕ್ಷೆಯಿದೆ ಎಂದು ಎನ್‌ಎಫ್‌ಸಿಎಸ್‌ಎಫ್ ಅಧ್ಯಕ್ಷ ಜೈಪ್ರಕಾಶ ದಂಡೇಗಾಂವಕರ್ ಹೇಳಿದರು.

ಎನ್‌ಎಫ್‌ಸಿಎಸ್‌ಎಫ್‌ ಅಂಕಿಅಂಶಗಳ ಪ್ರಕಾರ, ಮಹಾರಾಷ್ಟ್ರದಲ್ಲಿ ಭಾರತದಲ್ಲಿ ಅತಿ ಸಕ್ಕರೆ ಉತ್ಪಾದಿಸುವ ರಾಜ್ಯವಾಗಿದೆ. ಹಿಂದಿನ ವರ್ಷದ ಅವಧಿಯಲ್ಲಿ 47.40 ಲಕ್ಷ ಟನ್‌ಗಳಿಗೆ ಹೋಲಿಸಿದರೆ 2023-24 ರ ಋತುವಿನ ಡಿಸೆಂಬರ್‌ವರೆಗೆ 38.20 ಲಕ್ಷ ಟನ್‌ಗಳಿಗೆ ಕಡಿಮೆಯಾಗಿದೆ.

ಅದೇ ರೀತಿ, ದೇಶದ ಮೂರನೇ ಅತಿದೊಡ್ಡ ಉತ್ಪಾದನಾ ರಾಜ್ಯವಾದ ಕರ್ನಾಟಕದಲ್ಲಿ ಉತ್ಪಾದನೆಯು 24 ಲಕ್ಷ ಟನ್‌ಗಳಿಗೆ ಕಡಿಮೆಯಾಗಿದೆ, ಈ ಅವಧಿಯಲ್ಲಿ 26.70 ಲಕ್ಷ ಟನ್‌ಗಳಷ್ಟಿತ್ತು.

ದೇಶದ ಎರಡನೇ ಅತಿದೊಡ್ಡ ಸಕ್ಕರೆ ಉತ್ಪಾದಿಸುವ ರಾಜ್ಯವಾದ ಉತ್ತರ ಪ್ರದೇಶವು ಹಿಂದಿನ ವರ್ಷದ ಅವಧಿಯಲ್ಲಿ 30.80 ಲಕ್ಷ ಟನ್‌ಗಳಿಗೆ ಹೋಲಿಸಿದರೆ ಈ ಋತುವಿನ ಡಿಸೆಂಬರ್‌ವರೆಗೆ 34.65 ಲಕ್ಷ ಟನ್‌ಗಳಷ್ಟು ಸಕ್ಕರೆಯನ್ನು ಉತ್ಪಾದಿಸಿದೆ.

ದೇಶದಲ್ಲಿ ಸರಾಸರಿ ಸಕ್ಕರೆ ಚೇತರಿಕೆಯು ಶೇಕಡಾ 9.17 ರಷ್ಟಿದೆ ಮತ್ತು ಚಳಿಗಾಲವು ಮುಂದುವರೆದಂತೆ, ಸಕ್ಕರೆ ಇಳುವರಿಯು ಅದಕ್ಕೆ ಅನುಗುಣವಾಗಿ ಹೆಚ್ಚಾಗುವ ನಿರೀಕ್ಷೆಯಿದೆ ಎಂದು ಹೇಳಿದೆ.

ಋತುವಿನ ಅಂತ್ಯದ ವೇಳೆಗೆ ಉತ್ತರ ಪ್ರದೇಶ 115 ಲಕ್ಷ ಟನ್, ಮಹಾರಾಷ್ಟ್ರ 90 ಲಕ್ಷ ಟನ್, ಕರ್ನಾಟಕ 42 ಲಕ್ಷ ಟನ್, ತಮಿಳುನಾಡು 12 ಲಕ್ಷ ಟನ್ ಮತ್ತು ಗುಜರಾತ್ 10 ಲಕ್ಷ ಟನ್ ಸಕ್ಕರೆ ಉತ್ಪಾದಿಸುವ ನಿರೀಕ್ಷೆಯಿದೆ ಎಂದು ಹೇಳಿದೆ.

ದೇಶದಲ್ಲಿ ಸಕ್ಕರೆ ದಾಸ್ತಾನು ಇರುವ ಕಾರಣ ಸಕ್ಕರೆ ಉತ್ಪಾದನೆ ಕುಸಿತ ಕಂಡಿದ್ದರೂ ಮಾರುಕಟ್ಟೆ ಮೇಲೆ ಪರಿಣಾಮ ಬೀರುವುದಿಲ್ಲ ಎಂದು ಅಂದಾಜಿಸಲಾಗಿದೆ.

English summary

NFCSF reports a 7.7% YoY decline in India's sugar production, totaling 112 lakh tonnes for the first three months of the 2023-24 season, attributed to reduced output in key states.