ಅಂತಗ್ರಹ್ ಟೇಪ್ಸ್ ಪ್ರಕರಣ: ಮಾಜಿ ಸಿಎಂ ಅಜಿತ್ ಜೋಗಿ ವಿರುದ್ಧ ಎಫ್ಐಆರ್

ರಾಯ್ ಪುರ್(ಛತ್ತೀಸ್ ಗಢ), ಫೆಬ್ರವರಿ 04: 2014ರ ವಿಧಾನಸಭಾ ಚುನಾವಣೆ ಸಂದರ್ಭದಲ್ಲಿ ನಡೆಸಲಾದ ಅಕ್ರಮಕ್ಕೆ ಸಂಬಂಧಿಸಿದಂತೆ ಛತ್ತೀಸ್ ಗಢದ ಮಾಜಿ ಮುಖ್ಯಮಂತ್ರಿ ಅಜಿತ್ ಜೋಗಿ ವಿರುದ್ಧ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಎಫ್ಐ ಆರ್ ಹಾಕಿದ್ದಾರೆ.

ಕಾಂಗ್ರೆಸ್ಸಿನ ಕಿರಣ್ಮಯಿ ನಾಯಕ್ ಅವರ ದೂರಿನನ್ವಯ ಛತ್ತೀಸ್ ಗಢ ಪೊಲೀಸರು ಈ ಕ್ರಮ ಜರುಗಿಸಿದ್ದಾರೆ. ಅಮಿತ್ ಜೋಗಿ, ಬಿಜೆಪಿ ನಾಯಕ ಹಾಗೂ ಮಾಜಿ ಸಚಿವ ರಾಝೇಶ್ ಮುನಾತ್, ಮಾಂತುರಾಮ್ ಪವಾರ್ ಹಾಗೂ ಮಾಜಿ ಮುಖ್ಯಮಂತ್ರಿ ರಮಣ್ ಸಿಂಗ್ ಅವರ ಅಳಿಯ ಪುನೀತ್ ಗುಪ್ತಾ ಅವರು ಅಂತಗ್ರಹ್ ಆಡಿಯೋ ಸೋರಿಕೆ ಪ್ರಕರಣದ ಆರೋಪಿಗಳಾಗಿದ್ದಾರೆ.

Antargarh tape case: FIR has been registered against ex-CM Ajit Jogi, his son & Janta Congress Chhattisgarh's Amit Jogi, BJP's Rajesh Munat, Manturam Pawar and ex-CM Raman Singh's son-in-law Puneet Gupta. The FIR was lodged by Congress' Kiranmayi Nayak. #Chhattisgarh

— ANI (@ANI) February 4, 2019

2014ರ ಛತ್ತೀಸ್ ಗಢ ವಿಧಾನಸಭಾ ಚುನಾವಣೆ ಸಂದರ್ಭದಲ್ಲಿ ಅಜಿತ್ ಜೋಗಿ ಹಾಗೂ ಅವರ ಪುತ್ರ ಅಮಿತ್ ಮತ್ತು ಗುಪ್ತಾ ನಡುವೆ ಚುನಾವಣಾ ಫಿಕ್ಸಿಂಗ್ ಬಗ್ಗೆ ಮಾತುಕತೆ ನಡೆದಿತ್ತು. ಮಂತುರಾಮ್ ಪವಾರ್ ಅವರು ಬುಡಕಟ್ಟು ಜನಾಂಗದ ನಾಯಕರಾಗಿದ್ದು, ಅಂತಗ್ರಹ್ ವಿಧಾನಸಭಾ ಕ್ಷೇತ್ರ(ಎಸ್ ಟಿ) ದಿಂದ ಸ್ಪರ್ಧೆಗಿಳಿದಿದ್ದರು.

ಆದರೆ, ಜೋಗಿ ಅವರು ಫಿಕ್ಸಿಂಗ್ ಮೂಲಕ ಚುನಾವಣೆ ಫಲಿತಾಂಶ ಬದಲಾವಣೆಗೆ ಕಾರಣರಾಗಿದ್ದರು. ಕೊನೆ ಕ್ಷಣದಲ್ಲಿ ಅಭ್ಯರ್ಥಿಯು ಕಣದಿಂದ ಹಿಂದಕ್ಕೆ ಸರಿಯುವ ಮೂಲಕ ಬಿಜೆಪಿಗೆ ಜಯ ಲಭಿಸುವಂತೆ ಮಾಡಿದ್ದರು. ಸದ್ಯ ಮಂತುರಾಮ್ ಪವಾರ್ ಅವರು ಕಾಂಗ್ರೆಸ್ ತೊರೆದು ಬಿಜೆಪಿ ಸೇರಿದ್ದಾರೆ.

ಜೋಗಿ ಅವರ ಚುನಾವಣಾ ಅಕ್ರಮದ ಬಗ್ಗೆ ಕಾಂಗ್ರೆಸ್ಸಿಗ ಕಿರಣ್ಮಯಿ ನಾಯಕ್ ಅವರು ಪಂಡ್ರಿ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದರು. ಐಪಿಸಿ ಸೆಕ್ಷನ್ 406, 420 ಅನ್ವಯ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರೆದಿದೆ.

English summary

An FIR has been registered against former Chhattisgarh Chief Minister Ajit Jogi, his son Amit Jogi, BJP leader and former minister Rajesh Munat, Manturam Pawar and former Chief Minister Raman Singh's son-in-law Puneet Gupta in the Antagarh tape scam case.