Click it and Unblock the Notifications
Just In
-
-
-
Don't Miss
-
'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್! -
CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ -
ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ -
ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ -
ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ! -
Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್.. -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಡಾ. ಸಿಂಗ್ ಗೆ ಜಪಾನ್ ಪ್ರಶಸ್ತಿ ಹಿಂದಿನ ಮರ್ಮವೇನು?
ಜಪಾನ್ ದೇಶವು ತನ್ನ ಅತ್ಯುನ್ನತ ನಾಗರಿಕ ಪ್ರಶಸ್ತಿಯನ್ನು ಮಾಜಿ ಪ್ರಧಾನಿ ಡಾ. ಮನಮೋಹನ ಸಿಂಗ್ ಅವರಿಗೇ ನೀಡಲು ಜಪಾನ್ ಕೈಗೊಂಡ ನಿರ್ಧಾರದ ಹಿಂದೆ ನಿಗೂಢ ಕಾರಣವಿದೆ!
ಪ್ರಧಾನಿ ಶಿಂಜೋ ಅಬೆ ನೇತೃತ್ವದ ಜಪಾನ್ ಸರ್ಕಾರ ತನ್ನ ದೇಶದ ಅತ್ಯುನ್ನತ ನಾಗರಿಕ ಪ್ರಶಸ್ತಿ "The Grand Cordon of the Order of the Paulownia Flowers" ನೀಡಲು ಡಾ. ಮನಮೋಹನ ಸಿಂಗ್ ಹೆಸರನ್ನು ಅಂತಿಮಗೊಳಿಸಿರುವುದು ಎಲ್ಲೆಡೆ ಅಚ್ಚರಿಗೆ ಕಾರಣವಾಗಿದೆ. ಸ್ವತಃ ಮನಮೋಹನ ಸಿಂಗ್ ಕೂಡ ಈ ಪ್ರಶಸ್ತಿಯನ್ನು ನಿರೀಕ್ಷಿಸಿರಲಿಲ್ಲ.
ಈ ಪ್ರಶಸ್ತಿಗೆ ಡಾ. ಮನಮೋಹನ ಸಿಂಗ್ ಅವರ ಹೆಸರು ಸೂಚಿಸಿದ್ದು ಸ್ವತಃ ನರೇಂದ್ರ ಮೋದಿ ಅವರೇ ಎಂದು ನಿತಿಸೆಂಟ್ರಲ್ ವರದಿ ಮಾಡಿದೆ. ಜಪಾನ್ ದೇಶಕ್ಕೆ ಮೋದಿ ಭೇಟಿ ನೀಡಿದ್ದ ಸಂದರ್ಭದಲ್ಲಿ ಈ ಕುರಿತು ಉಭಯ ದೇಶಗಳ ಪ್ರಧಾನ ಮಂತ್ರಿಗಳು ಚರ್ಚೆ ನಡೆಸಿದ್ದಾರೆ. ಆಗ ಮನಮೋಹನ ಸಿಂಗ್ ಅವರ ಹೆಸರನ್ನು ನರೇಂದ್ರ ಮೋದಿ ಸೂಚಿಸಿದ್ದರು. ಈ ವಿಷಯ ಮುಚ್ಚಿಡಲು ಸರ್ಕಾರದ ಉನ್ನತ ಅಧಿಕಾರಿಯೋರ್ವರ ಮೂಲಕ ವಿಷಯ ಬಹಿರಂಗಗೊಳಿಸಲಾಗಿದೆ. ಏನೇ ಆದರೂ, ಜಪಾನ್ ರಾಯಭಾರ ಕಚೇರಿಯು "ಭಾರತ-ಜಪಾನ್ ಸಂಬಂಧ ವೃದ್ಧಿಯಲ್ಲಿ ಡಾ. ಮನಮೋಹನ ಸಿಂಗ್ ಅವರ 35 ವರ್ಷಗಳ ಕೊಡುಗೆ ಗಮನಿಸಿ ಈ ಪ್ರಶಸ್ತಿ ನೀಡಲಾಗಿದೆ" ಎಂದು ಸಮರ್ಥಿಸಿಕೊಂಡಿದೆ. ಈ ಪ್ರಶಸ್ತಿಯನ್ನು ಇದುವರೆಗೆ 56 ವಿದೇಶೀಯರಿಗೆ ನೀಡಲಾಗಿದ್ದು, ಮನಮೋಹನ ಸಿಂಗ್ 57ನೇ ವ್ಯಕ್ತಿ.
ಮನಮೋಹನ ಪ್ರತಿಕ್ರಿಯೆ: ಡಾ. ಮನಮೋಹನ ಸಿಂಗ್ ಅವರು ಜಪಾನ್ ನೀಡಿದ ಪ್ರಶಸ್ತಿ ಸ್ವೀಕರಿಸಲು ತಕ್ಷಣ ಒಪ್ಪಿಕೊಂಡಿರುವುದು ಅನೇಕರಿಗೆ ಅಚ್ಚರಿ ತಂದಿದೆ. ಪ್ರಶಸ್ತಿ ಕುರಿತು ಪ್ರತಿಕ್ರಿಯೆ ನೀಡಿರುವ ಸಿಂಗ್, "ಜಪಾನ್ ಸರ್ಕಾರ ಹಾಗೂ ಜನತೆ ತೋರಿರುವ ಪ್ರೀತಿಗೆ ಕೃತಜ್ಞನಾಗಿದ್ದೇನೆ. ಏಶಿಯಾ ಅಭಿವೃದ್ಧಿಯಲ್ಲಿ ಭಾರತ-ಜಪಾನ್ ವಿವಿಧ ಅಂಶಗಳನ್ನು ಹಂಚಿಕೊಳ್ಳುತ್ತಿರುವ ಕಾರಣ ಎರಡೂ ದೇಶಗಳ ಮಧ್ಯೆ ವಿಶೇಷ ಸಂಬಂಧ ಏರ್ಪಟ್ಟಿದೆ" ಎಂದು ಡಾ. ಮನಮೋಹನ ಸಿಂಗ್ ಪ್ರತಿಕ್ರಿಯಿಸಿದ್ದಾರೆ.
ಜಪಾನ್ ಪ್ರಶಸ್ತಿ ಕುರಿತು ಪ್ರಧಾನಿ ನರೇಂದ್ರ ಮೋದಿ ಅವರು ಯಾವುದೇ ಅಭಿಪ್ರಾಯ ವ್ಯಕ್ತಪಡಿಸದೆ ಮೌನ ವಹಿಸಿರುವುದರಿಂದ ಈ ಸಂದರ್ಭವನ್ನು ಮೋದಿ ಕಾಲೆಳೆಯಲು ಉಪಯೋಗಿಸಿಕೊಂಡಿರುವ ಕಾಂಗ್ರೆಸ್ "ಜಗತ್ತು ಕೆಲಸಗಾರರನ್ನು ಗೌರವಿಸುತ್ತದೆಯೇ ವಿನಃ ವಾಚಾಳಿಗಳನ್ನಲ್ಲ" ಎಂದು ಪರೋಕ್ಷವಾಗಿ ಟೀಕಿಸಿದೆ. [ಪೂರ್ತಿ ಲೇಖನ ಇಲ್ಲಿ ಓದಿ]
