ಕೇಂದ್ರ ಸರ್ಕಾರದಿಂದ ಭರ್ಜರಿ ಗುಡ್ನ್ಯೂಸ್: ಎಟಿಎಂ, ಯುಪಿಐ ಬಳಸಿ ಪಿಎಫ್ ಹಣ ಪಡೆಯಬಹುದು, ಯಾವಾಗ ಜಾರಿ ?
ನವ ದೆಹಲಿ: ಕೇಂದ್ರ ಸರ್ಕಾರವು ಪಿಎಫ್ ಹಣವನ್ನು ಅತ್ಯಂತ ಸುಲಭವಾಗಿ ಪಡೆದುಕೊಳ್ಳುವ ಆಯ್ಕೆಯನ್ನು ಅಭಿವೃದ್ಧಿಪಡಿಸಿದ್ದು, ಈ ಬಗ್ಗೆ ಮಹತ್ವದ ಅಪ್ಡೇಟ್ಸ್ ನೀಡಿದೆ. ನೌಕರರ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್ಒ) ಚಂದಾದಾರರು / ಇಪಿಎಫ್ ಹೊಂದಿರುವವರು ತಮ್ಮ ನೌಕರರ ಭವಿಷ್ಯ ನಿಧಿಯನ್ನು (ಇಪಿಎಫ್ ಹಣವನ್ನು) ಎಟಿಎಂ ಮೂಲಕ ಮತ್ತು ಯುಪಿಐ ಮೂಲಕ ಹಿಂಪಡೆಯಲು ಅನುವು ಮಾಡಿಕೊಡುವ ವೈಶಿಷ್ಟ್ಯವನ್ನು ಪರಿಚಯಿಸಲು ಸಜ್ಜಾಗಿದೆ.
ಈ ಹೊಸ ನಿಯಮವು ಕೆಲವೇ ದಿನಗಳಲ್ಲಿ ಜಾರಿಗೆ ಬರಲಿದೆ. ಇದರಿಂದ ಉದ್ಯೋಗಳು ಇನ್ಮುಂದೆ ಅತ್ಯಂತ ಸರಳವಾಗಿ ಪಿಎಫ್ ಹಣವನ್ನು ವಿತ್ ಡ್ರಾ ಮಾಡಿಕೊಳ್ಳಬಹುದಾಗಿದೆ ಎಂದು ಹೇಳಲಾಗಿದೆ. ಈ ವಿಷಯದ ಬಗ್ಗೆ ಕೇಂದ್ರ ಕಾರ್ಮಿಕ ಸಚಿವ ಮುನ್ಸುಖ್ ಮಾಂಡವಿಯಾ ಎಬಿಪಿ ಸುದ್ದಿ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ್ದಾರೆ.
ನೀವು ಇನ್ಮುಂದೆ ನಿಮ್ಮ ಶೇ. 75% ಮೊತ್ತದ ಇಪಿಎಫ್ ಹಣವನ್ನು ತಕ್ಷಣವೇ ಹಿಂಪಡೆಯಬಹುದು. 2026ರ ಮಾರ್ಚ್ಗೂ ಮೊದಲು ಚಂದಾದಾರರು ತಮ್ಮ ಇಪಿಎಎಫ್ ಅನ್ನು ಎಟಿಎಂ ಮೂಲಕ ಹಿಂಪಡೆಯಬಹುದಾದ ವೈಶಿಷ್ಟ್ಯವನ್ನು ಸಚಿವಾಲಯ ಪರಿಚಯಿಸುತ್ತಿದೆ. ಸಚಿವಾಲಯವು ಇಪಿಎಫ್ ಹಿಂಪಡೆಯುವಿಕೆಗಳನ್ನು UPI ನೊಂದಿಗೆ ಲಿಂಕ್ ಮಾಡುತ್ತದೆ ಎಂದು ಮಾಂಡವಿಯ ಅವರು ಹೇಳಿದ್ದಾರೆ. ಮಾಂಡವಿಯ ಅವರು ಪ್ರಸ್ತುತ ಇಪಿಎಫ್ ಹಿಂಪಡೆಯುವ ವಿಧಾನದ ಬಗ್ಗೆಯೂ ಮಾತನಾಡಿದ್ದಾರೆ. ಈಗ ಇರುವ ವ್ಯವಸ್ಥೆಯಲ್ಲಿ ಇಪಿಎಫ್ ಚಂದಾದಾರರು ತಮ್ಮ ಭವಿಷ್ಯ ನಿಧಿಯನ್ನು ಹಿಂಪಡೆಯಲು ಹಲವು ಫಾರ್ಮ್ಗಳನ್ನು ಸಲ್ಲಿಸಬೇಕಾಗುತ್ತದೆ.
