ರಫೇಲ್ ಡೀಲ್ - ರಾಹುಲ್ ಹೇಳಿದ 10 ಸುಳ್ಳುಗಳು : ತಿರುಗಿಬಿದ್ದ ಬಿಜೆಪಿ

Updated: Saturday, February 9, 2019, 18:14 [IST]

ನವದೆಹಲಿ, ಫೆಬ್ರವರಿ 9 : ಸಮಾನಾಂತರ ಮಾತುಕತೆ ನಡೆಸುವ ಮೂಲಕ ನರೇಂದ್ರ ಮೋದಿಯವರು ರಫೇಲ್ ಡೀಲ್ ನಲ್ಲಿ ನೇರವಾಗಿ ಭಾಗಿಯಾಗಿದ್ದಾರೆ, 'ಚೌಕಿದಾರ್ ಚೋರ್ ಹೈ' ಎಂದಿದ್ದ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ವಿರುದ್ಧ ಭಾರತೀಯ ಜನತಾ ಪಕ್ಷ '10 ಸುಳ್ಳು'ಗಳ ಪಟ್ಟಿ ಮಾಡಿದೆ.

ರಫೇಲ್ ಡೀಲ್ ಕುರಿತಂತೆ ರಾಹುಲ್ ಗಾಂಧಿ ಅವರು ಒಂದರ ಹಿಂದೊಂದರಂತೆ ಸುಳ್ಳು ಹೇಳುತ್ತ ದೇಶದ ಜನರ ದಾರಿ ತಪ್ಪಿಸುತ್ತಿದ್ದಾರೆ ಎಂದು ಕಿಡಿ ಕಾರಿರುವ ಬಿಜೆಪಿ, ಟ್ವಿಟ್ಟರ್ ನಲ್ಲಿ ಒಂದರ ಹಿಂದೊಂದರಂತೆ 10 ಟ್ವೀಟ್ ಮಾಡಿದೆ. ಆದರೆ, ಈ ಸುಳ್ಳುಗಳ ಜಾಡು ಹಿಡಿಯುವುದು ಕಷ್ಟಕರ ಎಂದೂ ಬಿಜೆಪಿ ಹೇಳಿದೆ. ಲೋಕಸಭೆ ಚುನಾವಣೆಯ ಹತ್ತಿರ ಬರುತ್ತಿದ್ದಂತೆ ದಾಳಿ ಪ್ರತಿದಾಳಿಗಳು ಕೂಡ ತಾರಕಕ್ಕೇರುತ್ತಿವೆ.

ರಫೇಲ್ ಯುದ್ಧ ವಿಮಾನ ಖರೀದಿಗೆ ಸಂಬಂಧಿಸಿದಂತೆ ನರೇಂದ್ರ ಮೋದಿ ಮತ್ತು ಬಿಜೆಪಿಯ ಮೇಲೆ ಆರೋಪ ಹೊರಿಸುತ್ತಲೇ ಇರುವ ರಾಹುಲ್ ಗಾಂಧಿ, ರಫೇಲ್ ಮಾತುಕತೆ ನಡೆಯುವಾಗ ಪ್ರಧಾನಿ ಕಚೇರಿ ಸಮಾನಾಂತರ ಮಾತುಕತೆ ನಡೆಸುತ್ತ, ಖರೀದಿ ಪ್ರಕ್ರಿಯೆಯನ್ನು ದುರ್ಬಲಗೊಳಿಸುತ್ತಿತ್ತು ಎಂದು ಮಾಧ್ಯಮವೊಂದರಲ್ಲಿ ವರದಿಯಾಗುತ್ತಿದ್ದಂತೆ ನರೇಂದ್ರ ಮೋದಿ ವಿರುದ್ಧ ಶುಕ್ರವಾರ ಮತ್ತೆ ವಾಗ್ದಾಳಿ ಮಾಡಿದ್ದರು.

