ಪಿಎಂ ಮೋದಿಗೆ ಸೇರಿದ 270 ಗಿಫ್ಟ್ ಹರಾಜು, 5 ಲಕ್ಷ ರು ಗರಿಷ್ಠ ಬಿಡ್ಡಿಂಗ್!
Recommended Video
ನವದೆಹಲಿ, ಜನವರಿ 29: ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಬಳಿ ಇದ್ದ ಗಿಫ್ಟ್, ಸ್ಮರಣಿಕೆಗಳನ್ನು ಹರಾಜು ಹಾಕುತ್ತಿದ್ದಾರೆ. ದೆಹಲಿಯ ಮಾರ್ಡನ್ ಆರ್ಟ್ನ್ಯಾಷನಲ್ಗ್ಯಾಲರಿಯಲ್ಲಿ ಭಾನುವಾರ ಹಾಗೂ ಸೋಮವಾರ ಹರಾಜು ಹಾಕಲಾಗಿದೆ.
ಸುಮಾರು 1800 ಉಡುಗೊರೆಗಳ ಪೈಕಿ 270 ವಸ್ತುಗಳು ಮಾರಾಟವಾಗಿದ್ದು, ಪೈಂಟಿಂಗ್ ವೊಂದು 5 ಲಕ್ಷ ರು ಗರಿಷ್ಠ ಬಿಡ್ಡಿಂಗ್ ಪಡೆದುಕೊಂಡಿದೆ.
ಮೋದಿ ಅವರ ಬಳಿ ಇರುವ ಪೈಂಟಿಂಗ್ಸ್, ಫೋಟೋ, ಪೇಟಗಳು, ಶಾಲುಗಳು, ಶಿಲ್ಪಗಳು ಸೇರಿದಂತೆ 1,900 ವಸ್ತುಗಳನ್ನು ದೆಹಲಿಯಲ್ಲಿನ ನ್ಯಾಷನಲ್ ಗ್ಯಾಲರಿ ಆಫ್ ಮಾರ್ಡನ್ ಆರ್ಟ್ನಲ್ಲಿ (ಎನ್ಜಿಎಂಎ) ಹರಾಜು ಪ್ರಕ್ರಿಯೆ ನಡೆಸಲಾಯಿತು.
ಮಂಗಳವಾರದಿಂದ ಆನ್ಲೈನ್ ಹರಾಜು ನಡೆಯಲಿದೆ. ಜನವರಿ 31ರ ತನಕ ಹರಾಜು ಪ್ರಕ್ರಿಯೆ ಜಾರಿಯಲ್ಲಿರುತ್ತದೆ. ಆಸಕ್ತರು ವೆಬ್ಸೈಟ್ ಮೂಲಕ ಹರಾಜು ಪ್ರಕ್ರಿಯೆಯಲ್ಲಿ ಭಾಗವಹಿಸಿ, ವಸ್ತುಗಳನ್ನು ಖರೀದಿಸಬಹುದಾಗಿದೆ.
ಮಂಗಳವಾರದಿಂದ ಇ ಹರಾಜು ನಡೆಯಲಿದೆ
ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಬಳಿ ಇದ್ದ ಗಿಫ್ಟ್, ಸ್ಮರಣಿಕೆಗಳನ್ನು ಹರಾಜು ಹಾಕುತ್ತಿದ್ದಾರೆ. ದೆಹಲಿಯ ಮಾರ್ಡನ್ ಆರ್ಟ್ನ್ಯಾಷನಲ್ಗ್ಯಾಲರಿಯಲ್ಲಿ ಹರಾಜಿಗೆ ಸಿದ್ಧವಾಗಿರುವ ವಸ್ತುಗಳನ್ನು ಇರಿಸಲಾಗಿದೆ. ಮಂಗಳವಾರದಿಂದ ಇ ಹರಾಜು ನಡೆಯಲಿದೆ ಜನವರಿ 31ರ ತನಕ ಹರಾಜು ಜಾರಿಯಲ್ಲಿರಲಿದೆ
ಮರದ ಬೈಕ್ 5 ಲಕ್ಷ ರು ಗೆ ಮಾರಾಟ
ಪ್ರಧಾನಿ ಮೋದಿ ಅವರಿಗೆ ಸಿಕ್ಕಿರುವ ಉಡುಗೊರೆಗಳ ಪೈಕಿ ಮರದ ಬೈಕ್ಗೆ 40,000 ರು, ಮೂಲ ಬೆಲೆ ಇತ್ತು. ಇದು ಕೂಡಾ 5 ಲಕ್ಷ ರು ಗೆ ಮಾರಾಟವಾಗಿದೆ. ಉಳಿದಂತೆ 10 ಸಾವಿರ ರು ಮೂಲ ಬೆಲೆಯ ಸ್ವರ್ಣ ಮಂದಿರ ಮಾದರಿಯ ಸ್ಮರಣಿಕೆಯು 3.5 ಲಕ್ಷ ರುಗೆ ಬಿಕರಿಯಾಗಿದೆ.
2 ದಿನಗಳಲ್ಲಿ 270 ವಸ್ತುಗಳು ಬಿಕರಿಯಾಗಿವೆ
ಎರಡು ದಿನ ನಡೆದ ಹರಾಜಿನಲ್ಲಿ 270 ವಸ್ತುಗಳು ಬಿಕರಿಯಾಗಿವೆ.ರೈಲ್ವೆ ನಿಲ್ದಾಣದಲ್ಲಿ ಬ್ಯಾಗ್ ಹಿಡಿದು ನಿಂತಿರುವ ಮೋದಿ ಪೇಂಟಿಂಗ್ ಚಿತ್ರಕ್ಕೆ 50 ಸಾವಿರ ರು ಮೂಲ ಬೆಲೆ ನಿಗದಿಯಾಗಿತ್ತು. ಮೋದಿ ಅಭಿಮಾನಿಯೊಬ್ಬರು 5 ಲಕ್ಷ ರು ಬಿಡ್ ಮಾಡಿ, ಚಿತ್ರವನ್ನು ಗಳಿಸಿದ್ದಾರೆ.
ನಮಾಮಿ ಗಂಗಾ ಯೋಜನೆಗೆ ಬಳಸಲಾಗುತ್ತದೆ.
1,500 ರು ಮೂಲ ಬೆಲೆಯ ಅಷ್ಟಮಂಗಳ ಫೋಟೋ ಫ್ರೇಮ್ 28 ಸಾವಿರ ರುಗೆ, 5 ಸಾವಿರ ರು ಬೆಲೆಯ ಲೋಹದ ಖಡ್ಗವೊಂದು 1 ಲಕ್ಷ ರುಗೆ ಹಾಗೂ 5 ಸಾವಿರ ರು ಬೆಲೆಯ ಬಸವೇಶ್ವರ ಪುತ್ಥಳಿ 70 ಸಾವಿರ ರುಗೆ ಮಾರಾಟವಾಗಿದೆ ಎಂದು ಪ್ರಧಾನಿ ಸಚಿವಾಲಯ ಮಾಹಿತಿ ನೀಡಿದೆ. ಈ ಹರಾಜು ಪ್ರಕ್ರಿಯೆಯಿಂದ ಬರುವ ಮೊತ್ತವನ್ನು ನಮಾಮಿ ಗಂಗಾ ಯೋಜನೆಗೆ ಬಳಸಲಾಗುತ್ತದೆ.
Click it and Unblock the Notifications
Sign in with Google