ಮಾಜಿ ಸಂಸದ ಮನೆಯಲ್ಲಿ ಸಂಘದ ಅಕ್ರಮ ಚಟುವಟಿಕೆ ಅರೋಪ
ನವದೆಹಲಿ, ಜೂನ್ 5: ಯುಪಿ ಭವನದಲ್ಲಿ ಮಹಿಳೆಯೊಬ್ಬರ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ ಆರೋಪದ ಮೇಲೆ ಬಂಧಿತರಾಗಿರುವ ಮಹಾರಾಣಾ ಪ್ರತಾಪ್ ಸೇನಾ ಮುಖ್ಯಸ್ಥ ರಾಜ್ಯವರ್ಧನ್ ಸಿಂಗ್ ಪರ್ಮಾರ್ ಮಾಜಿ ಸಂಸದರಿಗೆ ಮೀಸಲಾದ ಮನೆಯಿಂದಲೇ ಅಕ್ರಮವಾಗಿ ಸಂಘಟನೆಯನ್ನು ನಡೆಸುತ್ತಿದ್ದಾರೆ ಎಂದು ದೆಹಲಿ ಪೊಲೀಸರು ಹೇಳಿದ್ದಾರೆ.
ಲೈಂಗಿಕ ಕಿರುಕುಳ ಪ್ರಕರಣದಲ್ಲಿ ಪರ್ಮಾರ್ ಅವರನ್ನು ಪಟಿಯಾಲ ಹೌಸ್ ಕೋರ್ಟ್ ಶನಿವಾರ 14 ದಿನಗಳ ನ್ಯಾಯಾಂಗ ಬಂಧನಕ್ಕೆ ಕಳುಹಿಸಿದೆ. "ಅವರು ಹೇಗೆ ಮನೆಯಲ್ಲಿ ವಾಸಿಸುತ್ತಿದ್ದಾರೆಂದು ತೋರಿಸಲು ನಮಗೆ ಯಾವುದೇ ದಾಖಲೆಗಳು ಸಿಕ್ಕಿಲ್ಲ. ಅಲ್ಲದೆ ಅವರು ಅಲ್ಲಿ ವಾಸಿಸುತ್ತಿದ್ದಾರೆ ಎಂದು ಕಂಡುಹಿಡಿಯಲು ಸಾಧ್ಯವಾಗಲಿಲ್ಲ. ನಾವು ಈ ಸಂಬಂಧ ಅವರಿಗೆ ತಿಳುವಳಿಕೆ ನೋಟಿಸ್ ನೀಡಿದ್ದೇವೆ ಎಂದು ಹಿರಿಯ ಪೋಲೀಸ್ ಅಧಿಕಾರಿಯೊಬ್ಬರು ಹೇಳಿದ್ದಾರೆ.
ಪರ್ಮಾರ್, ಅವರ ಪತ್ನಿ ಮತ್ತು ಅವರ ಇಬ್ಬರು ಪುತ್ರಿಯರು ಪ್ರಸ್ತುತ ರಫಿ ಮಾರ್ಗ್ನ ವಿಠಲ್ ಭಾಯ್ ಪಟೇಲ್ ಹೌಸ್ನಲ್ಲಿರುವ ಫ್ಲಾಟ್ನಲ್ಲಿ ವಾಸಿಸುತ್ತಿದ್ದಾರೆ ಎನ್ನಲಾಗಿದೆ. ಪರ್ಮಾರ್ ಮನೆಯಿಂದ ಬಲಪಂಥೀಯ ಸಂಘಟನೆಯನ್ನು ಹೇಗೆ ನಡೆಸುತ್ತಿದ್ದರು ಎಂಬುದರ ಕುರಿತು ತನಿಖೆಯನ್ನು ಪ್ರಾರಂಭಿಸಲಾಗಿದೆ ಎಂದು ಅಧಿಕಾರಿ ಹೇಳಿದರು.