ಆದರೆ, ಡೆಪ್ಯೂಟಿ ಸೆಕ್ರೆಟರಿ ಬರೆದ ಪತ್ರದ ಒಕ್ಕಣೆಗೂ, ಖರೀದಿ ಮೌಲ್ಯಕ್ಕೂ ಸಂಬಂಧವಿಲ್ಲ, ಆ ಒಕ್ಕಣೆ ಬರೆದವರಿಗೂ, ಖರೀದಿ ಮಾತುಕತೆ ಮಾಡುತ್ತಿದ್ದ ತಂಡಕ್ಕೂ ಸಂಬಂಧವಿಲ್ಲ ಎಂದು ವಾಯು ಸೇನೆಯ ಚೀಫ್ ಅಡ್ಮಿರಲ್ ಸ್ಪಷ್ಟೀಕರಣ ನೀಡುತ್ತಿದ್ದಂತೆ, ಬಿರುಗಾಳಿ ಕಾಂಗ್ರೆಸ್ಸಿನ ಮೇಲೆ ಬೀಸತೊಡಗಿತು. ಇದೀಗ ಬಿಜೆಪಿ ಮತ್ತೆ ಕಾಂಗ್ರೆಸ್ ಮೇಲೆ ಮುಗಿಬಿದ್ದಿದ್ದು, ರಾಹುಲ್ ಗಾಂಧಿ ಅವರು ಹೇಳಿದ್ದಾರೆಂದು 10 ಸುಳ್ಳುಗಳ ಪಟ್ಟಿ ಮಾಡಿದೆ.

Array

ರಾಹುಲ್ ಹೇಳಿದ ಸುಳ್ಳು ನಂಬರ್ 1

ಸುಳ್ಳು ನಂ. 1 : ಭಾರತದಿಂದ ರಫೇಲ್ ಡೀಲ್ ಕುದುರಿಸಲು ಡಸ್ಸಾಲ್ಟ್ ಕಂಪನಿ ರಿಲಯನ್ಸ್ ಡಿಫೆನ್ಸ್ ಕಂಪನಿಯನ್ನು ಆಫ್ಸೆಟ್ ಪಾರ್ಟನರ್ ಅನ್ನಾಗಿ ಮಾಡಿಕೊಂಡಿತ್ತು ಎಂದು ಫ್ರೆಂಚ್ ಮಾಧ್ಯಮದಲ್ಲಿ ಬಂದ ವರದಿಯನ್ನು ರಾಹುಲ್ ಗಾಂಧಿ ತಿರುಚಿ ಹೇಳಿದ್ದರು.

ಸತ್ಯ ಸಂಗತಿ : ಭಾರತದ ಸರ್ವೋಚ್ಚ ನ್ಯಾಯಾಲಯ ಮತ್ತು ಡಸಾಲ್ಟ್ ಕಂಪನಿಯ ಸಿಇಓ ಇಬ್ಬರೂ ಹೇಳಿರುವುದೇನೆಂದರೆ, ಆಫ್ಸೆಟ್ ಪಾರ್ಟನರ್ ಅನ್ನು ಆಯ್ಕೆ ಮಾಡುವಲ್ಲಿ ಭಾರತ ಸರಕಾರದ ಯಾವುದೇ ಕೈವಾಡ ಇರುವುದಿಲ್ಲ.

Array

ರಾಹುಲ್ ಹೇಳಿದ ಸುಳ್ಳು ನಂಬರ್ 2

ಸುಳ್ಳು ನಂ. 2 : ರಫೇಲ್ ಡೀಲ್ ನಲ್ಲಿ ಭಾರೀ ಅವ್ಯವಹಾರ ನಡೆದಿದೆ ಎಂದು ಸರ್ವೋಚ್ಚ ನ್ಯಾಯಾಲಯವೇ ಕಂಡುಕೊಂಡಿದೆ ಎಂದು ಸುಳ್ಳು ಭಾವನೆ ಬರುವಂತೆ ರಾಹುಲ್ ಪ್ರಯತ್ನಿಸಿದರು. ಪ್ರಕರಣ ಕೋರ್ಟ್ ನಲ್ಲಿ ವಿಚಾರಣೆಯಲ್ಲಿದ್ದರೂ ಥರ್ಡ್ ಗ್ರೇಡ್ ಅಪಪ್ರಚಾರದಲ್ಲಿ ತೊಡಗಿದರು.

ಸತ್ಯ ಸಂಗತಿ : ಕಾಂಗ್ರೆಸ್ ಬೆಂಬಲಿಗರು ಹೂಡಿದ್ದ ಅರ್ಜಿಯನ್ನು ವಜಾ ಮಾಡಿದ ಸರ್ವೋಚ್ಚ ನ್ಯಾಯಾಲಯ, ಸರಕಾರ ಯಾವುದೇ ತಪ್ಪು ಎಸಗಿಲ್ಲ ಎಂದು ತೀರ್ಪು ನೀಡಿತು.

