ಅಯೋಧ್ಯೆಗಾಗಿ ಶಸ್ತ್ರ ಹಿಡಿದ ಭಜರಂಗಿಗಳ ವಿರುದ್ಧ ಎಫ್ ಐಆರ್
ಲಕ್ನೋ, ಮೇ 25: ಅಯೋಧ್ಯೆಯಲ್ಲಿ ಸ್ವಯಂ ರಕ್ಷಣೆ ಮತ್ತು ಭಯೋತ್ಪಾದಕರ ವಿರುದ್ಧ ಹೋರಾಡಲು ಭಜರಂಗ ದಳ ಶಸ್ತ್ರಾಸ್ತ್ರ ತರಬೇತಿ ಶಿಬಿರ ಹಮ್ಮಿಕೊಂಡಿದೆ. ಈ ಶಿಬಿರ ಸತ್ಯಾಸತ್ಯತೆ ಬಗ್ಗೆ ತನಿಖೆ ನಡೆಸಿದ ಫೈಜಾಬಾದ್ ಪೊಲೀಸರು, ಕಾರ್ಯಕರ್ತರ ಮೇಲೆ ಪ್ರಕರಣ ದಾಖಲಿಸಿಕೊಂಡು ಎಫ್ ಐಆರ್ ಹಾಕಿದ್ದಾರೆ.
ಸ್ವಯಂ ರಕ್ಷಣೆ ಮತ್ತು ಭಯೋತ್ಪಾದಕರ ವಿರುದ್ಧ ಹೋರಾಡಲು ಅನುಕೂಲವಾಗುವಂತೆ ಶಸ್ತ್ರಾಸ್ತ್ರ ತರಬೇತಿ ಶಿಬಿರ ಹಮ್ಮಿಕೊಳ್ಳಲಾಗಿತ್ತು, ಮೇ 10ರಂದು ನಡೆದಿದ್ದ ಈ ಶಿಬಿರದ ಬಗ್ಗೆ ವಿಡಿಯೋ ಮಾಡಿ ಸಾಮಾಜಿಕ ಜಾಲ ತಾಣಗಳಲ್ಲಿ ಹಂಚಲಾಗಿತ್ತು.
ಸಂಪೂರ್ಣ ಮಿಲಿಟರಿ ತರಬೇತಿ ಮಾದರಿಯಲ್ಲಿ ಶಿಬಿರದಲ್ಲಿ ತರಬೇತಿ ನೀಡಲಾಗಿತ್ತು. ಏರ್ಗನ್ ಬಳಕೆ, ಬೆಂಕಿಯ ರಿಂಗ್ನೊಳಗೆ ಜಿಗಿಯುವುದು, ಈಜುವುದು, ಉದ್ದ ಮತ್ತು ಎತ್ತರ ಜಿಗಿತ, ಉಗ್ರದಾಳಿಯ ಸಂದರ್ಭ ಕೈಗೊಳ್ಳಬೇಕಾದ ಮುನ್ನೆಚ್ಚರಿಕೆ ಬಗ್ಗೆ ಹೇಳಿಕೊಡಲಾಗಿತ್ತು.
ಈ ಶಿಬಿರ ರಾಷ್ಟ್ರರಕ್ಷಣೆಗಾಗಿ, ದುಷ್ಟರನ್ನು ಸದೆಬಡೆಯಲು ಮಾತ್ರ ಎಂದು ಸ್ಪಷ್ಟನೆ ನೀಡಿದ ಭಜರಂಗ ದಳ, ಇದೇ ರೀತಿ ಶಿಬಿರಗಳನ್ನು ಸುಲ್ತಾನ್ಪುರ, ಗೋರಖ್ಪುರ, ಪಿಲಿಭಿತ್, ನೋಯ್ಡಾ, ಗಾಜಿಯಾಬಾದ್ನಲ್ಲೂ ತರಬೇತಿ ನಡೆಸುವುದಾಗಿ ಘೋಷಿಸಿತ್ತು.
ಆದರೆ, ವಿಶ್ವ ಹಿಂದೂಪರಿಷತ್ ನ ಸಂಘಟನೆ ಭಜರಂಗ ದಳ ವಿರುದ್ಧ ಐಪಿಸಿ ಸೆಕ್ಷನ್ 1532-ಎ ಅನ್ವಯ ಪ್ರಕರಣ ದಾಖಲಿಸಿಕೊಂಡಿರುವ ಫೈಜಾಬಾದ್ ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.
Click it and Unblock the Notifications
Sign in with Google