ಎ.ಸಿ. ಕ್ಯಾಬಿನ್ ಗಳಿಂದ ಹೊರಬನ್ನಿ, ಕೆಲ್ಸ ಮಾಡಿ: ಕೇಜ್ರಿ ಗುಡುಗು

ತುಕ್ಕು ಹಿಡಿದಿರುವ ಆಡಳಿತ ಯಂತ್ರಕ್ಕೆ ಚುರುಕು ಮುಟ್ಟಿಸುವ ಸಲುವಾಗಿ ಅರವಿಂದ್ ಕೇಜ್ರಿವಾಲ್ ಅವರು, ತಮ್ಮ ಸರ್ಕಾರದ ಹಿರಿಯ ಅಧಿಕಾರಿಗಳಿಗೆ ಸೋಮಾರಿತನ ತೊರೆದು ಕೆಲಸ ಮಾಡುವಂತೆ ತಾಕೀತು ಮಾಡಿದ್ದಾರೆ.

ನವದಹೆಲಿ, ಮೇ 31: ಕೆಲಸ ಮಾಡದೇ ಸೋಮಾರಿಗಳಾಗಿರುವ ತಮ್ಮ ಸರ್ಕಾರದ ಅಧಿಕಾರಿಗಳ ವಿರುದ್ಧ ದೆಹಲಿ ಮುಖ್ಯಮಂತ್ರಿ ಗುಟುರು ಹಾಕಿದ್ದಾರೆ. ಈ ಎಲ್ಲಾ ಅಪಮಾನಗಳನ್ನು ಮೀರಿ ಮುಂದಿನ ವಿಧಾನಸಭೆ ಚುನಾವಣೆಯೊಳಗೆ ಪಕ್ಷಕ್ಕೊಂದು ಇಮೇಜ್ ತಂದುಕೊಡುವ ನಿಟ್ಟಿನಲ್ಲಿ ಕೇಜ್ರಿವಾಲ್ ಎಂದಿನಂತೆ ಪ್ರಯತ್ನ ಮುಂದುವರಿಸಿದ್ದಾರೆಂಬುದು ಅವರ ಈ ಆಣತಿಯಿಂದ ಸಾಬೀತಾಗಿದೆ.

ಎಲ್ಲಾ ಉನ್ನತ ಮಟ್ಟದ ಅಧಿಕಾರಿಗಳು ತಮ್ಮ ಹವಾ ನಿಯಂತ್ರಿತ ಕ್ಯಾಬಿನ್ ಗಳಿಂದ ಹೊರಬಂದು ಕೆಳ ಮಟ್ಟದ ಅಧಿಕಾರಿಗಳ ಜತೆ ಸಂಪರ್ಕ ಬೆಳೆಸಬೇಕು. ಚುರುಕಾಗಿ, ಅಚ್ಚುಕಟ್ಟಾಗಿ ಕೆಲಸ ಕಾರ್ಯಗಳನ್ನು ಮಾಡಬೇಕೆಂದು ತಾಕೀತು ಮಾಡಿದ್ದಾರೆ.[ಕಪಿಲ್ ಮಿಶ್ರಾ ಉಚ್ಛಾಟನೆಗೇಕೆ ಕೇಜ್ರಿ ಮುಂದಾಗುತ್ತಿಲ್ಲ?]

ಯಾವುದೇ ಕಾನೂನು, ಶಾಸನಗಳು ಜಾರಿಯಾಗಬೇಕಿದ್ದರೆ ಅಧಿಕಾರಿ ವರ್ಗದ ಸಹಕಾರ, ನಿಷ್ಠೆ ಬೇಕೇ ಬೇಕು. ಹಾಗಾಗಿ, ಅಧಿಕಾರಿಗಳು ತಮ್ಮ ಆಲಸ್ಯವನ್ನು ಬದಿಗೊತ್ತಿ ಬಂದು ಕೆಲಸ ಮಾಡಬೇಕು ಎಂದು ತಿಳಿಸಿದ್ದಾರೆ.[ಅರವಿಂದ್ ಕೇಜ್ರಿವಾಲ್ ಒಬ್ಬ 420 : ಸುಬ್ರಮಣಿಯನ್ ಸ್ವಾಮಿ]

ಇತ್ತೀಚೆಗೆ, ತಮ್ಮ ಪಕ್ಷದಲ್ಲಿನ ಒಡಕು, ಖುದ್ದು ಆಮ್ ಆದ್ಮಿ ಪಾರ್ಟಿ (ಆಪ್) ಸರ್ಕಾರದ ಸಚಿವರುಗಳೇ ಹಗರಣಗಳಲ್ಲಿ ಸಿಲುಕಿ ಹಾಕಿಕೊಂಡಿದ್ದಲ್ಲದೆ, ಖುದ್ದು ಅರವಿಂದ್ ಕೇಜ್ರಿವಾಲ್ ಅವರೇ ಲಂಚ ಆರೋಪಕ್ಕೆ ಗುರಿಯಾಗಿದ್ದರು.

English summary

Delhi Chief Minister Arvind Kejriwal has ordered Delhi's top officials to get out of their air-conditioned chambers and visit field offices to get a sense of the impact that government policies have on the people.