500 ಬಾರಿ Sorry, Sorry, Sorry: ಇದು ಪೊಲೀಸರೇ ಕೊಟ್ಟ ಶಿಕ್ಷೆ!
ಡೆಹರಾಡೂನ್, ಏಪ್ರಿಲ್.13: ಕೊರೊನಾ ವೈರಸ್ ಸೋಂಕು ನಿಯಂತ್ರಣಕ್ಕಾಗಿ ದೇಶಾದ್ಯಂತ ಲಾಕ್ ಡೌನ್ ಘೋಷಿಸಲಾಗಿದೆ. ಮಹಾಮಾರಿಗೆ ಬೆದರಿ ಜನರು ಮನೆಯಲ್ಲೇ ಕುಳಿತಿದ್ದರೆ ಇದರ ಮಧ್ಯೆ ರಸ್ತೆ ರಸ್ತೆ ಸುತ್ತಿದ ವಿದೇಶಿ ಪ್ರಜೆಗೆ ಉತ್ತರಾಖಂಡ್ ಪೊಲೀಸರು ವಿಭಿನ್ನ ರೀತಿ ಶಿಕ್ಷೆ ನೀಡಿದ್ದಾರೆ.
ಉತ್ತರಾಖಂಡ್ ನ ರಿಶಿಕೇಶ್ ನಲ್ಲಿ ಭಾರತ ಲಾಕ್ ಡೌನ್ ನಿಯಮ ಉಲ್ಲಂಘಿಸಿದ ವಿದೇಶಿ ಪ್ರಜೆಯಿಂದ 'I Didn't Follow Lockdown Rules, I Am Sorry' ಎಂದು 500 ಬಾರಿ ಬರೆಸುವ ಮೂಲಕ ವಿಭಿನ್ನ ಶಿಕ್ಷೆಯನ್ನು ನೀಡಿದ್ದಾರೆ.
ಗಂಗಾ ನದಿ ತೀರದಲ್ಲಿ ವಿದೇಶಿ ಪ್ರಜೆಗಳು ಅಲೆದಾಡುತ್ತಿದ್ದರು. ಈ ಹಿನ್ನೆಲೆಯಲ್ಲಿ ಭಾರತ ಲಾಕ್ ಡೌನ್ ನಿಯಮವನ್ನು ಉಲ್ಲಂಘನೆ ಮಾಡಿದ್ದಕ್ಕಾಗಿ ಈ ರೀತಿಯ ಶಿಕ್ಷೆಯನ್ನು ನೀಡಲಾಗಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ಸುಖಾಸುಮ್ಮನೆ ಅಲೆದಾಡಿದ್ದಕ್ಕೂ ಸ್ಪಷ್ಟನೆ:
ಇನ್ನು, ಉತ್ತರಾಖಂಡ್ ನಲ್ಲಿ ಸುಖಾಸುಮ್ಮನೆ ಅಲೆದಾಡುತ್ತಿದ್ದ ವ್ಯಕ್ತಿಯನ್ನು ಪ್ರಶ್ನೆ ಮಾಡಿದಾಗ ತಾನು ಲಾಕ್ ಡೌನ್ ನಿಯಮವನ್ನು ಉಲ್ಲಂಘಿಸಿಲ್ಲ ಎಂದು ವಾದಿಸಿದ್ದಾರೆ. ಅಲ್ಲದೇ ನಿಯಮ ಸಡಲಿಕೆ ವೇಳೆಯಲ್ಲಿ ತಾವು ಹೊರಗಡೆ ಬಂದಿದ್ದೇನೆ ಎಂದಿದ್ದಾರೆ. ಆದರೆ ನಿಯಮ ಸಡಿಲಿಕೆ ಮಾಡುವುದು ಅಗತ್ಯ ವಸ್ತುಗಳ ಖರೀದಿಯ ಉದ್ದೇಶದಿಂದಲೇ ಹೊರತೂ ಸುಖಾಸುಮ್ಮನೆ ತಿರುಗಾಡುವುದಕ್ಕೆ ಅಲ್ಲ ಎಂದು ವಿದೇಶಿ ವ್ಯಕ್ತಿಗೆ ಪೊಲೀಸರು ತಿಳಿ ಹೇಳಿದ್ದಾರೆ. ನಂತರ ಮನೆಯಲ್ಲಿ ಇರುವಂತೆ ಸಲಹೆ ನೀಡಿ ವಿದೇಶಿ ಪ್ರಜೆಯನ್ನು ಪೊಲೀಸರು ಬಿಟ್ಟು ಕಳುಹಿಸಿದ್ದಾರೆ.
Click it and Unblock the Notifications
Sign in with Google