ದೆಹಲಿಯಲ್ಲಿ ಆಟೋ ಪ್ರಯಾಣ ದರ ಏರಿಕೆ, ಕಿಮೀಗೆ ಎಷ್ಟು ಗೊತ್ತಾ?
ನವದೆಹಲಿ, ಜನವರಿ 11: ಹೆಚ್ಚುತ್ತಿರುವ ಹಣದುಬ್ಬರದ ಹಿನ್ನೆಲೆ ಆಟೋ ಮತ್ತು ಟ್ಯಾಕ್ಸಿ ಮಾಲೀಕರಿಗೆ ನೆರವಾಗಲು ದೆಹಲಿ ಸರ್ಕಾರವು ಜನವರಿ 11 ರಂದು ಆಟೋ- ಟ್ಯಾಕ್ಸಿಗಳ ಹೊಸ ಪ್ರಯಾಣ ದರಗಳನ್ನು ಪ್ರಕಟಿಸಿದೆ.
ಸರ್ಕಾರದ ಮೂಲಗಳ ಪ್ರಕಾರ, ಆಟೋ ಬಾಡಿಗೆ ಮೀಟರ್ ಈಗಿರುವ ₹ 25ರ ಬದಲು ₹ 30ಕ್ಕೆ ಏರಿಕೆಯಾಗುತ್ತದೆ ಮತ್ತು ಅದರ ನಂತರ ಪ್ರತಿ ಕಿಲೋ ಮೀಟರ್ಗೆ ಪ್ರಯಾಣ ದರವು ₹ 9.5 ರ ಬದಲು ₹ 11 ರೂಪಾಯಿಗೆ ಏರಿಕೆ ಆಗಿರುತ್ತದೆ ಎಂದು ತಿಳಿಸಲಾಗಿದೆ.
ಇದಲ್ಲದೆ, ಪ್ರಯಾಣಿಕರು ಇನ್ನು ಮುಂದೆ ಕನಿಷ್ಠ ₹ 40 ದರದ ನಂತರ ಎಸಿ ರಹಿತ ಟ್ಯಾಕ್ಸಿಗಳಿಗೆ ಪ್ರತಿ ಕಿಲೋಮೀಟರ್ಗೆ ₹ 17 ಪಾವತಿಸಬೇಕಾಗುತ್ತದೆ ಎಂದು ತಿಳಿಸಲಾಗಿದೆ. ಸಾರಿಗೆ ಸಚಿವಾಲಯ ಹೊರಡಿಸಿದ ಅಧಿಸೂಚನೆಯ ಪ್ರಕಾರ, ರಾತ್ರಿಯ ಶುಲ್ಕಗಳು ರಾತ್ರಿ 11ರಿಂದ ಬೆಳಿಗ್ಗೆ 5ರವರೆಗಿನ ಪ್ರಯಾಣಕ್ಕೆ ಆಟೋ ರಿಕ್ಷಾಗೆ ಶುಲ್ಕದ ಶೇಕಡಾ 25 ರಷ್ಟು ಹೆಚ್ಚುವರಿಯಾಗಿರುತ್ತದೆ. ಟ್ರಾಫಿಕ್ನಲ್ಲಿ ಪ್ರತಿ ನಿಮಿಷಕ್ಕೆ ವೇಟಿಂಗ್ ಶುಲ್ಕ 75 ಪೈಸೆ ಹೆಚ್ಚಳ ಹಾಗೂ 'ಶಾಪಿಂಗ್ ಲಗೇಜ್ ಬ್ಯಾಗ್ ಅಥವಾ ಸಣ್ಣ ಸೂಟ್ಕೇಸ್ ಸೇರಿದಂತೆ ಪ್ರತಿ ಬ್ಯಾಗಿಗೆ ₹10 ಹೆಚ್ಚಳ ಮಾಡಲಾಗಿದೆ.
