2034ಕ್ಕೆ ನಾನು ಸಾಯುತ್ತೇನೆ; ಸಾವಿಗೂ ಮೊದಲೇ ಡೆತ್ ಡೇ ಆಚರಣೆ!
ಹೈದ್ರಾಬಾದ್, ಡಿಸೆಂಬರ್ 17: ಆಂಧ್ರ ಪ್ರದೇಶದ ಮಾಜಿ ಸಚಿವ ಪಾಲೇಟಿ ರಾಮರಾವ್ ಆಹ್ವಾನ ಪತ್ರಿಕೆಯೊಂದು ಈಗ ಕುತೂಹಲ ಮೂಡಿಸಿದೆ. ರಾಜಕೀಯ ಕಾರ್ಯಕ್ರಮ ಹಾಗೂ ಮದುವೆಗೆ ಆಮಂತ್ರಣ ಪತ್ರಿಕೆ ಹೊರಡಿಸುವುದು ಕಾಮನ್. ಆದರೆ ಈಗ ಮಾಜಿ ಸಚಿವರೊಬ್ಬರು ತಮ್ಮ ಸಾವಿಗೂ ಮೊದಲೇ ತಮ್ಮ ಸಾವಿನ ಆಮಂತ್ರಣ ಪತ್ರಿಕೆಯನ್ನು ಹೊರಡಿಸಿದ್ದಾರೆ.
2034ರಲ್ಲಿ ನಾನು ಸಾಯುತ್ತೇನೆ ಎನ್ನುತ್ತಾನೆ, ಅದಕ್ಕಾಗಿಯೇ ಇಂದಿನಿಂದ ಮರಣ ದಿನಾಚರಣೆ ನಡೆಸಲಾಗುತ್ತಿದೆ ಎಂದು ಆಮಂತ್ರಣ ಪತ್ರಿಕೆಗಳನ್ನು ಮೊದಲೇ ಮುದ್ರಿಸಲಾಗಿದೆ. ಶನಿವಾರ ಸ್ಥಳೀಯವಾಗಿ ಈ ಸಂಭ್ರಮಾಚರಣೆ ನಡೆಸಲಾಗುತ್ತಿದೆ ಎಂದು ಆಮಂತ್ರಣ ಪತ್ರಿಕೆಯಲ್ಲಿ ಉಲ್ಲೇಖಿಸಲಾಗಿದೆ.
ಈ ಆಹ್ವಾನ ಪತ್ರಿಕೆಯು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಮಾಜಿ ಸಚಿವರ ವರ್ತನೆಯಿಂದ ಸ್ಥಳೀಯರು ಅಚ್ಚರಿಗೊಂಡಿದ್ದಾರೆ. ಸಾವಿನ ದಿನದ ಹೆಸರಿನಲ್ಲಿ ಆಹ್ವಾನಿಸುತ್ತಿರುವ ಬಗ್ಗೆ ಆಶ್ಚರ್ಯ ವ್ಯಕ್ತಪಡಿಸುತ್ತಿದ್ದಾರೆ. ಮಾಜಿ ಸಚಿವ ಪಾಲೇಟಿ ರಾಮರಾವ್ ಪ್ರಸ್ತುತ ವೈಎಸ್ಆರ್ಸಿಪಿಯಲ್ಲಿದ್ದಾರೆ.
