"ನಾವು 100 ಕುಟುಂಬಗಳಲ್ಲಿ ಕೇವಲ 15 ಮಾತ್ರ ಉಳಿದಿದ್ದೇವೆ": ಗುರುಗ್ರಾಮ್‌ನಲ್ಲಿ ಜೀವ ಭಯದಲ್ಲಿ ವಾಸಿಸುತ್ತಿರುವ ವಲಸಿಗರು

ಗುರುಗ್ರಾಮ್ ಆಗಸ್ಟ್ 3: ಹರಿಯಾಣದ ನುಹ್‌ನಲ್ಲಿ ಭುಗಿಲೆದ್ದ ಹಿಂಸಾಚಾರದಿಂದಾಗಿ ಗುರುಗ್ರಾಮ್‌ನಲ್ಲಿ ವಲಸಿಗರು ಜೀವ ಭಯದಲ್ಲಿ ವಾಸಿಸುತ್ತಿದ್ದಾರೆ. ಹಿಂಸಾಚಾರ ಪೀಡಿತ ಪ್ರದೇಶಗಳನ್ನು ತೊರೆಯುವಂತ ಪರಿಸ್ಥಿತಿ ನಡುವೆ ಅವರಲ್ಲಿನ ಹಣದ ಕೊರತೆಯೂ ಅವರನ್ನು ಅಸಹಾಯಕರನ್ನಾಗಿ ಮಾಡಿದೆ.

ಹರಿಯಾಣದ ನುಹ್‌ನಲ್ಲಿ ನಡೆದ ಹಿಂಸಾಚಾರದಿಂದಾಗಿ ಅದೆಷ್ಟೋ ಜನ ರಾಜ್ಯದ ಇತರ ಭಾಗಗಳಿಗೆ ತೆರಳಿದ್ದಾರೆ. ಇಂತವರ ಸಂಖ್ಯೆ ಸದ್ಯಕ್ಕೆ ಗಣನೆಗೆ ಸಿಗುತ್ತಿಲ್ಲ. ಹಿಂಸಾಚಾರ ಪೀಡಿದ ಪ್ರದೇಶಗಳಲ್ಲಿ ಸತ್ತವರು ಮತ್ತು ಗಾಯಗೊಂಡವರ ಲೆಕ್ಕದಲ್ಲಿ ಸ್ಥಳ ಬದಲಾಯಿಸಿದವರೂ ಕೂಡ ಸೇರಿದ್ದಾರೆ. ಗುರುಗ್ರಾಮ್‌ನ ಪ್ರದೇಶ ಇದಕ್ಕೆ ಜ್ವಲಂತ ಉದಾಹರಣೆಯಾಗಿದೆ.

ಈ ಪ್ರದೇಶದಲ್ಲಿ ನೆಲೆಸಿರುವ ಪಶ್ಚಿಮ ಬಂಗಾಳದ 100 ಕ್ಕೂ ಹೆಚ್ಚು ಮುಸ್ಲಿಂ ಕುಟುಂಬಗಳಲ್ಲಿ ಕೇವಲ 15 ಮಾತ್ರ ಉಳಿದಿವೆ. ಇವರು ರಾತ್ರಿ ಹಗಲು ಭಯಭೀತರಾಗಿ ದಿನಗಳನ್ನು ಕಳಿಯುವಂತ ಸ್ಥಿತಿ ನಿರ್ಮಾಣವಾಗಿದೆ. ಇವರಿಗೆ ಸ್ಥಳ ತೊರೆಯಲು ಹಣವಿಲ್ಲದ ಕಾರಣ ಅಸಹಾಯಕರಾಗಿ ಹಿಂಸಾಚಾರ ಪೀಡಿತ ಪ್ರದೇಶದಲ್ಲಿ ವಾಸಿಸುವ ಅನಿವಾರ್ಯತೆ ಎದುರಾಗಿದೆ.