ದೆಹಲಿಯ ಟ್ಯಾಕ್ಸಿಗಳಿಗೆ (ಎಸಿ ಮತ್ತು ನಾನ್-ಎಸಿ) ರಾತ್ರಿಯ ಶುಲ್ಕಗಳು ಆಟೋ ರಿಕ್ಷಾಗಳಂತೆಯೇ ಇರುತ್ತದೆ. ಕಾಯುವ ಶುಲ್ಕವನ್ನು ಪ್ರತಿ ನಿಮಿಷಕ್ಕೆ ₹1 ಮತ್ತು ಲಗೇಜ್ ಶುಲ್ಕಗಳು (ಅದೇ ವಿನಾಯಿತಿಗಳೊಂದಿಗೆ) ಪ್ರತಿ ಬ್ಯಾಗಿಗೆ ₹15 ಕ್ಕೆ ನಿಗದಿಪಡಿಸಲಾಗಿದೆ. ಮೊದಲು ಈ ಶುಲ್ಕ ಪ್ರತಿ ಕಿಲೋಮೀಟರ್ಗೆ ₹ 14 ಇತ್ತು. ಎಸಿ ಟ್ಯಾಕ್ಸಿ ದರವನ್ನು ಕಿ.ಮೀಗೆ ₹16 ರಿಂದ ₹20ಕ್ಕೆ ಹೆಚ್ಚಿಸಲಾಗಿದೆ.
ಆಟೋ ಪ್ರಯಾಣ ದರಗಳ ಹೆಚ್ಚಳವು ಒಕ್ಕೂಟಗಳ ದೀರ್ಘಕಾಲದ ಬೇಡಿಕೆಯಾಗಿತ್ತು. 2020ರಲ್ಲಿ ಆಟೋ ಪ್ರಯಾಣ ದರಗಳಿಗೆ ಕೊನೆಯ ಪರಿಷ್ಕರಣೆ ಮಾಡಲಾಯಿತು. ಆದರೆ ಟ್ಯಾಕ್ಸಿಗಳ ದರಗಳು (ಕಪ್ಪು ಮತ್ತು ಹಳದಿ, ಆರ್ಥಿಕತೆ ಮತ್ತು ಪ್ರೀಮಿಯಂ) 2013 ರಲ್ಲಿ ನಡೆಯಿತು. 2022ರ ಅಕ್ಟೋಬರ್ನಲ್ಲಿ ದೆಹಲಿ ಸಾರಿಗೆ ಸಚಿವ ಕೈಲಾಶ್ ಗಹ್ಲೋಟ್, "ಸಿಎನ್ಜಿ ಆಟೋಗಳು ಮತ್ತು ಟ್ಯಾಕ್ಸಿಗಳು ಕಡಿಮೆ ಕಿಲೋಮೀಟರ್ಗಳಿಗೆ ಆಟೋ ಓಡಿಸಲು ಕಾರಣವಾಯಿತು. ಇದು ಪೂರೈಕೆಯ ಮೇಲೆ ಪರಿಣಾಮ ಬೀರಿತು. ಪರಿಷ್ಕೃತ ದರಗಳು ಕುಟುಂಬಗಳನ್ನು ಪೊರೆಯಲು ಮತ್ತು ಪ್ರಯಾಣಿಕರಿಗೆ ಅನುಕೂಲವನ್ನು ಒದಗಿಸಲು ಸಹಾಯ ಮಾಡುತ್ತದೆ ಎಂದು ಹೇಳಿದರು.
ಅಂದಾಜಿನ ಪ್ರಕಾರ ದೆಹಲಿಯಲ್ಲಿ ಸುಮಾರು 93,00 ಆಟೋಗಳು ಮತ್ತು 80,000 ಟ್ಯಾಕ್ಸಿಗಳಿವೆ. ಇದು ನಗರದ ಯೋಜನೆಯಡಿಯಲ್ಲಿ ಬರದ ಓಲಾ ಮತ್ತು ಉಬರ್ನಂತಹ ಕ್ಯಾಬ್ ಅಗ್ರಿಗೇಟರ್ಗಳನ್ನು ಹೊರತುಪಡಿಸಿರುತ್ತದೆ ಎನ್ನಲಾಗಿದೆ.
