Adani Group: ಭಾರತದ ಪ್ರಮುಖ ಬಿಸಿನೆಸ್ ಶಾಲೆಗಳ ವಿದ್ಯಾರ್ಥಿಗಳಿಗೆ ಅದಾನಿ ಗ್ರೂಪ್ ವಿದ್ಯಾರ್ಥಿವೇತನ ಘೋಷಣೆ

Adani Group: ಅದಾನಿ ಗ್ರೂಪ್ 2025-27 ಸಮೂಹದ ಅದಾನಿ ಅಕ್ಸೆಲರೇಟೆಡ್ ಲೀಡರ್‌ಶಿಪ್ ಪ್ರೋಗ್ರಾಂ (AALP) ಅಡಿಯಲ್ಲಿ ಭಾರತದ ಪ್ರಮುಖ ಬಿಸಿನೆಸ್ ಶಾಲೆಗಳ ವಿದ್ಯಾರ್ಥಿಗಳಿಗೆ 24 ಸಂಪೂರ್ಣ ಅನುದಾನಿತ ವಿದ್ಯಾರ್ಥಿವೇತನಗಳನ್ನು ಘೋಷಿಸಿದೆ. ಈ ಕ್ರಮವು ಸಮಗ್ರ ನಾಯಕತ್ವ ಅಭಿವೃದ್ಧಿ ಹಾಗೂ ರಾಷ್ಟ್ರ ನಿರ್ಮಾಣದತ್ತ ಸಂಸ್ಥೆಯ ಬದ್ಧತೆಯನ್ನು ಮತ್ತಷ್ಟು ಬಲಪಡಿಸುತ್ತದೆ.

ಆಯ್ಕೆಯಾದ ವಿದ್ಯಾರ್ಥಿವೇತನ ಪಡೆದವರು ಬೆಂಗಳೂರಿನ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಮ್ಯಾನೇಜ್‌ಮೆಂಟ್, ಕೊಲ್ಕತ್ತಾದ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಮ್ಯಾನೇಜ್‌ಮೆಂಟ್, ಲಕ್ನೋದ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಮ್ಯಾನೇಜ್‌ಮೆಂಟ್ ಹಾಗೂ ಇಂಡಿಯನ್ ಸ್ಕೂಲ್ ಆಫ್ ಬ್ಯುಸಿನೆಸ್ ಸೇರಿದಂತೆ ದೇಶದ ಪ್ರಮುಖ ವಿದ್ಯಾಸಂಸ್ಥೆಗಳವರಾಗಿದ್ದಾರೆ. ಈ ವಿದ್ಯಾರ್ಥಿಗಳನ್ನು ಅಹಮದಾಬಾದ್‌ನಲ್ಲಿರುವ ಗ್ರೂಪ್‌ನ ಮುಖ್ಯ ಕಚೇರಿಯಲ್ಲಿ ಕರಣ್ ಅದಾನಿ ಅವರು ಸನ್ಮಾನಿಸಿದರು. ಕರಣ್ ಅದಾನಿ ಅವರು ಅದಾನಿ ಬಂದರುಗಳು ಮತ್ತು ವಿಶೇಷ ಆರ್ಥಿಕ ವಲಯದ ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕರಾಗಿದ್ದು, ಅದಾನಿ ಸಿಮೆಂಟ್ ಸಂಸ್ಥೆಯ ನಿರ್ದೇಶಕರೂ ಆಗಿದ್ದಾರೆ.

ಎಎಎಲ್‌ಪಿ ವಿದ್ಯಾರ್ಥಿವೇತನದ ಉದ್ದೇಶ ಉನ್ನತ ಸಾಮರ್ಥ್ಯ ಹೊಂದಿರುವ ನಿರ್ವಹಣಾ ವಿದ್ಯಾರ್ಥಿಗಳು ಆರ್ಥಿಕ ಸಮಸ್ಯೆಗಳಿಂದ ಹಿಂದುಳಿಯದಂತೆ ನೋಡಿಕೊಳ್ಳುವುದಾಗಿದೆ. ಅಭ್ಯರ್ಥಿಗಳನ್ನು ಕಠಿಣ ಅರ್ಹತೆ ಹಾಗೂ ಸಮಗ್ರ ಮೌಲ್ಯಮಾಪನ ಪ್ರಕ್ರಿಯೆಯ ಮೂಲಕ ಆಯ್ಕೆ ಮಾಡಲಾಗುತ್ತದೆ. ಈ ಪ್ರಕ್ರಿಯೆಯಲ್ಲಿ ಶೈಕ್ಷಣಿಕತೆಗೆ ಪ್ರಾಮುಖ್ಯತೆ ನೀಡಲಾಗುತ್ತದೆ. ಈ ಮೂಲಕ ಅವರ ಆರ್ಥಿಕ ಅಗತ್ಯತೆಯನ್ನು ಪರಿಗಣಿಸಲಾಗುತ್ತದೆ.

