Fact Check: ಪ್ರಧಾನಿ ಮೋದಿ ಅಭಿನಂದಿಸಲು 5 ನಿಮಿಷ ಎದ್ದುನಿಲ್ಲಬೇಕೆ?
ನವದೆಹಲಿ, ಏಪ್ರಿಲ್ 8: ಮನೆಯ ಹೊರಗಡೆ ಬಂದು ಚಪ್ಪಾಳೆ ತಟ್ಟಿದ್ದ ಹೌದು, ದೀಪ ಇಟ್ಟಿದ್ದೂ ಹೌದು ಆದರೆ ಐದು ನಿಮಿಷ ಮನೆಯಲ್ಲೇ ನಿಂತು ನರೇಂದ್ರ ಮೋದಿಗೆ ಗೌರವ ಸೂಚಿಸಿ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಓಡಾಡುತ್ತಿರುವ ಸುದ್ದಿ ಮಾತ್ರ ಸುಳ್ಳು.
ಕೊರೊನಾ ವೈರಸ್ ವಿರುದ್ಧ ಹೋರಾಡಲು ಏಪ್ರಿಲ್ 12 ರಂದು ಭಾನುವಾರ 5 ನಿಮಿಷಗಳ ಕಾಲ ಎದ್ದು ನಿಂತು ನರೇಂದ್ರ ಮೋದಿಯವರಿಗೆ ಅಭಿನಂದನೆ ಸೂಚಿಸಿ ಎಂದು ಎಲ್ಲೆಡೆ ಪೋಸ್ಟರ್ಗಳು ಹರಿದಾಡುತ್ತಿವೆ.
ಆದರೆ ಈ ಸುದ್ದಿ ಸುಳ್ಳು, ಮೋದಿ ಅವರ ಭಾವಚಿತ್ರವಿರುವ ಪೋಸ್ಟರ್ ಒಂದು ಹರಿದಾಡುತ್ತಿದ್ದು, ಅದರಲ್ಲಿ ಏಪ್ರಿಲ್ 12ರಂದು ಸಂಜೆ 5 ಗಂಟೆಯ ವೇಳೆಗೆ ಎಲ್ಲರೂ ಎದ್ದು ನಿಂತು ಗೌರವ ಸೂಚಿಸಿ ಎಂದು ಬರೆಯಲಾಗಿದೆ.
ಪ್ರಸಾರ ಭಾರತಿ ನ್ಯೂಸ್ ಸರ್ವೀಸ್ ನಡೆಸಿದ ಫ್ಯಾಕ್ಟ್ ಚೆಕ್ನಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಈ ರೀತಿಯ ಪೋಸ್ಟರ್ಗಳು ಹರಿದಾಡುತ್ತಿದ್ದು, ಯಾವುದೇ ಕಾರಣಕ್ಕೂ ಜನರು ಇಂತಹ ಸುದ್ದಿಗಳ ಕಡೆಗೆ ಗಮನ ಕೊಡಬೇಡಿ ಎಂದು ಮನವಿ ಮಾಡಲಾಗಿದೆ.
ಸುಖಾಸುಮ್ಮನೆ ಮೋದಿಯವರ ಹೆಸರನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಎಳೆದು ತರಲಾಗುತ್ತಿದೆ. ' ನಿಜವಾಗಿಯೂ ನಿಮಗೆ ಗೌರವ ಸೂಚಿಸಬೇಕೆಂದರೆ ಬಡ ಕುಟುಂಬಗಳಿಗೆ ಸಹಾಯ ಮಾಡಿ, ಇದಕ್ಕಿಂತ ದೊಡ್ಡ ಗೌರವ ಮತ್ತೊಂದಿಲ್ಲ' ಎಂದು ಮೋದಿ ಹೇಳಿದ್ದಾರೆ.
ದಿನದಿಂದ ದಿನಕ್ಕೆ ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿದೆ. ಅದರ ಜೊತೆಗೆ ಕೊರೊನಾ ಬಗ್ಗೆ ಸುಳ್ಳು ಸುದ್ದಿ ಹಬ್ಬಿಸುವವರ ಸಂಖ್ಯೆಯೂ ಏರಿಕೆಯಾಗಿದೆ.
Click it and Unblock the Notifications
Sign in with Google