-
Rain: ಮುಂದಿನ 3 ಗಂಟೆಗಳಲ್ಲಿ ಕರ್ನಾಟಕದ 13 ಜಿಲ್ಲೆಗಳಲ್ಲಿ ಗುಡುಗು ಸಹಿತ ಮಳೆ: ಹವಾಮಾನ ಇಲಾಖೆ -
Gold Rate: ಬೆಂಗಳೂರು ಸೇರಿದಂತೆ ವಿವಿಧ ನಗರಗಳಲ್ಲಿ ಎಷ್ಟಿದೆ 22 ಕ್ಯಾರಟ್ ಚಿನ್ನದ ದರ? -
SSLC ವಿಜ್ಞಾನ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು? ತಜ್ಞರು ಹಾಗೂ ವಿದ್ಯಾರ್ಥಿಗಳು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Bengaluru Second Airport: ಬೆಂಗಳೂರು ಎರಡನೇ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ: ಜಾಗ ಆಯ್ಕೆ ಕರ್ನಾಟಕಕ್ಕೆ ಬಿಟ್ಟ ಕೇಂದ್ರ -
Bengaluru Viral: ಆಟೋ ಚಾಲಕನ ಕ್ರಿಯೇಟಿವಿಟಿಗೆ ಬೆಂಗಳೂರು ನಿಜಕ್ಕೂ ಸೃಜನಶೀಲ ನಗರ ಎಂದ ನೆಟ್ಟಿಗರು -
Bengaluru Property: ಬೆಂಗಳೂರಿನ ಪ್ರಾಪರ್ಟಿ, ನಿರ್ಮಾಣ ಹಂತದ ಕಟ್ಟಡ - ರಿಯಲ್ ಎಸ್ಟೇಟ್ಗೆ ಏಕಾಏಕಿ ಪೆಟ್ಟು -
Gold Price: ಇಳಿಕೆಯತ್ತ ಚಿನ್ನ, ಬೆಳ್ಳಿ ಬೆಲೆ: ಇಂದಿನ ದರವೆಷ್ಟು? ಇಲ್ಲಿದೆ ಮಾಹಿತಿ -
Weekly Horoscope March 23-29: ಯಾರಿಗೆ ಲಾಭ, ಯಾರಿಗೆ ಸವಾಲು? ಸಂಪೂರ್ಣ ವಿವರ ಇಲ್ಲಿದೆ -
Bengaluru Property: ಬೆಂಗಳೂರಿನ ಆಸ್ತಿದಾರರೇ ನಿಮ್ಮ ಆಸ್ತಿ ಉಳಿಸಿಕೊಳ್ಳಲು ಕೊನೆಯ ಅವಕಾಶ: ಈ ಎಚ್ಚರಿಕೆ ಯಾರಿಗೆಲ್ಲ ಅನ್ವಯ -
SWR: ಶಿವಮೊಗ್ಗ, ಅರಸೀಕೆರೆ, ಮೈಸೂರು ರೈಲು ಪ್ರಯಾಣಿಕರೇ ಗಮನಿಸಿ: ರೈಲುಗಳ ಪುನರ್ ಸಂಚಾರ -
Love Mocktail 3: ಕ್ರಿಪ್ಟೋಮ್ನೇಶಿಯಾ ಯಾರದ್ದೋ ಕಥೆ ಯಾರದ್ದೋ ಹೆಸರು ರೂಪಾ ರಾವ್ ಬರಹ -
Karnataka weather: ಬೆಂಗಳೂರು ಸೇರಿದಂತೆ 10ಕ್ಕೂ ಹೆಚ್ಚು ಜಿಲ್ಲೆಗಳಲ್ಲಿ ಮಳೆ ಮುನ್ಸೂಚನೆ ನೀಡಿದ IMD
Click it and Unblock the Notifications
Sign in with Google