ವಿದ್ಯಾರ್ಥಿಗಳು ಹಾಗೂ ಅವರ ಕುಟುಂಬ ಸದಸ್ಯರನ್ನು ಉದ್ದೇಶಿಸಿ ಮಾತನಾಡಿದ ಕರಣ್‌ ಅದಾನಿ ಅವರು, ಈ ಉಪಕ್ರಮವು ಪ್ರತಿಭೆ ವ್ಯಾಪಕವಾಗಿದ್ದರೂ ಸಮಾನವಾಗಿ ಹಂಚಿಕೆಯಾಗಿಲ್ಲ ಎಂಬ ಉದ್ದೇಶದಿಂದ ಆರಂಭವಾಗಿದೆ ಎಂದು ಹೇಳಿದರು. ರಾಷ್ಟ್ರಮಟ್ಟದ ಸ್ಪರ್ಧೆ ಮತ್ತು ಅರ್ಹತೆಯ ಆಧಾರದ ಮೇಲೆ ಆಯ್ಕೆಯಾದ ಈ ವಿದ್ಯಾರ್ಥಿಗಳು ತಮ್ಮ ಸಾಮರ್ಥ್ಯದಿಂದಲೇ ಈ ಸ್ಥಾನವನ್ನು ಗಳಿಸಿದ್ದಾರೆ. ಈ ಕಾರ್ಯಕ್ರಮವು ಅವರ ಮಹತ್ವಾಕಾಂಕ್ಷೆಗೆ ಅಗತ್ಯವಾದ ಅವಕಾಶ, ಮಾನ್ಯತೆ ಹಾಗೂ ಮಾರ್ಗದರ್ಶನವನ್ನು ಒದಗಿಸುವ ಮೂಲಕ ಅವರ ಕನಸುಗಳಿಗೆ ಬೆಂಬಲ ನೀಡುವ ಉದ್ದೇಶ ಹೊಂದಿದೆ ಎಂದು ಕರಣ್ ಅದಾನಿ ತಿಳಿಸಿದರು.

2025-27 ಬ್ಯಾಚ್‌ನ ಭಾರತದ ಉದಯೋನ್ಮುಖ ನಾಯಕತ್ವ ಗ್ರೂಪ್‌ನ ವೈವಿಧ್ಯತೆಯನ್ನು ಪ್ರತಿಬಿಂಬಿಸುತ್ತದೆ. ಈ ವಿದ್ಯಾರ್ಥಿವೇತನ ಪಡೆಯುವವರಲ್ಲಿ ಒಬ್ಬರಾದ ಆನಂದ್ ಬಾಬು ಕಾಮಿನೇನಿ, ಇವರು ಐಐಎಂ ಕಲ್ಕತ್ತಾದ ಪ್ರಥಮ ವರ್ಷದ ಎಂ.ಬಿ.ಎ ವಿದ್ಯಾರ್ಥಿಯಾಗಿದ್ದಾರೆ. ಅವರು ಜೆಇಇ, ಸಿಎಟಿ ಮತ್ತು ಯುಪಿಎಸ್‌ಸಿ ಸೇರಿದಂತೆ ರಾಷ್ಟ್ರಮಟ್ಟದ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಶೇಕಡಾ 0.1ರಷ್ಟು ಸ್ಥಾನ ಪಡೆದಿದ್ದಾರೆ. ಆಂಧ್ರಪ್ರದೇಶದ ಸಣ್ಣ ಹಳ್ಳಿಯಿಂದ ಬಂದಿರುವ ಅವರ ಪ್ರತಿಭೆಯನ್ನು ಉತ್ತೇಜಿಸಲು ಅವಕಾಶಗಳ ಪಾತ್ರ ಎಷ್ಟು ಮಹತ್ವದ್ದಾಗಿದೆ ಎಂಬುದನ್ನು ಎತ್ತಿ ತೋರಿಸುತ್ತದೆ.

ಮತ್ತೊಬ್ಬರು ವಿದ್ಯಾರ್ಥಿವೇತನ ಪಡೆದವರು ಆಯುಷ್ ಶ್ರೀವಾಸ್ತವ ಅವರು ಲಕ್ನೋದ ಐಐಎಂನಿಂದ ಆಯ್ಕೆಯಾಗಿದ್ದಾರೆ.
ಅವರು ಸಂಕೀರ್ಣ ತೈಲ ಮತ್ತು ಅನಿಲ ವ್ಯವಸ್ಥೆಗಳ ಕ್ಷೇತ್ರದಲ್ಲಿ 500ಕ್ಕೂ ಹೆಚ್ಚು ಇಂಜಿನಿಯರ್‌ಗಳಿಗೆ ತರಬೇತಿ ನೀಡಿರುವ ಅನುಭವ ಹೊಂದಿದ್ದಾರೆ. ಅಲ್ಲದೆ, ಯುರೋಪ್‌ನ ಕಡಲಾಚೆಯ ಕಾರ್ಯಾಚರಣೆಗಳಲ್ಲಿ ತಂತ್ರಜ್ಞಾನ ಸುಧಾರಣೆ ತಂದಿರುವ ಸಾಧನೆಯನ್ನು ಮಾಡಿದ್ದಾರೆ. ಇವು ಇಂದಿನ ಜಾಗತಿಕ ಆರ್ಥಿಕ ವ್ಯವಸ್ಥೆಯಲ್ಲಿ ಅಗತ್ಯವಾಗಿರುವ ತಾಂತ್ರಿಕ ಪರಿಣಿತಿ ಮತ್ತು ನಿರ್ವಹಣಾ ಸಾಮರ್ಥ್ಯದ ಸಮನ್ವಯವನ್ನು ತೋರಿಸುತ್ತವೆ.