ತಮ್ಮ ಸಾವಿನ ಬಗ್ಗೆ ಮಾಜಿ ಸಚಿವರ ಭವಿಷ್ಯ:
ಸಾವಿನ ದಿನದ ಆಚರಣೆಯನ್ನು ಮಾಡಿಕೊಳ್ಳುವುದನ್ನು ಕೇಳುವುದಕ್ಕೆ ಒಂದು ರೀತಿ ಆಶ್ಚರ್ಯವೆನಿಸುತ್ತದೆ. ಆದರೆ ಮಾಜಿ ಸಚಿವರೊಬ್ಬರು ಅವರ ಸಾವಿನ ಬಗ್ಗೆ ಮೊದಲೇ ಭವಿಷ್ಯ ನುಡಿದಿದ್ದು, ಬದುಕಿರುವಾಗಲೇ ಅದನ್ನು ಪ್ರತಿ ವರ್ಷ ಆಚರಿಸಲು ನಿರ್ಧರಿಸಿರುವುದು ಎಲ್ಲರನ್ನೂ ಚಕಿತಗೊಳಿಸಿದ್ದಾರೆ. ಈ ಸಾವಿನ ದಿನದ ಹೆಸರಿನೊಂದಿಗೆ ಆಮಂತ್ರಣಗಳನ್ನು ಸಿದ್ಧಪಡಿಸಲಾಗಿದೆ. ಬಾಪಟ್ಲ ಜಿಲ್ಲೆಯ ಚಿರಸ್ನ ಮಾಜಿ ಸಚಿವ ಪಾಲೇಟಿ ರಾಮರಾವ್ ಪ್ರಕರಣದ ಕುರಿತು ಸ್ಥಳೀಯವಾಗಿ ಚರ್ಚೆ ನಡೆಯುತ್ತಿದೆ. ಈ ವಿಚಿತ್ರ ನಿರ್ಧಾರದಿಂದ ಎಲ್ಲರೂ ಅಚ್ಚರಿಗೊಂಡಿದ್ದಾರೆ.
ಟಿಡಿಪಿ ಸರ್ಕಾರದಲ್ಲಿ ಸಚಿವರಾಗಿ ಸೇವೆ:
ಆಂಧ್ರ ಪ್ರದೇಶದಲ್ಲಿ ಟಿಡಿಪಿ ಸರ್ಕಾರದ ಅವಧಿಯಲ್ಲಿ ಪಾಲೇಟಿ ರಾಮರಾವ್ ಅವರು ಸಚಿವರಾಗಿ ಸೇವೆ ಸಲ್ಲಿಸಿದ್ದರು. ಮೇಲಾಗಿ ಅವರು ಎರಡು ಬಾರಿ ಶಾಸಕರೂ ಆಗಿದ್ದಾರೆ. ಸದ್ಯ ವೈಎಸ್ಆರ್ಸಿಪಿಯಲ್ಲಿದ್ದಾರೆ. ಅವರ ಪ್ರಸ್ತುತ ವಯಸ್ಸು 63 ವರ್ಷ, ಆದರೆ ಅವರು 75 ವರ್ಷಕ್ಕೆ ಅಂದರೆ 2034ರಲ್ಲಿ ನಿಧನ ಹೊಂದುವುದಾಗಿ ಎಂದು ಭವಿಷ್ಯ ನುಡಿದಿದ್ದಾರೆ. ಅದಕ್ಕಾಗಿಯೇ ಅವರು ಈ ವರ್ಷದಿಂದ 'ಡೆತ್ ಡೇ' ಆಚರಿಸುತ್ತಿರುವುದಾಗಿ ಆಮಂತ್ರಣವನ್ನು ಮುಂಚಿತವಾಗಿ ಮುದ್ರಿಸಿದ್ದಾರೆ.
ಸಾವಿಗಿನ್ನೂ 12 ವರ್ಷ:
ಪಾಲೇಟಿ ರಾಮರಾವ್ ನಿಧನಕ್ಕೆ ಇನ್ನೂ 12 ವರ್ಷ ಬಾಕಿಯಿರುವ ಹಿನ್ನೆಲೆಯಲ್ಲಿ ಶನಿವಾರ ಐಎಂಎ ಹಾಲ್ ಆಫ್ ಸೀರೆಸ್ ನಲ್ಲಿ 12ನೇ 'ಡೆತ್ ಡೇ' ಆಚರಣೆ ಮಾಡಲಾಯಿಯತು. ಮಾನವನ ಸಾವಿನ ಭಯವನ್ನು ಹೋಗಲಾಡಿಸಲು ಮತ್ತು ಇದುವರೆಗೆ ಮಾಡಿದ ತಪ್ಪುಗಳನ್ನು ಸರಿಪಡಿಸಲು ಇಂತಹ ಸಮಾರಂಭಗಳು ಅಗತ್ಯ ಎಂದು ಅವರು ಬಹಿರಂಗಪಡಿಸಿದರು. ಮುಂದಿನ ವರ್ಷ 11ನೇ ಸಂಭ್ರಮಾಚರಣೆ ನಡೆಯಲಿದೆ ಎನ್ನಲಾಗಿದೆ. ಈ ಆಹ್ವಾನ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
Click it and Unblock the Notifications
Sign in with Google