Kanjhawala case: ಅಪಘಾತದ ವೇಳೆ ಅಂಜಲಿ ಜೊತೆಗಿದ್ದ ಆ ಹುಡುಗಿ ಯಾರು?
ದೆಹಲಿ ಜನವರಿ 3: ದೆಹಲಿ ಕಾಂಜಾವಾಲಾ ಅಪಘಾತ ಸಾವಿನ ಪ್ರಕರಣಕ್ಕೆ ಸಂಬಂಧಿಸಿದಂತೆ ದೆಹಲಿ ಪೊಲೀಸರಿಗೆ ಮತ್ತೊಂದು ಸಿಸಿಟಿವಿ ಕ್ಲಿಪ್ ಸಿಕ್ಕಿದೆ. ಈ ಸಿಸಿಟಿವಿ ಫೂಟೇಜ್ನಲ್ಲಿ 20 ವರ್ಷದ ಅಂಜಲಿ ಅಪಘಾತಕ್ಕೆ ಒಳಗಾಗಿ ಕಾರು ಆಕೆಯನ್ನು 12 ಕಿಲೋಮೀಟರ್ ಎಳೆದೊಯ್ದು ಸಾವನ್ನಪ್ಪಿದ ನಂತರ ಮತ್ತೊಬ್ಬ ಮಹಿಳೆ ಆಕೆಯ ಜೊತೆಗಿದ್ದಳು ಎಂದು ತೋರಿಸುತ್ತದೆ. ಅಪಘಾತದ ವೇಳೆ ಅಂಜಲಿ ಒಬ್ಬಳೇ ಇರಲಿಲ್ಲ ಎಂದು ದೆಹಲಿ ಪೊಲೀಸರು ತಿಳಿಸಿದ್ದಾರೆ. ಪ್ರಕರಣವನ್ನು ಇನ್ನಷ್ಟು ತನಿಖೆ ಶುರು ಮಾಡಿರುವ ಪೊಲೀಸರು, ದೆಹಲಿಯ ಕಂಜಾವಾಲಾ ಪ್ರದೇಶದಲ್ಲಿ ಮಾರುತಿ ಬಲೆನೊ ಕಾರು ಅಂಜಲಿ ಅವರ ಸ್ಕೂಟಿಗೆ ಗುದ್ದಿದಾಗ ಆಕೆಯೊಂದಿಗೆ ಸ್ನೇಹಿತೆ ಕೂಡ ಜೊತೆಗಿದ್ದಳು ಎಂದು ಹೇಳಿದ್ದಾರೆ.
ಅಂಜಲಿ ಜೊತೆ ಕಾಣಿಸಿಕೊಂಡ ಹುಡುಗಿ ಯಾರು?
ಮಾಧ್ಯಮ ವರದಿಗಳ ಪ್ರಕಾರ, ಅಂಜಲಿಯೊಂದಿಗೆ ಕಾಣಿಸಿಕೊಂಡ ಹುಡುಗಿ ಅವಳ ಸ್ನೇಹಿತೆ. ಇವರ ಹೆಸರು ನಿಧಿ. ಆದರೂ ಪೊಲೀಸರು ಮಹಿಳೆಯ ಗುರುತನ್ನು ಬಹಿರಂಗಪಡಿಸಿಲ್ಲ. ಮಹಿಳೆ ಮಾಧ್ಯಮದ ಮುಂದೆ ಬಂದಿಲ್ಲ. 20 ವರ್ಷದ ಅಂಜಲಿಯ ಸ್ನೇಹಿತೆಯ ಕಾಲಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು, ಅಂಜಲಿಯ ಕಾಲು ಕಾರಿನ ಆಕ್ಸಲ್ಗೆ ಸಿಲುಕಿಕೊಂಡಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಇದಾದ ನಂತರ ಸಂತ್ರಸ್ತೆಯನ್ನು 13 ಕಿ.ಮೀ ಎಳೆದೊಯ್ಯಲಾಯಿತು. ಅಪಘಾತದ ಬಳಿಕ ಅಂಜಲಿಯ ಸ್ನೇಹಿತೆ ಸ್ಥಳದಿಂದ ತೆರಳಿದ್ದಾರೆ.
