ಹಿಮಾಚಲದ ಸಿಎಂ ಆಗಿ ಜೈರಾಮ್ ಠಾಕೂರ್ ಪ್ರಮಾಣ ವಚನ ಸ್ವೀಕಾರ
ಶಿಮ್ಲಾ, ಡಿಸೆಂಬರ್ 27: ಹಿಮಾಚಲ ಪ್ರದೇಶ ಮುಖ್ಯಮಂತ್ರಿಯಾಗಿ ಜೈರಾಮ್ ಠಾಕೂರ್ ಅವರು ಬುಧವಾರದಂದು ಪ್ರಮಾಣ ವಚನ ಸ್ವೀಕರಿಸಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ, ಬಿಜೆಪಿ ಅಧ್ಯಕ್ಷ ಅಮಿತ್ ಶಾ, ಹಿರಿಯ ನಾಯಕ ಎಲ್ ಕೆ ಅಡ್ವಾಣಿ ಅವರು ಈ ಶುಭ ಸಂದರ್ಭದಲ್ಲಿ ಹಾಜರಿದ್ದರು.
ರಾಜ್ಯಪಾಲ ಆಚಾರ್ಯ ದೇವವ್ರತ್ ಅವರು ಜೈ ರಾಮ್ ಠಾಕೂರ್ ಹಾಗೂ ಅವರ ಸಂಪುಟದ 10 ಮಂದಿಗೆ ಪ್ರತಿಜ್ಞಾ ವಿಧಿ ಬೋಧಿಸಿದರು.
ಪ್ರಧಾನಿ ಮೋದಿ, ಅಮಿತ್ ಶಾ ಅಲ್ಲದೆ, ಕೇಂದ್ರ ಸಚಿವರು, ಬಿಜೆಪಿ ಆಡಳಿತವಿರುವ ರಾಜ್ಯಗಳ ಮುಖ್ಯಮಂತ್ರಿಗಳು ಈ ಸಮಾರಂಭದಲ್ಲಿ ಪಾಲ್ಗೊಂಡಿದ್ದರು.
ಜೈರಾಮ್ ಠಾಕೂರ್ ಅವರ ಜತೆಗೆ ಮಹೇಂದ್ರ ಸಿಂಗ್, ಸುರೇಶ್ ಭಾರದ್ವಾಜ್, ಅನಿಲ್ ಶರ್ಮ, ಸರ್ವೀನ್ ಚೌಧುರಿ, ರಾಮ್ ಲಾಲ್ ಮರ್ಖಂಡ್, ವಿಪಿನ್ ಸಿಂಗ್ ಪರ್ಮಾರ್, ವೀರೇಂದ್ರ ಕನ್ವರ್, ವಿಕ್ರಮ್ ಸಿಂಗ್, ಗೋವಿಂದ್ ಸಿಂಗ್ ಹಾಗೂ ರಾಜೀವ್ ಸಹ್ಜಲ್ ಅವರು ಸಂಪುಟ ದರ್ಜೆ ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದರು.
#JairamThakur set to take oath as the Chief Minister of #HimachalPradesh, today, says "people have shown faith in us, will try to meet their expectations" pic.twitter.com/OdOqThvXK0
— ANI (@ANI) December 27, 2017
ಹಿಮಾಚಲ ಪ್ರದೇಶ ವಿಧಾನಸಭೆಯ 68 ಸ್ಥಾನಗಳ ಪೈಕಿ ಬಿಜೆಪಿ 44 ಹಾಗೂ ಕಾಂಗ್ರೆಸ್ 21 ಸ್ಥಾನಗಳನ್ನು ಗಳಿಸಿದ್ದನ್ನು ಇಲ್ಲಿ ಸ್ಮರಿಸಬಹುದು.
ಠಾಕೂರ್: ಕರ್ನಾಟಕದ ಶಿವಮೊಗ್ಗದ ಡಾ. ಸಂಧ್ಯಾ ಅವರನ್ನು ವರಿಸಿರುವ ಜೈರಾಮ್ ಠಾಕೂರ್ ಅವರು ಮಂಡಿ ಜಿಲ್ಲೆಯ ಸೆರಾಜ್ ಕ್ಷೇತ್ರದಿಂದ ಐದು ಬಾರಿ ಶಾಸಕರಾಗಿ ಆಯ್ಕೆಯಾಗಿದ್ದಾರೆ.
Prime Minister Narendra Modi at swearing-in ceremony of Himachal CM elect #JairamThakur and others, in Shimla pic.twitter.com/cW7Eo8I72i
— ANI (@ANI) December 27, 2017
ಆರೆಸ್ಸೆಸ್ ಬೆಂಬಲಿತ, ಜೆಪಿ ನಡ್ಡಾ ಆಪ್ತರಾದ 52 ವರ್ಷ ವಯಸ್ಸಿನ ಠಾಕೂರ್ ಅವರು ಬಿಜೆಪಿ ರಾಜ್ಯಾಧ್ಯಕ್ಷರಾಗಿ ಕಾರ್ಯ ನಿರ್ವಹಿಸಿದ್ದಾರೆ.
Click it and Unblock the Notifications
Sign in with Google