ಇಪಿಎಫ್ನಲ್ಲಿರುವ ಹಣವು ಚಂದಾದಾರರಿಗೆ ಸೇರಿದೆ. ಆದರೆ ಪ್ರಸ್ತುತ ಹಿಂಪಡೆಯುವಿಕೆಗಳಿಗೆ ವಿಭಿನ್ನ ಫಾರ್ಮ್ಗಳ ಮೂಲಕ ಅರ್ಜಿ ಸಲ್ಲಿಸಬೇಕಾಗುತ್ತದೆ. ಇದು ಅನೇಕ ಸದಸ್ಯರಿಗೆ ತೊಂದರೆಯಾಗುತ್ತದೆ. ಈ ಎಲ್ಲಾ ಸಮಸ್ಯೆಗಳನ್ನು ಗಮನದಲ್ಲಿಟ್ಟುಕೊಂಡು ಸಚಿವಾಲಯವು ಇಪಿಎಫ್ ಹಿಂಪಡೆಯುವಿಕೆಯನ್ನು ಸುಲಭಗೊಳಿಸುತ್ತಿದೆ ಎಂದಿದ್ದಾರೆ.
ಇಪಿಎಫ್ ಏನೆಲ್ಲಾ ಬದಲಾವಣೆಗಳು ಆಗಿವೆ ?
ಇನ್ನು ನೌಕರರ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್ಒ)ಯು ಇತ್ತೀಚಿನ ದಿನಗಳಲ್ಲಿ ಹಲವು ಬದಲಾವಣೆಗಳನ್ನು ತಂದಿದೆ. 2025ನೇ ಸಾಲಿನ ಅಕ್ಟೋಬರ್ನಲ್ಲಿ ಇಪಿಎಫ್ಒ ಭವಿಷ್ಯ ನಿಧಿ ಕಾರ್ಯಾಚರಣೆಗಳನ್ನು ಸರಳ, ವೇಗ ಮತ್ತು ಹೆಚ್ಚು ಪಾರದರ್ಶಕವಾಗಿಸಲು ಪ್ರಮುಖ ಸುಧಾರಣೆಗಳನ್ನು ತೆಗೆದುಕೊಂಡಿದೆ. ಪಿಎಫ್ ಹಣವನ್ನು ವಾಪಸ್ ಅಥವಾ ಹಿಂಪಡೆಯುವಲ್ಲಿ ಈಗಾಗಲೇ ಇದ್ದಂತಹ ಕೆಲವೊಂದು ಕಠಿಣ ವಿಧಾನಗಳನ್ನು ಸರಳೀಕರಣ ಮಾಡಲಾಗಿದೆ.
