ಸರ್ಕಾರಿ ಕಾಲೇಜಿನ ವಿದ್ಯಾರ್ಥಿಗೆ ಗೂಗಲ್ ನಿಂದ ಭರ್ಜರಿ ಆಫರ್
ಚಂಡೀಗಢ, ಜುಲೈ 31: ಸರ್ಕಾರಿ ಕಾಲೇಜಿನಲ್ಲಿ ದ್ವಿತೀಯ ಪಿಯು ಓದುತ್ತಿರುವ ಚಂಡೀಗಢದ ವಿದ್ಯಾರ್ಥಿಯೊಬ್ಬ ಸರ್ಚ್ ಇಂಜಿನ್ ದೈತ್ಯ ಗೂಗಲ್ ನಲ್ಲಿ ಉದ್ಯೋಗ ಗಿಟ್ಟಿಸಿಕೊಂಡಿದ್ದಾನೆ.
ತನ್ನ ಕನಸಿನ ಉದ್ಯೋಗ ಪಡೆದಿರುವ ಹರ್ಷಿತ್, ಗೂಗಲ್ ನಲ್ಲಿ ಗ್ರಾಫಿಕ್ ಡಿಸೈನರ್ ಆಗಿ ಒಂದು ವರ್ಷದ ಅವಧಿಗೆ ತರಬೇತಿ ಪಡೆಯಲಿದ್ದಾನೆ. ಸರ್ಕಾರಿ ಶಾಲೆಯಲ್ಲೇ ಎಸೆಸ್ಸೆಲ್ಸಿ ತನಕ ಓದಿರುವ ಹರ್ಷಿತ್ , ಗ್ರಾಫಿಕ್ ಡಿಸೈನಿಂಗ್ ನಲ್ಲಿ ಸ್ವಯಂ ಆಸಕ್ತಿ ಬೆಳೆಸಿಕೊಂಡು ಕಲಿತಿದ್ದಾನೆ.
ನನ್ನ ಅಂಕಲ್ ಒಬ್ಬರು ಸಾಫ್ಟ್ ವೇರ್ ಬಗ್ಗೆ ತಿಳಿಸಿಕೊಟ್ಟರು. ಯಾವುದೇ ಶಿಕ್ಷಣ ಸಂಸ್ಥೆಗೆ ಹೋಗಿ ನಾನು ಗ್ರಾಫಿಕ್ ಡಿಸೈನ್ ಕಲಿತಿಲ್ಲ ಎಂದು ಹರ್ಷಿತ್ ಹೇಳಿದ್ದಾನೆ. ಆಗಸ್ಟ್ 7ರಂದು ಕ್ಯಾಲಿಫೋರ್ನಿಯಾಗೆ ಹೋಗಲಿದ್ದು, ತರಬೇತಿ ನಂತರ 12 ಲಕ್ಷ ರು ನಷ್ಟು ಸಂಬಳ ಪ್ರತಿ ತಿಂಗಳು ಪಡೆಯಲಿದ್ದಾನೆ.
ಸಿನಿಮಾ ಪೋಸ್ಟರ್ ಹುಚ್ಚು: ಶಾಲಾದಿನಗಳಲ್ಲಿ ಬಾಲಿವುಡ್ ಹಾಗೂ ಹಾಲಿವುಡ್ ಸ್ಟಾರ್ ನಟ, ನಟಿಯರ ಚಿತ್ರಗಳ ಆಕರ್ಷಕ ಪೋಸ್ಟರ್ ವಿನ್ಯಾಸಗೊಳಿಸಿ 4 ರಿಂದ 5 ಸಾವಿರ ರು ಗಳಿಸುತ್ತಿದ್ದ ಹರ್ಷಿತ್ ಗೆ ಗೂಗಲ್ ನಲ್ಲಿ ಉದ್ಯೋಗ ಇರುವುದು ತಿಳಿದ ಕೂಡಲೇ ಅರ್ಜಿ ಹಾಕಿದ್ದಾನೆ. ಜೂನ್ ತಿಂಗಳಿನಲ್ಲಿ ನೇಮಕಾತಿಯಾಗಿರುವ ಬಗ್ಗೆ ಪತ್ರ ಬಂದಿದೆ.
Click it and Unblock the Notifications
Sign in with Google