ಭಾರತ ಭೇಟಿ ವೇಳೆ ಇಸ್ರೇಲ್ ಪ್ರಧಾನಿಯಿಂದ ಮೋದಿಗೆ ವಿಶೇಷ ಉಡುಗೊರೆ
ನವದೆಹಲಿ, ಜನವರಿ 4: ಜನವರಿ 14ರಿಂದ ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೇತನ್ಯಾಹು 4 ದಿನಗಳ ಭಾರತ ಪ್ರವಾಸ ನಡೆಸಲಿದ್ದಾರೆ. ಈ ವೇಳೆ ಅವರು ಪ್ರಧಾನಿ ನರೇಂದ್ರ ಮೋದಿಯವರಿಗೆ ವಿಶೇಷ ಉಡುಗೊರೆಯೊಂದನ್ನು ನೀಡಲಿದ್ದಾರೆ.
"ಗಾಲ್ ಮೊಬೈಲ್ ವಾಟರ್ ಡಿಸಾಲಿನೇಷನ್ ಮತ್ತು ಪ್ಯೂರಿಫಿಕೇಶನ್ ಜೀಪ್'ನ್ನು ಅವರು ಮೋದಿಗೆ ಉಡುಗೊರೆಯಾಗಿ ನೀಡಲಿದ್ದಾರೆ.
ಕಳೆದ ಜುಲೈನಲ್ಲಿ ಇಸ್ರೇಲಿಗೆ ಭೇಟಿ ನೀಡಿದ್ದ ಪ್ರಧಾನಿ ನರೇಂದ್ರ ಮೋದಿ ಮೆಡಿಟರೇನಿಯನ್ ಸಮುದ್ರದ ದಂಡೆಯಲ್ಲಿ ಈ ಜೀಪ್ ವೀಕ್ಷಿಸಿದ್ದರು. ಜತೆಗೆ ಈ ಜೀಪ್ ನಲ್ಲಿ ಡ್ರೈವ್ ಹೋಗಿ ಮೆಚ್ಚಿಕೊಂಡಿದ್ದರು.
ಇದೀಗ ಅದೇ ಜೀಪನ್ನು ಮೋದಿಯವರಿಗೆ ನೇತನ್ಯಾಹು ಉಡುಗೊರೆ ನೀಡಲಿದ್ದಾರೆ. ಮೂಲಗಳ ಪ್ರಕಾರ ಈಗಾಗಲೇ ಜೀಪನ್ನು ಇಸ್ರೇಲಿನಿಂದ ಕಳುಹಿಸಲಾಗಿದ್ದು ಸರಿಯಾದ ಸಮಯಕ್ಕೆ ಭಾರತ ತಲುಪಲಿದೆ.
1,11,000 ಅಮೆರಿಕನ್ ಡಾಲರ್ ಬೆಲೆಬಾಳುವ ಜೀಪ್ ಇದಾಗಿದೆ. ಈ ಜೀಪ್ ಸಮುದ್ರದ ನೀರನ್ನು ಶುದ್ದೀಕರಿಸುವುದಲ್ಲದೆ, ಇತರ ಕೊಳಚೆ ನೀರನ್ನು ಶುದ್ದೀಕರಿಸುವ ಅತ್ಯಾಧುನಿಕ ತಂತ್ರಜ್ಞಾನವನ್ನು ಹೊಂದಿದೆ.
ದಿನಕ್ಕೆ 20,000 ಲೀಟರ್ ಸಮುದ್ರದ ನೀರು ಹಾಗೂ 80,000 ಲೀಟರ್ ಕೊಳಚೆ ನೀರನನ್ನು ಶುದ್ಧೀಕರಿಸುವ ಸಾಮರ್ಥ್ಯ ಈ ಜೀಪಿಗಿದೆ.
Click it and Unblock the Notifications
Sign in with Google