ಬಹು ಹಿಂಪಡೆಯುವ ವಿಧಾನಗಳು ವಿಳಂಬಕ್ಕೆ ಕಾರಣವಾಯಿತು. ಅಲ್ಲದೇ ಇಪಿಎಫ್ ಹಕ್ಕುಗಳನ್ನು ತಿರಸ್ಕರಿಸಲಾಯಿತು. ಕಾರ್ಮಿಕ ಸಚಿವಾಲಯವು ಇಪಿಎಫ್ ಹಿಂಪಡೆಯುವ ನಿಯಮಗಳು ವಿಭಿನ್ನ ಅರ್ಹತೆ ಮತ್ತು ವಿಭಿನ್ನ ಕನಿಷ್ಠ ಸೇವಾ ಅವಶ್ಯಕತೆಗಳೊಂದಿಗೆ ಕೆಲವೊಂದು ಗೊಂದಲಗಳು ಇವೆ. ಇದು ಆಗಾಗ್ಗೆ ಗೊಂದಲ, ವಿಳಂಬ ಮತ್ತು ಹಣ ಹಿಂಪಡೆಯಲು ಸವಾಲಾಗಿ ಪರಿಣಮಿಸಿದೆ. ಇದನ್ನು ಗಮನದಲ್ಲಿರಿಸಿಕೊಂಡು ಹಿಂಪಡೆಯುವಿಕೆ ವಿಧಾನವನ್ನು ಸರಳಗೊಳಿಸಲು ಸಚಿವಾಲಯವು 13 ವಿಭಾಗಗಳನ್ನು ವಿಲೀನಗೊಳಿಸಿದೆ ಎಂದು ಕೇಂದ್ರ ಸರ್ಕಾರವು ತಿಳಿಸಿದೆ.
ಇಪಿಎಫ್ ಹಿಂಪಡೆಯುವಿಕೆ ಮೊತ್ತ
ಈ ಹಿಂದೆ ಇಪಿಎಫ್ ಚಂದಾದಾರರು ಗಳಿಸಿದ ಬಡ್ಡಿಯೊಂದಿಗೆ ತಮ್ಮ ಸ್ವಂತ ಕೊಡುಗೆ (ಸಂಬಳದಿಂದ ಕಡಿತವಾದ ಮೊತ್ತ)ಗಳನ್ನು ಮಾತ್ರ ಹಿಂಪಡೆಯಬಹುದಿತ್ತು. ಅಲ್ಲದೇ ಅದು ಕೂಡ ಇಪಿಎಫ್ ಹಿಂಪಡೆಯುವಿಕೆಗೆ ನಿರ್ದಿಷ್ಟ ಕಾರಣವನ್ನು ಆಧರಿಸಿ 50% ಮತ್ತು 100% ನಡುವೆ ಸೀಮಿತವಾಗಿತ್ತು. ಪರಿಷ್ಕೃತ ಚೌಕಟ್ಟಿನ ಅಡಿಯಲ್ಲಿ ಹಿಂಪಡೆಯಬಹುದಾದ ಮೊತ್ತವು ಉದ್ಯೋಗಿಯ ಕೊಡುಗೆ ಮತ್ತು ಬಡ್ಡಿಯ ಜೊತೆಗೆ ಉದ್ಯೋಗದಾತರ ಕೊಡುಗೆಯನ್ನು ಸಹ ಒಳಗೊಂಡಿರುತ್ತದೆ.
ಪರಿಣಾಮವಾಗಿ, ಈಗ ಹಿಂಪಡೆಯಬಹುದಾದ ಮೊತ್ತವು ಶೇ 75% ಇಪಿಎಫ್ ಆಗಿರಲಿದೆ. ಇದರಿಂದ ತುರ್ತು ಸಂದರ್ಭಗಳಲ್ಲಿ ಸರಳವಾಗಿ ಹಾಗೂ ವೇಗವಾಗಿ ಪಿಎಫ್ ಹಣವನ್ನು ಪಡೆದುಕೊಳ್ಳಲು ಸಹಕಾರಿ ಆಗಲಿದೆ ಎಂದು ಹೇಳಲಾಗಿದೆ.