Array

ರಾಹುಲ್ ಹೇಳಿದ ಸುಳ್ಳು ನಂಬರ್ 3

ಸುಳ್ಳು ನಂ. 3 : ರಫೇಲ್ ಡೀಲ್ ಬಗ್ಗೆ ವಿರೋಧ ವ್ಯಕ್ತಪಡಿಸಿದ್ದಕ್ಕಾಗಿ ರಕ್ಷಣಾ ಸಚಿವಾಲಯದ ಹಿರಿಯ ಅಧಿಕಾರಿಯೊಬ್ಬರನ್ನು ನರೇಂದ್ರ ಮೋದಿ ಸರಕಾರ ಶಿಕ್ಷಿಸಿದೆ ಎಂದು ರಾಹುಲ್ ಗಾಂಧಿ ಹೇಳಿದ್ದರು.

ಸತ್ಯ ಸಂಗತಿ : ಯಾವುದೇ ಶಿಕ್ಷೆ ನೀಡಿಲ್ಲ ಎಂದು ಆ ಹಿರಿಯ ಅಧಿಕಾರಿಯೇ ಮಾಧ್ಯಮದೊಂದಿಗೆ ಮಾತನಾಡಿ, ಸ್ಪಷ್ಟನೆ ನೀಡಿದ ರಾಹುಲ್ ಗಾಂಧಿ ಅವರ ಸುಳ್ಳನ್ನು ಬಯಲು ಮಾಡಿದರು.

Lie No.4: #LiarRahul said ex-French President Hollande called PM Modi a thief and that Indian government had asked to include Reliance as offset partner.

Fact: Hollande denied all such allegations. The French government issued an official statement. https://t.co/Hq80DjUNHH pic.twitter.com/lUJlJEROu2
— BJP (@BJP4India) February 9, 2019

ರಾಹುಲ್ ಹೇಳಿದ ಸುಳ್ಳು ನಂಬರ್ 4

ಸುಳ್ಳು ನಂ. 4 : ಫ್ರಾನ್ಸ್ ನ ಮಾಡಿ ರಾಷ್ಟ್ರಾಧ್ಯಕ್ಷರಾದ ಹೊಲ್ಲಾಂಡೆ ಅವರು ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಕಳ್ಳ ಎಂದು ಹೇಳಿದ್ದರು ಮತ್ತು ರಿಲಯನ್ಸ್ ಕಂಪನಿಯನ್ನು ಆಫ್ಸೆಟ್ ಪಾರ್ಟನರ್ ಆಗಿ ಮಾಡಿಕೊಳ್ಳಬೇಕೆಂದು ಭಾರತ ಸರಕಾರ ಕೇಳಿಕೊಂಡಿತ್ತು.

ಸತ್ಯ ಸಂಗತಿ : ಆ ಎಲ್ಲ ಆರೋಪಗಳನ್ನು ಹೊಲ್ಲಾಂಡೆ ಅವರು ನಿರಾಕರಿಸಿದ್ದರು. ಫ್ರಾನ್ಸ್ ಸರಕಾರ ಕೂಡ ಈ ನಿಟ್ಟಿನಲ್ಲಿ ಸ್ಪಷ್ಟೀಕರಣ ನೀಡಿತ್ತು. ಹೊಲ್ಲಾಂಡೆ ಕೂಡ ನನಗಿದರ ಅರಿವಿಲ್ಲ, ಡಸ್ಸಾಲ್ಟ್ ಕಂಪನಿ ಮಾತ್ರ ಕಾಮೆಂಟ್ ಮಾಡಲು ಸಾಧ್ಯ ಎಂದು ಹೇಳಿದ್ದರು.

Lie No.5: #LiarRahul lied even to Parliament and said he personally confirmed from French President Mr. Macron that there is no non disclosure clause.

