ಲಕ್ಷಣವಿಲ್ಲದೆ ಕೊರೊನಾ ಸೋಂಕು ಕುಟುಂಬಕ್ಕೆ ಸುಲಭವಾಗಿ ಹರಡಬಲ್ಲದು

Updated: Friday, June 19, 2020, 12:16 [IST]

ನವದೆಹಲಿ, ಜೂನ್ 19:ಕೊರೊನಾ ಸೋಂಕಿತನಿಗೆ ರೋಗದ ಯಾವುದೇ ಲಕ್ಷಣಗಳಿಲ್ಲದಿದ್ದರೂ ಕುಟುಂಬದಲ್ಲಿ ಒಬ್ಬರಿಂದೊಬ್ಬರಿಗೆ ಸುಲಭವಾಗಿ ಹರಡಬಲ್ಲದು ಎಂಬ ವರದಿ ಲಭ್ಯವಾಗಿದೆ. ರೋಗ ಲಕ್ಷಣಗಳು ಕಾಣಿಸಿಕೊಳ್ಳುವ ಮುನ್ನವೇ ವ್ಯಕ್ತಿಯಲ್ಲಿ ಕರೊನಾ ಸೋಂಕು ಇರುತ್ತದೆ. ಬಳಿಕ ಆತ ರೋಗಕ್ಕೆ ಒಳಗಾಗುವ ಮುಂಚೆಯೇ ಕುಟುಂಬದಲ್ಲಿಯೂ ವೈರಸ್ ವೇಗವಾಗಿ ಹರಡಿರುತ್ತದೆ.

ಒಟ್ಟಿಗೆ ವಾಸಿಸುವ ಕುಟುಂಬ

ಈ ಡೇಟಾದಲ್ಲಿ ಒಟ್ಟಿಗೆ ವಾಸ ಮಾಡುವ, ಒಂದೇ ವಿಳಾಸದಲ್ಲಿ ವಾಸವಿರದ ಕುಟುಂಬಗಳು ಮತ್ತು ಸಹ ಕೆಲಸಗಾರರು ಹಾಗೂ ಸ್ನೇಹಿತರನ್ನು ಒಳಗೊಂಡ ಕುಟುಂಬೇತರ ವ್ಯಕ್ತಿಗಳಿದ್ದಾರೆ.

ರೋಗಿಯ ಪ್ರಾಥಮಿಕ ಸಂಪರ್ಕ

ಅಧ್ಯಯನದಿಂದ ಬಹಿರಂಗವಾಗಿದ್ದೇನೆಂದರೆ ಬಹುತೇಕ ಕುಟುಂಬದವರೇ ಕೊರೊನಾ ರೋಗಿಯ ಸೋಂಕಿನ ಪ್ರಾಥಮಿಕ ಸಂಪರ್ಕವೆಂದು ತಿಳಿದುಬಂದಿದೆ. ಹೆಚ್ಚು ವೈರಸ್ ಸ್ಪೋಟಗೊಂಡಷ್ಟು ಹೆಚ್ಚು ಸೋಂಕಿತರಾಗುತ್ತಾರೆ. ಅದರ ಪ್ರಭಾವವು ಸಹ ಬಹಳಷ್ಟಿರುತ್ತದೆ.

ಗಾಳಿಯಲ್ಲಿ ಉಸಿರಾಟದ ದ್ರವ

ಹೀಗಾಗಿ ದೊಡ್ಡ ಕುಟುಂಬಗಳಾಗಿದ್ದರೆ ಉಸಿರಾಟದ ದ್ರವವು ಗಾಳಿಯಲ್ಲಿ ಹೆಚ್ಚು ಕಾಲ ಉಳಿಯುವುದರಿಂದ ಇತರರಿಗೆ ಬೇಗ ಸೋಂಕು ತಗಲುತ್ತದೆ ಎಂದು ಹೈದರಾಬಾದ್ನ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಪಬ್ಲಿಕ್ ಹೆಲ್ತ್ನ ಪ್ರಾಧ್ಯಾಪಕರಾದ ಡಾ. ವಿ ರಮಣ ಧಾರ ತಿಳಿಸಿದ್ದಾರೆ. ಅದರಲ್ಲೂ 60 ವರ್ಷ ವಯಸ್ಸಿನವರಿಗೆ ಹೆಚ್ಚು ಅಪಾಯವಿದೆ ಎಂದು ಅಧ್ಯಯನ ತಿಳಿಸಿದೆ. ಲ್ಯಾನ್ಸೆಟ್ ಸಾಂಕ್ರಾಮಿಕ ರೋಗ ಜನರ್ಲ್ನಲ್ಲಿ ಅಧ್ಯಯನದ ವರದಿ ಪ್ರಕಟವಾಗಿದೆ.

ಸರಿಯಾದ ಸಮಯಕ್ಕೆ ಪತ್ತೆ ಹಚ್ಚಬೇಕು

ಸೋಂಕು ಕುಟುಂಬದೊಳಗೆ ಪ್ರಸರಣವಾಗುವ ಸರಪಳಿಯನ್ನು ಸರಿಯಾದ ಸಮಯಕ್ಕೆ ಪತ್ತೆಹಚ್ಚಿ, ಸಂಪರ್ಕದಲ್ಲಿರುವವರನ್ನು ಕ್ವಾರಂಟೈನ್ ಮಾಡುವ ಮೂಲಕ ಹೊಸ ವೈರಸ್ ಹುಟ್ಟನ್ನು ತಡೆಯಬಹುದೆಂದು ಅಧ್ಯಯನದಲ್ಲಿ ಸಲಹೆ ನೀಡಲಾಗಿದೆ.