ಈ ಬಗ್ಗೆ ತಮ್ಮ ಬೇಸರವನ್ನು ವ್ಯಕ್ತಪಡಿಸಿದ 25 ವರ್ಷದ ಶಮೀಮ್ ಹುಸೇನ್ (ಕಣ್ಣೀರು ಹಾಕುತ್ತಾ ಮತ್ತು ತಮ್ಮ ಕೈಗಳನ್ನು ಮಡಚಿ), "ಕಳೆದ ಸಂಜೆ ಕೆಲವರು ಬಂದು ಎಲ್ಲಾ ಮುಸ್ಲಿಮರನ್ನು ಬಿಟ್ಟು ಹೋಗುವಂತೆ ಕೇಳಿದರು. ನಮಗೆ ಹಿಂತಿರುಗಲು ಹಣವಿಲ್ಲ ಮತ್ತು ಯಾರಾದರೂ ಸಾಲ ಕೊಡುವವರು ಇಲ್ಲ. ನಾನು ಸ್ಥಳೀಯವಾಗಿ ಅಂಗಡಿ ಇಟ್ಟುಕೊಂಡಿದ್ದೇನೆ. ನನಗೆ ಏನೇ ಆದರೂ ಪರವಾಗಿಲ್ಲ. ಆದರೆ ನನಗೆ ಒಂದು ವರ್ಷದ ಮಗನಿದ್ದಾನೆ, ನಮ್ಮನ್ನು ರಕ್ಷಿಸಲು ಸರ್ಕಾರ, ಜಿಲ್ಲಾಡಳಿತ ಮತ್ತು ಸ್ಥಳೀಯ ನಿವಾಸಿಗಳಿಗೆ ನನ್ನ ಪ್ರಾಮಾಣಿಕ ವಿನಂತಿ. ದಯವಿಟ್ಟು ನಮಗೆ ಸಹಾಯ ಮಾಡಿ." ಎಂದು ಅವರು ಕೇಳಿಕೊಂಡಿದ್ದಾರೆ.

ಹಿಂದಿನ ದಿನ, ಗುರುಗ್ರಾಮ್ ಜಿಲ್ಲಾಧಿಕಾರಿ ವಲಸೆ ಕುಟುಂಬಗಳಿಗೆ ರಕ್ಷಣೆ ನೀಡುವುದಾಗಿ ಭರವಸೆ ನೀಡಿದ್ದರು. ಸೂಕ್ಷ್ಮ ಪ್ರದೇಶಗಳು ಮತ್ತು ಎರಡೂ ಸಮುದಾಯಗಳ ಧಾರ್ಮಿಕ ಸ್ಥಳಗಳಾದ ಮಸೀದಿಗಳು ಮತ್ತು ದೇವಾಲಯಗಳ ಸುತ್ತಮುತ್ತ ರಾತ್ರೋರಾತ್ರಿ ಬಿಗಿ ಭದ್ರತೆ ನಿಯೋಜಿಸಲಾಗುವುದು ಎಂದು ಅವರು ಹೇಳಿದರು.

ಜೊತೆಗೆ ಮಂಗಳವಾರ ಸಂಜೆ ಸುಮಾರು 60 ಜನರು ಸ್ಥಳೀಯ ಮುಸ್ಲಿಂರನ್ನು ಭೇಟಿ ಮಾಡಿದರು. ಇದು ನಗರದ ಕೆಲವು ಐಷಾರಾಮಿ ಕಟ್ಟಡಗಳು ಇರುವ ಸ್ಥಳ. ಎಲ್ಲಾ ಮುಸ್ಲಿಂ ಕುಟುಂಬಗಳು ಎರಡು ದಿನಗಳಲ್ಲಿ ಸ್ಥಳಗಳನ್ನು ಖಾಲಿ ಮಾಡಲು ಅವರಿಗೆ ಸೂಚನೆ ನೀಡಿದರು. ಈ ಬೆದರಿಕೆಯು ಹಿಂಸಾಚಾರ ಭಯದಿಂದ ಖಾಲಿ ಅಲ್ಲ ಎಂದು ಸ್ಥಳೀಯ ಜನರಿಗೆ ತಿಳಿದಿತ್ತು. ಏಕೆಂದರೆ ಮಂಗಳವಾರ ಮಧ್ಯಾಹ್ನ ಮನೆಕೆಲಸಗಾರನನ್ನು ಅವನ ಹೆಸರು ಕೇಳಿದ ನಂತರ ಗುಂಪೊಂದು ಥಳಿಸಿತು.