Fact: French govt issued statement refuting liar's claim & said agreement prohibits parties from sharing classified information. pic.twitter.com/HJaKHcBCN4
— BJP (@BJP4India) February 9, 2019

ರಾಹುಲ್ ಹೇಳಿದ ಸುಳ್ಳು ನಂಬರ್ 5

ಸುಳ್ಳು ನಂ. 5 : ಸಂಸತ್ತಿನಲ್ಲಿ ಕೂಡ ರಾಹುಲ್ ಗಾಂಧಿ ಸುಳ್ಳು ಹೇಳಿದ್ದರು. ಫ್ರಾನ್ಸ್ ಅಧ್ಯಕ್ಷ ಮ್ಯಾಕ್ರೋನ್ ಅವರು, ಖರೀದಿಯ ಮೌಲ್ಯ ಬಹಿರಂಗ ಪಡಿಸಬಾರದು ಎಂದು ಯಾವುದೇ ನಿಯಮ ಇಲ್ಲ ಎಂದು ನನಗೆ ಸ್ವತಃ ತಿಳಿಸಿದ್ದಾರೆ ಎಂದು ಸಂಸತ್ತಿನಲ್ಲಿ ರಾಹುಲ್ ಹೇಳಿದ್ದರು.

ಸತ್ಯ ಸಂಗತಿ : ರಾಹುಲ್ ಹೇಳಿದ ಸಂಗತಿಯನ್ನು ಅಲ್ಲಗಳೆದ ಫ್ರಾನ್ಸ್ ಸರಕಾರ ಅಧಿಕೃತ ಹೇಳಿಕೆ ನೀಡಿತ್ತು ಮತ್ತು ವರ್ಗೀಕೃತ ಮಾಹಿತಿಯನ್ನು ಹಂಚಿಕೊಳ್ಳಲು ಎರಡರ ನಡುವಿನ ಒಪ್ಪಂದ ನಿಷೇಧಿಸಿದೆ ಎಂದು ಸ್ಪಷ್ಟೀಕರಿಸಿತ್ತು.

Lie No.6: #LiarRahul quotes multiple numbers at multiple places for supposed price of aircraft in UPA deal
• Parliament, he said 520 crore
• Karnataka, he said 526 crore
• Rajasthan, he said 540 crore
• Delhi, he said 700 crore

Analysis: He deserves Nobel for lying. pic.twitter.com/RoNpNjP0Db
— BJP (@BJP4India) February 9, 2019

ರಾಹುಲ್ ಹೇಳಿದ ಸುಳ್ಳು ನಂಬರ್ 6

ಸುಳ್ಳು ನಂ. 6 : ಯುಪಿಎ ಸರಕಾರ ರಫೇಲ್ ಡೀಲ್ ಕುದುರಿಸಿದಾಗ ನಿಗದಿಪಡಿಸಿದ್ದ ಯುದ್ಧ ವಿಮಾನದ ಮೌಲ್ಯವನ್ನು ಬೇರೆಬೇರೆ ಸ್ಥಳಗಳಲ್ಲಿ ಬೇರೆಬೇರೆ ರೀತಿ ಹೇಳಿದ್ದರು.

ಸಂಸತ್ತಿನಲ್ಲಿ 520 ಕೋಟಿ ರು.
ಕರ್ನಾಟಕದಲ್ಲಿ 526 ಕೋಟಿ ರು.
ರಾಜಸ್ಥಾನದಲ್ಲಿ 540 ಕೋಟಿ ರು.
ದೆಹಲಿಯಲ್ಲಿ 700 ಕೋಟಿ ರು.

ವಿಶ್ಲೇಷಣೆ : ಸುಳ್ಳು ಹೇಳಿದ್ದಕ್ಕೆ ರಾಹುಲ್ ಗಾಂಧಿಗೆ ನೊಬೆಲ್ ಪ್ರಶಸ್ತಿ ನೀಡಬೇಕು.

Lie No.7: #LiarRahul said that the processes and procedures laid down for military acquisitions were flouted by PM Modi’s government.

Fact: Hon’ble SC in its judgment held: We are SATISFIED that there is no occasion to really doubt the process. pic.twitter.com/IESjpLaIfx
— BJP (@BJP4India) February 9, 2019

ರಾಹುಲ್ ಹೇಳಿದ ಸುಳ್ಳು ನಂಬರ್ 7

ಸುಳ್ಳು ನಂ. 7 : ಪ್ರಧಾನಿ ನರೇಂದ್ರ ಮೋದಿ ಸರಕಾರದಿಂದ ರಫೇಲ್ ಯುದ್ಧ ವಿಮಾನ ಖರೀದಿಗೆ ಇದ್ದ ಪ್ರಕ್ರಿಯೆಯನ್ನು ಉಲ್ಲಂಘಿಸಲಾಗಿತ್ತು ಎಂದು ರಾಹುಲ್ ಗಾಂಧಿ ಸುಳ್ಳು ಹೇಳಿದ್ದರು.

