ಬಾಲಿವುಡ್ ನ ವರ್ಣಭೇದ ನೀತಿ ಬಗ್ಗೆ ನವಾಜುದ್ದೀನ್ ಸಿದ್ಧಿಕಿ ಬೇಸರ
ಬಾಲಿವುಡ್ ನಲ್ಲಿರುವ ವರ್ಣಭೇದ ನೀತಿಯ ವಿರುದ್ಧ ನವಾಜುದ್ದೀನ್ ಸಿದ್ಧಿಕಿ ಬೇಸರ. ಟ್ವಿಟರ್ ನಲ್ಲಿ ಬೇಸರ ತೋಡಿಕೊಂಡ ನವಾಜುದ್ದೀನ್.
ನವದೆಹಲಿ, ಜುಲೈ 18: ಬಾಲಿವುಡ್ ನಲ್ಲಿ ಚಾಲ್ತಿಯಲ್ಲಿರುವ ವರ್ಣಭೇದ ನೀತಿಯ ಕುರಿತಂತೆ ನವಾಜುದ್ದೀನ್ ಸಿದ್ಧಿಕಿ ಅವರು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.
ಅಮಿತಾಭ್ ಬಚ್ಚನ್, ಶಾರೂಖ್ ಖಾನ್, ಸಲ್ಮಾನ್ ಖಾನ್, ಶ್ರೀದೇವಿ ಅವರ ಚಿತ್ರಗಳಲ್ಲಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡು ಚಿತ್ರ ರಸಿಕರ ಗಮನ ಸಳೆದಿರುವ ನವಾಜುದ್ದೀನ್ ಗೆ ಭಾರತೀಯ ಚಿತ್ರರಂಗ ರೂಪಿಸಿದ ಪ್ರತಿಭಾನ್ವಿತ ಕಲಾವಿದರೊಬ್ಬರು ಎಂಬ ಹೆಗ್ಗಳಿಕೆ ಇದೆ. ವಿಶ್ವ ಮಟ್ಟದಲ್ಲಿ ಅವರಿಗೆ ಮನ್ನಣೆಯಿದೆ.
ಆದರೂ, ತಮ್ಮ ಅಭಿನಯದ ಚಿತ್ರಗಳು ತೆರೆಗೆ ಬಂದಾಗ ಅದರಲ್ಲಿ ಅವರ ಅಭಿನಯವನ್ನು ಹೆಚ್ಚಾಗಿ ಬಾಲಿವುಡ್ ನ ನಟ, ನಟಿಯರು ಪರಿಗಣಿಸುವುದಿಲ್ಲ. ಚಿತ್ರದ ಪ್ರಚಾರ ಕಾರ್ಯದಲ್ಲಾಗಲೀ, ವಿಮರ್ಶೆಗಳಲ್ಲಾಗಲೀ, ತಮ್ಮ ಬಗ್ಗೆ ಯಾರೂ ಮಾತನಾಡುವುದಿಲ್ಲ ಎಂಬ ಬೇಸರ ಅವರಲ್ಲಿ ಮೂಡಿದೆಯಂತೆ. ಇದಕ್ಕೆ ಕಾರಣ, ತಾವು ಸುಂದರವಾಗಿಲ್ಲದಿರುವುದು ಎಂದು ಭಾವಿಸಿರುವ ಅವರು, ಈ ಬಗ್ಗೆ ಬೇಸರಪಟ್ಟುಕೊಂಡಿದ್ದಾರೆ.
ಟ್ವಿಟ್ಟರ್ ನಲ್ಲಿ ಈ ಬಗ್ಗೆ ಹೇಳಿಕೊಂಡಿರುವ ಅವರು, ''ನನ್ನನ್ನು ಕಟ್ಟುಮಸ್ತಾದ, ಸುಂದರವಾದ ಬಾಲಿವುಡ್ ಕಲಾವಿದರೊಂದಿಗೆ ನಿಲ್ಲಿಸಿ ಹೊಗಳದೇ ಇದ್ದಿದ್ದಕ್ಕಾಗಿ ಧನ್ಯವಾದಗಳು. ಹೌದು. ನಾನು ಕಪ್ಪಾಗಿದ್ದೇನೆ. ನೋಡಲು ಸುಂದರವಾಗಿಲ್ಲ. ಆದರೆ, ನಾನು ಆ ಬಗ್ಗೆ ಕೀಳರಿಮೆ ಬೆಳೆಸಿಕೊಳ್ಳುವುದಿಲ್ಲ'' ಎಂದು ತಿಳಿಸಿದ್ದಾರೆ.
Click it and Unblock the Notifications
Sign in with Google