"ಕೆಲಸ ಮಾಡುವ ವ್ಯಕ್ತಿಯೊಬ್ಬರು ರಸ್ತೆಯಲ್ಲಿ ಪ್ರಯಾಣಿಸುತ್ತಿದ್ದಾಗ ಗುಂಪೊಂದು ಅವನ ಹೆಸರನ್ನು ಕೇಳಿ ಬಳಿಕ ಹೆಚ್ಚೇನೂ ಮಾತನಾಡದೆ ಅವನನ್ನು ಥಳಿಸಿದ್ದಾರೆ. ನಾವು ಅವನನ್ನು ಇಲ್ಲಿಗೆ ಕರೆದೊಯ್ದು ಪ್ರಥಮ ಚಿಕಿತ್ಸೆ ನೀಡಿದ್ದೇವೆ. ಅವನು ಇಂದು ಬೆಳಿಗ್ಗೆ ಬಂಗಾಳದ ತನ್ನ ಹಳ್ಳಿಗೆ ಹೊರಟಿದ್ದಾನೆ'' ಎಂದು ಅವರು ಹೇಳಿಕೊಂಡಿದ್ದಾರೆ.

"ನಮಗೂ ಭಯವಾಗಿದೆ. ನಾವು ರಸ್ತೆಯಲ್ಲಿ ಹೋಗುತ್ತೇವೆ ಮತ್ತು ಯಾರಾದರೂ ನಮ್ಮನ್ನು ಥಳಿಸುತ್ತಾರೆ. ನಮ್ಮ ಗ್ರಾಮವು ಪಶ್ಚಿಮ ಬಂಗಾಳದಲ್ಲಿ ದೂರದಲ್ಲಿರುವುದರಿಂದ ನಾವು ಏನನ್ನೂ ಮಾಡಲು ಸಾಧ್ಯವಿಲ್ಲ. ನೀವು ನಮಗೆ ಸಹಾಯ ಮಾಡಿದರೆ, ನಾವು ಕೃತಜ್ಞರಾಗಿರುತ್ತೇವೆ" ಎಂದು ವ್ಯಕ್ತಿ ಹೇಳಿಕೊಂಡಿದ್ದಾರೆ.

ಕುಟುಂಬಗಳೊಂದಿಗೆ ಮಾತನಾಡುತ್ತಿದ್ದಾಗ, ಎನ್‌ಡಿಟಿವಿಯು ಬೈಕ್‌ನಲ್ಲಿ ಬಂದ ಇಬ್ಬರು ಮುಸ್ಲಿಂ ನಿವಾಸಿಗಳನ್ನು ಪ್ರದೇಶವನ್ನು ತೊರೆಯುವಂತೆ ಕೇಳುವುದನ್ನು ನೋಡಿದೆ.

ಹುಸೇನ್ ಅವರ ತಾಯಿ, 40 ವರ್ಷದ ಸಫಿಯಾ, "ನಿನ್ನೆ ಸಂಜೆ 7 ಗಂಟೆ ಸುಮಾರಿಗೆ 60 ಜನರು ಬಂದರು, ಅವರು ನಮ್ಮೊಂದಿಗೆ ಮಾತನಾಡಲಿಲ್ಲ. ಎಲ್ಲಾ ಮುಸ್ಲಿಮರನ್ನು ಬಿಟ್ಟು ಹೋಗುವಂತೆ ಹೇಳಿದರು. ಎಲ್ಲರೂ ಹೊರಟು ಹೋಗಿದ್ದಾರೆ ಮತ್ತು ಕೆಲವೇ ಮಂದಿ ಮಾತ್ರ ಇದ್ದಾರೆ. 15-16 ಕುಟುಂಬಗಳು ಉಳಿದಿವೆ. ಇಲ್ಲಿ 100 ಕ್ಕೂ ಹೆಚ್ಚು ಕುಟುಂಬಗಳು ವಾಸಿಸುತ್ತಿದ್ದವು. ದಾರಿಯಲ್ಲಿ ಪ್ರಯಾಣ ದರ ಮತ್ತು ಆಹಾರಕ್ಕಾಗಿ ಪಾವತಿಸಲು ನಮ್ಮ ಬಳಿ ಹಣವಿಲ್ಲದ ಕಾರಣ ನಾವು ಸ್ಥಳ ತೊರೆಯಲು ಸಾಧ್ಯವಾಗುತ್ತಿಲ್ಲ'' ಅವರು ಬೇಸರ ವ್ಯಕ್ತಪಡಿಸಿದ್ದಾರೆ.