"ಇದು ವಾಣಿಜ್ಯ ಚಟುವಟಿಕೆಯ ವರ್ಗದ ಅಡಿಯಲ್ಲಿ ಬರುತ್ತದೆ. ಪರ್ಮಾರ್ ಬಂಧನದ ನಂತರ, ಅವರ ಪತ್ನಿ ಸುಚೇತಾ ಸಂಸ್ಥೆಯ ವಾಸ್ತವಿಕ ಮುಖ್ಯಸ್ಥರಾಗಿದ್ದಾರೆ ಮತ್ತು ಅದನ್ನು ನಡೆಸುವ ಕಾನೂನುಬದ್ಧತೆಯ ಬಗ್ಗೆ ಆಕೆಯನ್ನು ಪ್ರಶ್ನಿಸಲಾಗುವುದು ಎಂದು ಅಧಿಕಾರಿ ಹೇಳೀದ್ದಾರೆ.
ಪರ್ಮಾರ್ ಅವರ ಕುಟುಂಬದ ಸದಸ್ಯರೊಬ್ಬರು, ಸುಚೇತಾ ಕಳೆದ ಕೆಲವು ವರ್ಷಗಳಿಂದ ಅಪ್ನಾ ದಳ (ಎಸ್) ಸಂಸದ ಪಕೌರಿ ಲಾಲ್ ಅವರ ಸಂಸದೀಯ ಸಹವರ್ತಿ ಆಗಿ ಕೆಲಸ ಮಾಡುತ್ತಿದ್ದಾರೆ. ಆ ಅದರ ಆಧಾರದ ಮೇಲೆ ಅವರಿಗೆ ಫ್ಲ್ಯಾಟ್ ನೀಡಲಾಗಿದೆ ಎಂದು ಹೇಳಿದರು, ಆದರೆ ಕುಟುಂಬದ ಸದಸ್ಯರಿಗೆ ಮನೆ ನೀಡಲಾಗಿದೆ ಎಂಬುದಕ್ಕೆ ಅವರು ಯಾವುದೇ ದಾಖಲೆಗಳನ್ನು ನೀಡಲು ಸಾಧ್ಯವಾಗಲಿಲ್ಲ.
ಸಂಸದರ ಶಿಫಾರಸಿನ ಮೇರೆಗೆ ಫ್ಲಾಟ್ಗಳನ್ನು ಸಾಮಾನ್ಯವಾಗಿ ಸಂಸದರು ಅಥವಾ ಅವರ ಅತಿಥಿಗಳಿಗೆ ಅಲ್ಪಾವಧಿಗೆ ಹಂಚಲಾಗುತ್ತದೆ ಎಂದು ಲೋಕಸಭೆಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ವಸತಿ ಮತ್ತು ನಗರ ವ್ಯವಹಾರಗಳ ಸಚಿವಾಲಯದ ಅಧಿಕಾರಿಯೊಬ್ಬರು ಮನೆ ಹಂಚಿಕೆಗಳನ್ನು ಲೋಕಸಭೆ ಸಚಿವಾಲಯ ಅಥವಾ ರಾಜ್ಯಸಭೆಯ ಕಾರ್ಯದರ್ಶಿಗಳು ಮಾಡುತ್ತಾರೆ ಎಂದರು.
ಸುಚೇತಾ ಮತ್ತು ಪರ್ಮಾರ್ ನಿರ್ದೇಶಕರಾಗಿದ್ದ ಕಮಲಾ ಮಿಲ್ಕ್ ಜೈವಿಕ್ ಖಾಡ್ ಲಿಮಿಟೆಡ್ ಎಂಬ ಕಂಪನಿಯು ತನ್ನ ಉದ್ಯೋಗಿಗಳಿಗೆ ಮೋಸ ಮಾಡಿದೆ ಎಂದು ಆರೋಪಿಸಿ ದೆಹಲಿ ಪೊಲೀಸ್ ಆರ್ಥಿಕ ಅಪರಾಧ ವಿಭಾಗವು 2019 ರಲ್ಲಿ ದಾಖಲಿಸಿದ ಉದ್ಯೋಗ ಕೊಡಿಸುವ ನೆಪದಲ್ಲಿ 40 ಲಕ್ಷ ರೂಪಾಯಿ ವಂಚನೆ ಮತ್ತು ಹಣದ ದುರುಪಯೋಗ ಪ್ರಕರಣದಲ್ಲಿ ಪರ್ಮಾರ್ ಮತ್ತು ಅವರ ಪತ್ನಿ ಹೆಸರೂ ಇದೆ.
Click it and Unblock the Notifications
Sign in with Google