ಮಹಾರಾಷ್ಟ್ರದಲ್ಲಿ ಪೀಠೋಪಕರಣ ಕಾರ್ಖಾನೆಯಲ್ಲಿ ಬೆಂಕಿ
ಅಕೋಲಾ, ಫೆಬ್ರವರಿ 05: ಮಹಾರಾಷ್ಟ್ರಕ್ಕೂ ಅಗ್ನಿ ಅವಘಡಕ್ಕೂ ಬಿಡದ ನಂಟು ಅನ್ನಿಸುತ್ತೆ. ಇಂದು(ಫೆ.5) ಬೆಳ್ಳಂಬೆಳಿಗ್ಗೆ ಇಲ್ಲಿನ ಅಕೊಲಾದ ಪೀಠೋಪಕರಣ ಕಾರ್ಖಾನೆಯೊಂದರಲ್ಲಿ ಅಗ್ನಿ ಆಕಸ್ಮಿಕ ಸಂಭವಿಸಿದ್ದು ಯಾವುದೇ ಸಾವು ನೋವಿನ ವರದಿಯಾಗಿಲ್ಲ.
ಸುದ್ದಿ ತಿಳಿಯುತ್ತಿದ್ದಂತೆಯೇ ಸ್ಥಳಕ್ಕೆ ಅಗ್ನಿಶಾಮಕ ದಳದ ಸಿಬ್ಬಂದಿಗಳು ಆಗಮಿಸಿದ್ದರಿಂದ ಹೆಚ್ಚಿನ ಹಾನಿಯಾಗಿಲ್ಲ.
2017 ರ ಡಿ.28 ರಂದು ಮುಂಬೈನ ಕಮಲ್ ಮಿಲ್ ನಲ್ಲಿ ಸಂಭವಿಸಿದ ಭೀಕರ ಅಗ್ನಿ ಆಕಸ್ಮಿಕದಲ್ಲಿ 14 ಜನ ಮೃತರಾಗಿದ್ದರು. ಅಷ್ಟೇ ಅಲ್ಲ, ಮುಂಬೈನ ಮೈಮೂನ್ ಕಟ್ಟಡದಲ್ಲಿ ಜ.4 ರಂದು ಸಂಭವಿಸಿದ ಅಗ್ನಿ ಆಕಸ್ಮಿಕದಲ್ಲಿ 4 ನ ಮೃತರಾಗಿದ್ದರು.
ಬೆಂಕಿ ದುರಂತ ಮತ್ತು ಕಟ್ಟಡ ಕುಸಿತದ ಘಟನೆಗಳು ವಾಣಿಜ್ಯನಗರಿಯಲ್ಲಿ ಮತ್ತೆ ಮತ್ತೆ ನಡೆಯುತ್ತಿದ್ದು, ಮುಂಬೈ ನಗರ ಎಷ್ಟು ಅಸುರಕ್ಷಿತ ಎಂಬುದನ್ನು ಸಾಬೀತುಪಡಿಸುತ್ತಿದೆ.
Click it and Unblock the Notifications
Sign in with Google