ನಂತರ ಅವರ ಮನೆಯಲ್ಲಿ ಎನ್‌ಡಿಟಿವಿಯೊಂದಿಗೆ ಮಾತನಾಡಿದ ಹುಸೇನ್, ತಾನು ಜೀವನೋಪಾಯಕ್ಕಾಗಿ ಬಂಗಾಳದಿಂದ ಗುರುಗ್ರಾಮ್‌ಗೆ ಬಂದು ಕೇವಲ ಏಳು ದಿನಗಳಾಗಿವೆ ಎಂದು ಹೇಳಿದರು. ಎರಡು ದಿನಗಳ ಹಿಂದೆಯಷ್ಟೇ ಫುಡ್ ಡೆಲಿವರಿ ಏಜೆಂಟ್ ಆಗಿ ಕೆಲಸ ಪಡೆದಿದ್ದ ಈತನಿಗೆ ಇನ್ನೂ ಹಣ ಪಾವತಿಯಾಗಿಲ್ಲ.

"ನನ್ನ ಒಂದು ವರ್ಷದ ಹುಡುಗನನ್ನು ಅಲಿಶಾನ್ ಎಂದು ಕರೆಯುತ್ತಾರೆ, ಅವರು ಬಂದು ನನ್ನ ಮತ್ತು ನನ್ನ ಹೆಂಡತಿಯನ್ನು ಹೊಡೆಯುತ್ತಾರೆ ಎಂದು ನಾನು ಗಾಬರಿಗೊಂಡಿದ್ದೇನೆ. ನನ್ನ ಮಗ ಅದನ್ನು ನೋಡಿ ಅಳುತ್ತಾನೆ. ನನ್ನ ಹೆಂಡತಿಯೂ ಹೆದರಿ ಕಳೆದ ಎರಡು ರಾತ್ರಿಗಳಿಂದ ಅಳುತ್ತಿದ್ದಳು. ನಾವು ನಮ್ಮ ಹಳ್ಳಿಯಲ್ಲಿಯೂ ಹಣವಿಲ್ಲದ ಕಾರಣ ಹಿಂತಿರುಗಲು ಸಾಧ್ಯವಾಗುತ್ತಿಲ್ಲ, ನಾವು ಹೇಗೆ ಬದುಕಬೇಕು? "ಎಂದು ಅವರು ಕೇಳಿದರು.

ಮತ್ತೋರ್ವ ನಿವಾಸಿ, "ಇದು ಹಿಂದೂ ಅಥವಾ ಮುಸ್ಲಿಮರ ಬಗ್ಗೆ ಅಲ್ಲ, ಹಿಂಸಾಚಾರದಲ್ಲಿ ತೊಡಗಿರುವವರೇ ಕಾರಣ, ಆದರೆ ನಮ್ಮಂತಹ ಬಡವರು ಬೆಲೆ ತೆರುತ್ತಿದ್ದಾರೆ. ನಾವು ದಿನಗೂಲಿಗಳಾಗಿದ್ದು, ನಾವು ಕೆಲಸಕ್ಕೆ ಹೋಗಿ ನಿತ್ಯ ಹಣ ಸಂಪಾದಿಸುವವರು. ಪ್ರದೇಶವನ್ನು ಬಿಡಲು ಸಾಧ್ಯವಾಗುತ್ತಿಲ್ಲ. ಇದು ಮುಂದುವರಿದರೆ ನಾವು ಹಸಿವಿನಿಂದ ಬಳಲುತ್ತೇವೆ" ಎಮದು ಕಣ್ಣೀರು ಹಾಕಿದ್ದಾರೆ.