ಅಂಜಿಲಿ ಜೊತೆಗಿದ್ದ ನಿಧಿ ಯಾರು?
ಅಪಘಾತದ ಸಮಯದಲ್ಲಿ, ನಿಧಿ ತನ್ನ ಸಹೋದರನ ಬಳಿಗೆ ಹೋಗಿ ಅಪಘಾತದ ಬಗ್ಗೆ ಯಾರಿಗೂ ತಿಳಿಸದೆ ತನ್ನ ಮನೆಗೆ ತಲುಪಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ. ಪೊಲೀಸರು ಸಂತ್ರಸ್ತೆಯ ಸ್ನೇಹಿತೆಯನ್ನು ಸಿಸಿಟಿವಿ ದೃಶ್ಯಗಳಿಂದ ಪತ್ತೆ ಹಚ್ಚಿದ್ದಾರೆ. ಮಂಗಳವಾರ ಅವರ ಹೇಳಿಕೆ ದಾಖಲಿಸಿಕೊಂಡಿದ್ದಾರೆ. 20 ವರ್ಷದ ಸಂತ್ರಸ್ತೆಯ ಸ್ನೇಹಿತೆಯನ್ನು ನಿಧಿ ಎಂದು ಗುರುತಿಸಲಾಗಿದೆ. ಡಿಸೆಂಬರ್ 31 ರ ರಾತ್ರಿ 1.45 ರ ಸುಮಾರಿಗೆ ನಿಧಿ ಮತ್ತು ಅಂಜಲಿ ಹೊಸ ವರ್ಷವನ್ನು ಆಚರಿಸಿದ ನಂತರ ಹೋಟೆಲ್ನಿಂದ ಹೊರಟಿದ್ದರು ಎಂದು ಹೇಳಿಕೊಂಡಿದ್ದಾರೆ.
ಅಂಜಲಿ ಗುಲಾಬಿ ಮತ್ತು ನಿಧಿ ಕೆಂಪು ಜಾಕೆಟ್ ಧರಿಸಿದ್ದರು-
ಸಿಸಿಟಿವಿ ದೃಶ್ಯಾವಳಿಗಳಲ್ಲಿ ಅಂಜಲಿ ಗುಲಾಬಿ ಬಣ್ಣದ ಜಾಕೆಟ್ ಧರಿಸಿದ್ದರೆ, ನಿಧಿ ಕೆಂಪು ಬಣ್ಣದ ಜಾಕೆಟ್ ಧರಿಸಿದ್ದಾರೆ. ಹೋಟೆಲ್ನಿಂದ ಹೊರಡುವಾಗ ನಿಧಿ ಸ್ಕೂಟಿ ಚಲಾಯಿಸುತ್ತಿರುವುದು ಸಿಸಿಟಿವಿ ದೃಶ್ಯಾವಳಿಯಲ್ಲಿ ಕಂಡುಬಂದಿದೆ. ಆದರೆ ಸ್ವಲ್ಪ ಸಮಯದ ನಂತರ ಅಂಜಲಿ ಸ್ಕೂಟಿ ಚಲಾಯಿಸಲು ಪ್ರಾರಂಭಿಸುತ್ತಾಳೆ. ಅಪಘಾತದ ವೇಳೆ ಅಂಜಲಿ ಸ್ಕೂಟಿ ಚಲಾಯಿಸುತ್ತಿದ್ದು, ನಿಧಿ ಹಿಂದೆ ಕುಳಿತಿದ್ದರು ಎಂದು ತಿಳಿದು ಬಂದಿದೆ.
Click it and Unblock the Notifications
Sign in with Google