ಸತ್ಯ ಸಂಗತಿ : ಸರ್ವೋಚ್ಚ ನ್ಯಾಯಾಲಯ ತನ್ನ ತೀರ್ಪಿನಲ್ಲಿ ಹೇಳಿದೆ : ಖರೀದಿ ಪ್ರಕ್ರಿಯೆಯನ್ನು ಸಂಶಯಿಸುವಂಥ ಯಾವುದೇ ಘಟನೆ ನಡೆದಿಲ್ಲದಿರುವ ಬಗ್ಗೆ ನಮಗೆ ಸಮಾಧಾನವಿದೆ.

Lie No.8: #LiarRahul said UPA negotiated price of Rs. 526/520/540 (one place, one price) crore per aircraft, while NDA settled for Rs.1,600 cr.

Analysis: Liar is comparing apples & oranges. Price negotiated by NDA is for a complete operational package; including Rafale aircraft.
— BJP (@BJP4India) February 9, 2019

ರಾಹುಲ್ ಹೇಳಿದ ಸುಳ್ಳು ನಂಬರ್ 8

ಸುಳ್ಳು ನಂ. 8 : ಯುಪಿಎ ಸರಕಾರ ಇದ್ದಾಗ ರಫೇಲ್ ಯುದ್ಧ ವಿಮಾನವೊಂದಕ್ಕೆ 526/520/540 ಕೋಟಿ ರುಪಾಯಿ (ಒಂದೊಂದು ಸ್ಥಳದಲ್ಲಿ ಒಂದೊಂದು ಬೆಲೆ) ನಿಗದಿಪಡಿಸಲಾಗಿತ್ತು. ಆದರೆ, ಎನ್‌ಡಿಎ ಸರಕಾರ ಜೆಟ್ ವಿಮಾನವೊಂದಕ್ಕೆ 1,600 ರು. ನಿಗದಿಪಡಿಸಿತ್ತು.

ವಿಶ್ಲೇಷಣೆ : ಸುಳ್ಳುಗಾರ ಸೇಬು ಮತ್ತು ಕಿತ್ತಳೆಯನ್ನು ತುಲನೆ ಮಾಡುತ್ತಿದ್ದಾನೆ. ಎನ್‌ಡಿಎ ನಿಗದಿಪಡಿಸಿದ ಬೆಲೆ ಸಂಪೂರ್ಣ ಸಿದ್ಧವಾಗಿರುವ ಯುದ್ಧ ವಿಮಾನದ ಪ್ಯಾಕೇಜ್ (ಶಸ್ತ್ರಾಸ್ತ್ರ, ಬಿಡಿಭಾಗ, ಇನ್‌ಫ್ರಾಸ್ಟ್ರಕ್ಚರ್, ಲಾಜಿಸ್ಟಿಕಲ್ ಸಪೋರ್ಟ್ ಇತ್ಯಾದಿ), ರಫೇಲ್ ಯುದ್ಧ ವಿಮಾನ ಸೇರಿದಂತೆ. ಎನ್‌ಡಿಎ ನಿಗದಿಪಡಿಸಿದ ಬೆಲೆ ಯುಪಿಎ ನಿಗದಿಪಡಿಸಿದ್ದಕ್ಕಿಂತ ಶೇ.9ರಷ್ಟು ಕಡಿಮೆಯಿದೆ. ಇಂಥ ವಾದವನ್ನು ಶಾಲೆ ಬಾಲಕ ಕೂಡ ಮಾಡಲ್ಲ. ಆದರೆ, ರಾಹುಲ್ ಅಂದ್ರೆ ರಾಹುಲ್!

Lie No.9: #LiarRahul said decision to procure 36 aircraft was made to benefit political “cronies” and has harmed Air Force.