ಇದೀಗ ಪರಿಸ್ಥಿತಿ ಶಾಂತವಾಗಿದ್ದು, ನಾಳೆ ನಗರದಲ್ಲಿ ಸಂಪೂರ್ಣ ಸಹಜ ಸ್ಥಿತಿಗೆ ಮರಳುವ ಸಾಧ್ಯತೆ ಇದೆ ಎಂದು ಗುರುಗ್ರಾಮದ ಜಿಲ್ಲಾಧಿಕಾರಿಗಳು ಈ ಹಿಂದೆಯೇ ತಿಳಿಸಿದ್ದರು.

"ವಲಸೆ ಕಾರ್ಮಿಕರನ್ನು ತಮ್ಮ ಸ್ಥಳಗಳನ್ನು ಖಾಲಿ ಮಾಡುವಂತೆ ಕೇಳಿರುವ ಕೆಲವು ಸುದ್ದಿಗಳು ನಮಗೆ ಬಂದಿವೆ. ನಾವು ಜಿಲ್ಲಾ ಮತ್ತು ಪೊಲೀಸ್ ಅಧಿಕಾರಿಗಳನ್ನು ಸ್ಥಳಕ್ಕೆ ಕಳುಹಿಸಿದ್ದೇವೆ ಮತ್ತು ಆತ್ಮವಿಶ್ವಾಸವನ್ನು ಹೆಚ್ಚಿಸುವ ಕ್ರಮಗಳನ್ನು ಕೈಗೊಳ್ಳುತ್ತಿದ್ದೇವೆ. ಅವರಿಗೆ ರಕ್ಷಣೆಯ ಭರವಸೆ ನೀಡಲು ನಾನು ಬಯಸುತ್ತೇನೆ. ಸೂಕ್ಷ್ಮವಾಗಿ ರಾತ್ರಿಯ ನಿಯೋಜನೆ ಇರುತ್ತದೆ. ಎರಡೂ ಸಮುದಾಯಗಳ ಪ್ರದೇಶಗಳು ಮತ್ತು ಸುತ್ತಮುತ್ತಲಿನ ಧಾರ್ಮಿಕ ಸ್ಥಳಗಳು - ಮಸೀದಿಗಳು ಮತ್ತು ದೇವಾಲಯಗಳಲ್ಲಿ ಬಿಗಿ ಭದ್ರತೆ ಒದಗಿಸಲಾಗಿದೆ" ಎಂದು ಗುರುಗ್ರಾಮ್ ಡೆಪ್ಯುಟಿ ಕಮಿಷನರ್ ನಿಶಾಂತ್ ಯಾದವ್ ಹೇಳಿದ್ದಾರೆ.

ದೆಹಲಿಯಿಂದ ಸುಮಾರು 80 ಕಿಮೀ ದೂರದಲ್ಲಿರುವ ಹರಿಯಾಣದ ನುಹ್‌ನಲ್ಲಿ ನಡೆದ ಗಲಭೆಯಲ್ಲಿ ಸೋಮವಾರದಿಂದ ಆರು ಜನರು ಸಾವನ್ನಪ್ಪಿದ್ದಾರೆ. ವಿಎಚ್‌ಪಿ ಮತ್ತು ಬಜರಂಗದಳ ನಡೆಸಿದ ಧಾರ್ಮಿಕ ಮೆರವಣಿಗೆ ಹಿಂಸಾಚಾರಕ್ಕೆ ಕಾರಣವಾಯಿತು. ಈ ವೇಳೆ ಗುಂಡಿನ ದಾಳಿ ಮತ್ತು ಭಾರೀ ಕಲ್ಲು ತೂರಾಟವೂ ನಡೆಯಿತು. ಅಲ್ಲಿಂದ ಗುರುಗ್ರಾಮ ಸೇರಿದಂತೆ ಪಕ್ಕದ ಪ್ರದೇಶಗಳಿಗೂ ಹಬ್ಬಿತು.

English summary

Migrants live in fear of their lives in Gurugram due to violence in Haryana's Nuh.