-
ಜೆಎಎಲ್ ದಿವಾಳಿ ಪ್ರಕ್ರಿಯೆ ಬಗ್ಗೆ ವೇದಾಂತ ಆಕ್ಷೇಪ; ಅದಾನಿ ಬಿಡ್ಗೆ ಸಾಲದಾತರ ಸಮಿತಿ, ನ್ಯಾಯಮಂಡಳಿಗಳ ಬೆಂಬಲ ದಾಖಲೆಗಳಿಂದ ದೃಢ -
Venkatesh Daggubati: ಬೆಂಗಳೂರಿನ ಐಕಾನಿಕ್ ವಿದ್ಯಾರ್ಥಿ ಭವನದಲ್ಲಿ ದೋಸೆ ಸವಿದ ಟಾಲಿವುಡ್ ನಟ ವೆಂಕಟೇಶ್ ದಗ್ಗುಬಾಟಿ -
Rishab Shetty: ಪತ್ನಿ ಪ್ರಗತಿ ಶೆಟ್ಟಿ ಹೊರತುಪಡಿಸಿ ಎಲ್ಲರನ್ನೂ ಅನ್ಫಾಲೋ ಮಾಡಿದ ನಟ ರಿಷಬ್ ಶೆಟ್ಟಿ -
March 30 Horoscope: ಕೆಲಸ ಮತ್ತು ಹಣದ ಸ್ಥಿತಿಯಲ್ಲಿ ಹೊಸ ಬದಲಾವಣೆ -
Hardik Pandya: ವಾಂಖೆಡೆ ಸ್ಟೇಡಿಯಂ ಸಿಬ್ಬಂದಿಗೆ ನೀಡಿದ್ದ ಸಹಾಯಹಸ್ತದ ಮಾತು ಉಳಿಸಿಕೊಂಡ ಹಾರ್ದಿಕ್ ಪಾಂಡ್ಯ -
Karnataka Rain: ಬೇಸಿಗೆಯಲ್ಲೂ ಮಳೆರಾಯನ ಆರ್ಭಟ: ಏಪ್ರಿಲ್ 4ರವರೆಗೆ ಕರ್ನಾಟಕದ 16 ಜಿಲ್ಲೆಗಳಲ್ಲಿ ಗುಡುಗು ಸಹಿತ ಮಳೆ -
Gold Rate Today: ವಾರದ ಆರಂಭದಲ್ಲೇ ಚಿನ್ನದ ಬೆಲೆ ಕುಸಿತ; 100 ಗ್ರಾಂ ಖರೀದಿಸಿದರೆ 8,100 ರೂಪಾಯಿವರೆಗೆ ಉಳಿತಾಯ -
ಬೆಂಗಳೂರು ಬಿಸಿನೆಸ್ ಕಾರಿಡಾರ್ ಯೋಜನೆಗೆ ಚಾಲನೆ: ಕಾಮಗಾರಿಗೆ 3,348 ಕೋಟಿ ರೂ ಟೆಂಡರ್ ಆಹ್ವಾನ -
Kerosene: ಎಲ್ಪಿಜಿ ಸಮಸ್ಯೆಗೆ ಕೇಂದ್ರದಿಂದ ಹೊಸ ಪರಿಹಾರ: ಮತ್ತೆ ಸಿಗಲಿದೆ ಸೀಮೆಎಣ್ಣೆ, ಪೆಟ್ರೋಲ್ ಬಂಕ್ಗಳಲ್ಲಿ ವಿತರಣೆ -
Dolly Dhananjay: ಆ ಚಿತ್ರಕಥೆ.. 6 ತಿಂಗಳು ನನ್ನ ಟೇಬಲ್ ಮೇಲೆ ಬಿದ್ದಿತ್ತು: ನಟ ಡಾಲಿ ಧನಂಜಯ್ -
SSLC Maths Exam: ಎಸ್ಎಸ್ಎಲ್ಸಿ ಗಣಿತ ಪರೀಕ್ಷೆಯಲ್ಲಿ ಪಠ್ಯದ ಹೊರತಾದ ಪ್ರಶ್ನೆಗಳ ಆರೋಪ, ಕೃಪಾಂಕಕ್ಕಾಗಿ ಹೆಚ್ಚಿದ ಒತ್ತಾಯ -
ಪರಮಾತ್ಮ ಹೇಳಿದ್ರೂ ಹಿಂದೆ ಸರಿಯಲ್ಲ ಎಂದಿದ್ದ ಕಾಂಗ್ರೆಸ್ನ ಸಾದಿಕ್ ಪೈಲ್ವಾನ್ ನಾಮಪತ್ರ ಹಿಂಪಡೆಯಲು ಇದೆ ಹಲವು ಕಾರಣ
Click it and Unblock the Notifications
Sign in with Google