Fact: Hon SC held the decision was made in interest of defense preparedness in face of our adversaries’ ramping up their capabilities and IAF is happy. pic.twitter.com/jhBjLitRJr
— BJP (@BJP4India) February 9, 2019

ರಾಹುಲ್ ಹೇಳಿದ ಸುಳ್ಳು ನಂಬರ್ 9

ಸುಳ್ಳು ನಂ. 9 : 36 ರಫೇಲ್ ಯುದ್ಧ ವಿಮಾನಗಳನ್ನು ಖರೀದಿಸುವ ನಿರ್ಧಾರವನ್ನು ರಾಜಕೀಯ ಲಾಭಗಳಿಗಾಗಿ ಮಾಡಲಾಯಿತು. ಇದರಿಂದ ವಾಯು ಸೇನೆಗೆ ಭಾರೀ ಹಾನಿಯುಂಟಾಗಿದೆ ಎಂದು ರಾಹುಲ್ ಗಾಂಧಿ ಹೇಳಿದ್ದರು.

ಸತ್ಯ ಸಂಗತಿ : ಯಾವುದೇ ಪರಿಸ್ಥಿತಿಯಲ್ಲಿಯೂ ಭಾರತದ ರಕ್ಷಣಾ ಸಿದ್ಧತೆಯನ್ನು ಗಮನದಲ್ಲಿರಿಸಿಕೊಂಡು ಭಾರತ ಸರಕಾರದಿಂದ ಈ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ ಮತ್ತು ಇದರಿಂದ ಭಾರತೀಯ ವಾಯು ಸೇನೆ ಸಂತುಷ್ಟಗೊಂಡಿದೆ ಎಂದು ಸರ್ವೋಚ್ಚ ನ್ಯಾಯಾಲಯ ಅಭಿಪ್ರಾಯ ವ್ಯಕ್ತಪಡಿಸಿದೆ.

Lie No.10: Yesterday, #LiarRahul found a partner in crime - The Hindu. Using a conveniently cropped photo, they tried to lie again.

Fact: We always knew Congressis were photoshoppers. But yesterday they learnt, the hard way, that ‘Satyamev Jayate’ :) pic.twitter.com/ZxeR52e6Uf
— BJP (@BJP4India) February 9, 2019

ರಾಹುಲ್ ಹೇಳಿದ ಸುಳ್ಳು ನಂಬರ್ 10

ಸುಳ್ಳು ನಂ. 10 : ನಿನ್ನೆ (ಫೆಬ್ರವರಿ 8ರಂದು) ರಾಹುಲ್ ಗಾಂಧಿಯವರು ದಿ ಹಿಂದೂ ಎಂಬ ಮತ್ತೊಬ್ಬ ಸುಳ್ಳುಗಾರನನ್ನು ಕಂಡುಕೊಂಡಿದ್ದಾರೆ. ಬೇಕಾದ ಹಾಗೆ ಕ್ರಾಪ್ (ತುಂಡು) ಮಾಡಿದ ದಾಖಲೆಯನ್ನು ಹಿಡಿದುಕೊಂಡು ಮತ್ತೆ ಸುಳ್ಳು ಹೇಳಲು ರಾಹುಲ್ ಗಾಂಧಿ ಯತ್ನಿಸಿದ್ದಾರೆ.

ಸತ್ಯ ಸಂಗತಿ : ಕಾಂಗ್ರೆಸ್ಸಿಗರು ಫೋಟೋಶಾಪರ್ಸ್ ಎಂದು ಎಲ್ಲರಿಗೂ ತಿಳಿದಿತ್ತು. ಆದರೆ, ಸತ್ಯವೇ ಜಯಗಳಿಸುತ್ತದೆ ಎಂಬ ಪಾಠವನ್ನು ಅವರು ಕಲಿತಿದ್ದಾರೆ. ರಾಹುಲ್ ಅವರು ವಾಯುಸೇನೆಯನ್ನೂ ಅವಮಾನಿಸಿದ್ದಾರೆ. ಇದಕ್ಕಾಗಿ ಅವರು ವಾಯುಸೇನೆಯ ಕ್ಷಮೆ ಕೋರಬೇಕು. ಆದರೆ, ಅವರ ಬಗ್ಗೆ ನಮಗೆ ಅನುಕಂಪವಿದೆ. ನೈತಿಕತೆ ಇರುವ ಮನುಷ್ಯ ಇಷ್ಟು ಸುಳ್ಳು ಹೇಳಲು ಹೇಗೆ ಸಾಧ್ಯ?