100 ರು ಮುಖಬೆಲೆ ನೋಟಿನ ಕಥೆ ಏನು? ಹೊಸ ನೋಟು ಬರಲಿದೆಯೇ?

ಬೆಂಗಳೂರು, ಅಕ್ಟೋಬರ್ 05: ಅಪನಗದೀಕರಣದ ಪರಿಣಾಮವನ್ನು ದೇಶದ ಜನತೆ ಮತ್ತೊಮ್ಮೆ ಅನುಭವಿಸಬೇಕೆ? ಹೆಚ್ಚು ಬಳಕೆಯಲ್ಲಿರುವ ನೂರು ರೂಪಾಯಿ ಮುಖಬೆಲೆ ಕರೆನ್ಸಿ ನೋಟುಗಳು ಏನಾಗಲಿವೆ? ಹೊಸ ನೋಟುಗಳು ಚಲಾವಣೆಗೆ ಬರಲಿದೆಯೇ? ಎಂಬ ಪ್ರಶ್ನೆ ಮೂಡಿದ್ದು ಇದಕ್ಕೆ ಆರ್ ಬಿಐ ಕಡೆಯಿಂದ ಉತ್ತರವೂ ಸಿಕ್ಕಿದೆ.

ಮುಂದಿನ ಏಪ್ರಿಲ್ ನಿಂದ 100 ರು ನೋಟುಗಳನ್ನು ಮುದ್ರಿಸಲು ಆರ್ ಬಿಐ ಮುಂದಾಗಿದ್ದು, ಸೆಂಟ್ರಲ್ ಬ್ಯಾಂಕಿನ ಮುದ್ರಣಾಲಯದಲ್ಲಿ ಈ ಕುರಿತಂತೆ ಸಿದ್ಧತೆ ನಡೆಸಲಾಗಿದೆ ಎಂದು ಮಿಂಟ್ ವರದಿ ಮಾಡಿದೆ.

ಹೊಸ ನೋಟಿನ ಅಗಲ, ವಿಸ್ತೀರ್ಣಗಳು ಹಳೆ ನೋಟಿನಂತೆ ಇರಲಿದೆ. ಹೀಗಾಗಿ, ಎಟಿಎಂನಲ್ಲಿ ತ್ವರಿತಗತಿಯಲ್ಲಿ ಚಲಾವಣೆಗೆ ಬರಲಿದೆ. ಎಟಿಎಂಗಳಲ್ಲಿ ಹೆಚ್ಚೆಚ್ಚು 100 ರೂಪಾಯಿಗಳು ನೀಡುವ ಎಟಿಎಂಗಳನ್ನು ಸ್ಥಾಪಿಸಲು ಆರ್ ಬಿಐ ಮುಂದಾಗಿದೆ. ಇತ್ತೀಚೆಗೆ 50 ರೂಪಾಯಿ ವಿನ್ಯಾಸವನ್ನು ಬದಲಾಯಿಸಿ ಹೆಚ್ಚು ಸುರಕ್ಷಿತವಾಗುವಂತೆ ಮಾಡಲಾಗಿತ್ತು.

ಕಳೆದ ವರ್ಷದ ನವೆಂಬರ್ ನಲ್ಲಿ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅಪನಗದೀಕರಣದ ಘೋಷಣೆ ಮಾಡಿದ ನಂತರ ಪರಿಚಯಿಸುತ್ತಿರುವ ನಾಲ್ಕನೇ ಹೊಸ ನೋಟು ಇದು. ತೆರಿಗೆ ಕದಿಯುವವರಿಗೆ ಹೊಡೆತ ನೀಡುವ ಉದ್ದೇಶದಿಂದಲೇ ರಾತ್ರೋರಾತ್ರಿ ಹಳೆಯ ಸಾವಿರ ಹಾಗೂ ಐನೂರು ರುಪಾಯಿ ನೋಟುಗಳನ್ನು ನಿಷೇಧಿಸಿ, ಆದೇಶ ಹೊರಡಿಸಲಾಗಿತ್ತು.

English summary

Is there a new Rs 100 note on its way? Some reports state that the RBI will begin printing the new Rs 100 note from April onwards and the same would be done at the central bank's printing press.