ಕೊರೊನಾ ಲಸಿಕೆ ತಾಲೀಮು: 83 ಕೋಟಿ ಸಿರಿಂಜ್ ಖರೀದಿಗೆ ಮುಂದಾದ ಭಾರತ
ನವದೆಹಲಿ,ಜನವರಿ 01: ದೇಶಾದ್ಯಂತ ಕೊರೊನಾ ಲಸಿಕೆ ತಾಲೀಮು ನಡೆಯುತ್ತಿರುವ ಹಿನ್ನೆಲೆಯಲ್ಲಿ 83 ಕೋಟಿ ಸಿರಿಂಜ್ ಖರೀದಿಗೆ ಭಾರತ ಮುಂದಾಗಿದೆ.
ಸ್ಟೋರೇಜ್ ವಿತರಣಾ ಕೇಂದ್ರಕ್ಕೆ ಲಸಿಕೆ ಸಾಗಾಟ ಪ್ರಕ್ರಿಯೆ, ಲಸಿಕೆ ನೀಡಿಕೆ, ಕೋ-ವಿನ್ ಅಪ್ಲಿಕೇಷನ್ನಲ್ಲಿ ನೋಂದಣಿ, ಬೂತ್ಗಳಲ್ಲಿ ಜನಸಂದಣಿ ನಿಯಂತ್ರಣ ಸಾಮಾಜಿಕ ಅಂತರ ಕಾಪಾಡುವ ಬಗ್ಗೆಯೂ ಜಾಗೃತಿ ಮೂಡಿಸಲಾಗುತ್ತದೆ.
ಭಾರತದಲ್ಲಿ ಹೊಸದಾಗಿ 20,036 ಕೊರೊನಾ ಸೋಂಕಿತರು ಪತ್ತೆ
ಲಸಿಕೆಗೆ ಕೌಂಟ್ಡೌನ್ ಶುರುವಾಗಿರುವಾಗಲೇ 83 ಕೋಟಿ ಸಿರಿಂಜ್ ಖರೀದಿಗೆ ಕೇಂದ್ರ ಸರ್ಕಾರ ಮುಂದಾಗಿದೆ. ಈ ಕುರಿತು 35 ಕೋಟಿ ಸಿರಿಂಜ್ ಖರೀದಿಗೆ ಬಿಡ್ ಕೂಡಾ ಕರೆದಿದೆ. ಜತೆಗೆ ಬಳಸಿದ ಸಿರಿಂಜ್ ನಿಷ್ಕ್ರಿಯಕ್ಕೂ ಯೋಜನೆ ರೂಪಿಸಲಾಗಿದೆ.
ಲಸಿಕೆಯ ಜಾರಿಗೆ ಪರಿಣಾಮಕಾರಿ ಸಿದ್ಧತೆ ಖಚಿತಪಡಿಸಿಕೊಳ್ಳುವಂತೆ ಎಲ್ಲಾ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೂ ಸರ್ಕಾರ ಸೂಚಿಸಿದೆ. ಆರೋಗ್ಯ ಸಚಿವಾಲಯದ ಪ್ರಕಾರ, ಈ ಚಟುವಟಿಕೆಯನ್ನು ಎಲ್ಲಾ ರಾಜ್ಯ ರಾಜಧಾನಿಗಳಲ್ಲಿ ಕನಿಷ್ಠ ಮೂರು ಸೆಷನ್ ಸ್ಥಳಗಳಲ್ಲಿ ತಾಲೀಮು ನಡೆಸಲು ಉದ್ದೇಶಿಸಲಾಗಿದೆ. ಕಠಿಣ ಪ್ರದೇಶದಲ್ಲಿ ನೆಲೆಗೊಂಡ ಕೆಲವು ರಾಜ್ಯಗಳು ಹಾಗೂ ಕಳಪೆ ಲಾಜಿಸ್ಟಿಕ್ ಹೊಂದಿರುವ ಜಿಲ್ಲೆಗಳು ಸಹ ಒಳಗೊಂಡಿವೆ.
ಕೊವಿಡ್-19 ಲಸಿಕೆಯ ಸಿದ್ಧತೆಯನ್ನು ಸೆಷನ್ ಸೈಟ್ಗಳಲ್ಲಿ ಪರಾಮರ್ಶಿಸಲು ಉನ್ನತ ಮಟ್ಟದ ಸಭೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಕೇಂದ್ರ ಆರೋಗ್ಯ ಕಾರ್ಯದರ್ಶಿ ರಾಜೇಶ್ ಭೂಷಣ್ ಅವರ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯಲ್ಲಿ, ವಿಡಿಯೋ ಕಾನ್ಫರೆನ್ಸ್ ಮೂಲಕ ಎಲ್ಲಾ ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶದ ಆರೋಗ್ಯ ಅಧಿಕಾರಿಗಳು (ಆರೋಗ್ಯ), ಎನ್ಎಚ್ಎಂ ಮತ್ತು ಇತರ ಆರೋಗ್ಯ ನಿರ್ವಾಹಕರು ಭಾಗವಹಿಸಿದ್ದರು.
ದೇಶದಾದ್ಯಂತ ಲಸಿಕೆಯನ್ನು ಜಾರಿಗೆ ತರಲು ಸಿದ್ಧತೆ ಮಾಡುವ ಉದ್ದೇಶಸಲಾಗಿದೆ. ಕೇಂದ್ರವು 83 ಕೋಟಿ ಸಿರಿಂಜ್ ಸಂಗ್ರಹಿಸುತ್ತಿದೆ.
Recommended Video