18 ವರ್ಷದ ಯುವಕನ 18 ಸೆಂ.ಮೀ ಉದ್ದದ ಬಾಲ ಕಟ್!

ನಾಗ್ಪುರ, ಅಕ್ಟೋಬರ್ 05: ಸುಮಾರು 18 ಸೆಂಟಿ ಮೀಟರ್ ಉದ್ದದ ಬಾಲ ಹೊಂದಿದ್ದ 18 ವರ್ಷದ ಯುವಕನಿಗೆ ಕೊನೆಗೂ ಬಾಲದಿಂದ ಮುಕ್ತಿ ಸಿಕ್ಕಿದೆ. ನಾಗಪುರದ ವೈದ್ಯರು ಯಶಸ್ವಿ ಶಸ್ತ್ರಚಿಕಿತ್ಸೆ ನಡೆಸಿ ಬಾಲ ಕಟ್ ಮಾಡಿದ್ದಾರೆ.

ಹುಟ್ಟಿದ ದಿನದಿಂದಲೇ ಬಾಲ ಬೆಳೆಯುತ್ತಿದ್ದ ಈ ಬಾಲದಿಂದ ಯುವಕ ಮುಜುಗರಕ್ಕೆ ಒಳಗಾಗಿದ್ದ. ಆದರೆ, ಇಷ್ಟು ಉದ್ದ ಬೆಳೆದರೂ ಆತನ ಕುಟುಂಬದವರು ವೈದ್ಯರನ್ನು ಸಂರ್ಪಸಿರಲಿಲ್ಲ. ಆದರೆ, ಇತ್ತೀಚೆಗೆ ಬಾಲದಿಂದ ತೀವ್ರ ನೋವು ಕಾಣಿಸಿಕೊಂಡ ಪರಿಣಾಮ ಕೊನೆಗೂ ವೈದ್ಯರ ನೆರವು ಕೋರಿದ್ದಾರೆ.

ನಾಗ್ಪುರದ ಸರ್ಕಾರಿ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆಯ ನರರೋಗ ತಜ್ಞರ ತಂಡ ಯಶಸ್ವಿಯಾಗಿ ಶಸ್ತ್ರಚಿಕಿತ್ಸೆ ನಡೆಸಿ ಬಾಲವನ್ನು ತೆಗೆದು ಹಾಕಿದೆ ಎಂದು ವಿಭಾಗದ ಮುಖ್ಯಸ್ಥ ಡಾ. ಪ್ರಮೋದ್ ಗಿರಿ ಹೇಳಿದ್ದಾರೆ.

Nagpur: Neurosurgeons at the government Super Specialty Hospital (SSH) successfully removed a 18cm long human 'tail', from the back of a boy pic.twitter.com/aG70tnn1sr

— ANI (@ANI_news) October 5, 2016

ಬಾಲ ದೊಡ್ಡದಾಗಿ ಬೆಳೆದಂತೆ ಬಾಲದಲ್ಲಿ ಮೂಳೆಗಳ ಬೆಳವಣಿಗೆ ಆಗುತ್ತದೆ. ಬಾಲದ ಮೂಳೆ ಯುವಕನ ಬೆನ್ನಿಗೆ ಚುಚ್ಚುತ್ತಿದ್ದ ಪರಿಣಾಮ ಆತನಿಗೆ ಅಸಾಧ್ಯ ನೋವು ಕಾಣಿಸಿಕೊಂಡಿತ್ತು. ಬೆನ್ನುಹುರಿ, ಕೈಕಾಲು ನೋವು, ಜಠರ ಬೇನೆ ಹೀಗೆ ಎಲ್ಲಾ ರೀತಿ ಸಮಸ್ಯೆಗಳನ್ನು ಸಣ್ಣ ಬಾಲ ತಂದೊಡ್ಡಬಲ್ಲದು ಎಂದು ಡಾ. ಗಿರಿ ವಿವರಿಸಿದ್ದಾರೆ.

ಡಾ ಗಿರಿ, ಡಾ. ದಿವಿಕ್ ಮಿತ್ತಲ್ ತಂಡಕ್ಕೆ ಡಾ ವಿವೇಕ್ ಅಗರವಾಲ್, ಡಾ. ಲೂಲು ಫತೇಮಾ ವಾಲಿ, ಡಾ. ಅಭಯ್ ಹಾಗೂ ಡಾ ವೈಭವ್ ಚೌಹಾಣ್ ತಂಡ ಸಾಥ್ ನೀಡಿ ಈ ಅಪರೂಪದ ಶಸ್ತ್ರಚಿಕಿತ್ಸೆಯನ್ನು ಯಶಸ್ವಿಗೊಳಿಸಿದ್ದಾರೆ. (ಪಿಟಿಐ)

English summary

A team of neurosurgeons at the government Super Specialty Hospital (SSH) here have successfully removed a 18-cm long human ‘tail’, apparently the longest recorded so far, from the back of a teenaged boy after its abnormal growth turned painful for him.