ಭಾರತದ ಮೊದಲ ಕೋವಿಡ್‌ ಸೆಲ್ಫ್‌ ಕಿಟ್‌ನ ರಾಯಭಾರಿಯಾದ ಅಕ್ಷಯ್‌ ಕುಮಾರ್‌

ನವದೆಹಲಿ, ಜು.14: ಬಾಲಿವುಡ್‌ ನಟ ಅಕ್ಷಯ್‌ ಕುಮಾರ್‌ ಭಾರತದ ಮೊದಲ ಕೋವಿಡ್‌ ಸೆಲ್ಫ್‌ ಕಿಟ್‌ ಕೋವಿಸೆಲ್ಫ್‌ನ ರಾಯಭಾರಿಯಾಗಿದ್ದಾರೆ.

ಕೋವಿಸೆಲ್ಫ್‌ನ ಜಾಹೀರಾತಿನ ರಾಯಭಾರಿಯಾಗಿರುವ ಅಕ್ಷಯ್‌ ಕುಮಾರ್‌, ಜಾಹೀರಾತಿನ ಮೂಲಕ ಈ ಕೋವಿಡ್‌ ಸೆಲ್ಫ್‌ ಕಿಟ್‌ ಕೋವಿಸೆಲ್ಫ್‌ನ ಮೂಲಕ ಹೇಗೆ ಸ್ವಯಂ ಕೊರೊನಾ ಪರೀಕ್ಷೆಗೆ ಒಳಪಡುವುದು ಎಂಬುದನ್ನು ವಿವರಿಸಿದ್ದಾರೆ.

ಈ ಬಗ್ಗೆ ಟ್ವೀಟ್‌ನಲ್ಲಿ ಜಾಹೀರಾತಿನ ವಿಡಿಯೋವನ್ನು ಹಾಕುವ ಮೂಲಕ ಅಕ್ಷಯ್‌ ಕುಮಾರ್‌ ಮಾಹಿತಿ ನೀಡಿದ್ದಾರೆ.

''ಶಾಲೆಯಲ್ಲಿ ನಾನು ನನ್ನ ಸ್ನೇಹಿತರಿಗೆ ಪರೀಕ್ಷೆಯನ್ನು ಬಂಕ್‌ (ತಪ್ಪಿಸುವುದು) ಮಾಡಲು ಹೇಳುತ್ತಿದ್ದೆ. ಈಗ ನಾನು ಪರೀಕ್ಷೆಯನ್ನು ಮಾಡಿಕೊಳ್ಳಿ ಎಂದು ನನ್ನ ಸ್ನೇಹಿತರನ್ನು ಒತ್ತಾಯ ಮಾಡುತ್ತಿದ್ದೇನೆ,'' ಎಂದು ಹೇಳಿದ್ದಾರೆ.

In school I used to tell my friends to bunk a test. Now I push my friends to take the test! Because baad mein dosti yaari - pehle safety hamari :))
Covid-19 test now made easy with #CoviSelf, India’s first self test Rapid Antigen test kit. #TestYourselfByYourself @MylabSolutions pic.twitter.com/FwDpegXwxp

— Akshay Kumar (@akshaykumar) July 14, 2021

''ಯಾಕೆಂದರೆ ಸ್ನೇಹ ನಂತರ, ಮೊದಲು ನಮ್ಮ ಸುರಕ್ಷತೆ ಅತ್ಯಗತ್ಯ. ಕೋವಿಡ್ -19 ಪರೀಕ್ಷೆಯನ್ನು ಈಗ ಭಾರತದ ಮೊದಲ ಸ್ವಯಂ ಪರೀಕ್ಷೆ ರಾಪಿಡ್ ಆಂಟಿಜೆನ್ ಟೆಸ್ಟ್ ಕಿಟ್ ಸುಲಭಗೊಳಿಸಿದೆ,'' ಎಂದು ಟ್ವೀಟ್‌ ಮೂಲಕ ತಿಳಿಸಿದ್ದಾರೆ.

ಇನ್ನು ಪ್ರಸ್ತುತ ಅಕ್ಷಯ್‌ ಕುಮಾರ್‌ ಸುಮಾರು 30 ಬ್ರಾಂಡ್‌ಗಳ ರಾಯಭಾರಿಯಾಗಿದ್ದಾರೆ ಎಂದು ವರದಿ ತಿಳಿಸಿದೆ. ಹಾಗೆಯೇ ಹಲವಾರು ಸಾಮಾಜಿಕ ಕಳಕಳಿ ಮೂಡಿಸುವ ಜಾಹೀರಾತಿನಲ್ಲೂ ಅಕ್ಷಯ್‌ ಕುಮಾರ್‌ ಕಾಣಿಸಿಕೊಂಡಿದ್ದಾರೆ.

(ಒನ್‌ಇಂಡಿಯಾ ಸುದ್ದಿ)

English summary

Akshay Kumar turns brand ambassador for India’s first Covid-19 self-test kit CoviSelf.