ಈ ಬ್ಯಾಚ್‌ನಲ್ಲಿ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಮ್ಯಾನೇಜ್ಮೆಂಟ್ ಕಲ್ಕತ್ತಾದ ಮಧು ಗುಪ್ತಾ ಕೂಡ ಸೇರಿದ್ದಾರೆ. ಅವರು ಸುರಕ್ಷತೆ ಮತ್ತು ಕಾರ್ಯನಿರ್ವಹಣಾ ಶ್ರೇಷ್ಠತೆಯ ಮೇಲೆ ಕೇಂದ್ರೀಕರಿಸಿ ದೊಡ್ಡ ಕಾರ್ಯಾಚರಣಾ ತಂಡಗಳನ್ನು ಮುನ್ನಡೆಸಿದ ಅನುಭವವನ್ನು ಹೊಂದಿದ್ದಾರೆ. ಇನ್ನೊಬ್ಬ ವಿದ್ಯಾರ್ಥಿ ಕನವ್ ಬನ್ಸಾಲ್ ತಮ್ಮ ವೃತ್ತಿಜೀವನದ ಆರಂಭಿಕ ಹಂತದಲ್ಲೇ ಕೆಲಸವು ಅಳೆಯಬಹುದಾದ ಉತ್ತಮ ಆರ್ಥಿಕ ಫಲಿತಾಂಶಗಳನ್ನು ನೀಡಿದ ಸಾಧನೆ ಮಾಡಿ ಗುರುತಿಸಿಕೊಂಡಿದ್ದಾರೆ.

ಹಣಕಾಸಿನ ನೆರವಿನ ಹೊರತಾಗಿ, AALP ಕಾರ್ಯಕ್ರಮವು ರಚನಾತ್ಮಕ ಕೈಗಾರಿಕಾ ಅನುಭವ, ಮಾರ್ಗದರ್ಶನ ಹಾಗೂ ದೊಡ್ಡ ಮಟ್ಟದ ಮೂಲಸೌಕರ್ಯ ಮತ್ತು ಎಂಟರ್‌ಪ್ರೈಸ್ ವೇದಿಕೆಗಳ ಪರಿಚಯವನ್ನು ಒದಗಿಸುತ್ತದೆ. ಇದರ ಮೂಲಕ ತರಗತಿ ಅಧ್ಯಯನವನ್ನು ನೈಜ ಕಾರ್ಯಾಚರಣಾ ಅನುಭವದೊಂದಿಗೆ ಸಂಪರ್ಕಿಸಲಾಗುತ್ತದೆ. ಭಾರತ ತನ್ನ ಬೆಳವಣಿಗೆಯ ಗುರಿಗಳನ್ನು ವೇಗಗೊಳಿಸುತ್ತಿರುವ ಈ ಸಂದರ್ಭದಲ್ಲಿ, ಭವಿಷ್ಯದ ನಾಯಕತ್ವ ಸಾಮರ್ಥ್ಯವನ್ನು ನಿರ್ಮಿಸಲು ಅಕಾಡೆಮಿ ಮತ್ತು ಕೈಗಾರಿಕಾ ವಲಯಗಳ ನಡುವೆ ಆಳವಾದ ಸಹಕಾರ ಅತ್ಯವಶ್ಯಕ ಎಂದು ಗುಂಪು ತಿಳಿಸಿದೆ. ಈ ಮೂಲಕ, ಅದಾನಿ ಗ್ರೂಪ್ ಮೇಲುಗೈ, ಅವಕಾಶ ಮತ್ತು ಜವಾಬ್ದಾರಿತ್ವದ ಮೌಲ್ಯಗಳ ಮೇಲೆ ಉತ್ತಮ ನಾಯಕತ್ವವನ್ನು ರೂಪಿಸುವ ಗುರಿಯನ್ನು ಹೊಂದಿದೆ.

ಅಹಮದಾಬಾದ್‌ನಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ ಅದಾನಿ ಗ್ರೂಪ್, ಇಂಧನ ಮತ್ತು ಯುಟಿಲಿಟೀಸ್‌, ಸಾರಿಗೆ ಮತ್ತು ಲಾಜಿಸ್ಟಿಕ್ಸ್‌, ಲೋಹ ಮತ್ತು ವಸ್ತುಗಳು ಹಾಗೂ ಗ್ರಾಹಕ ವಲಯಗಳಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಸಂಸ್ಥೆಯ ಬೆಳವಣಿಗೆಯ ತಂತ್ರವು ರಾಷ್ಟ್ರ ನಿರ್ಮಾಣ, ಸುಸ್ಥಿರತೆ ಮತ್ತು ಸಮುದಾಯ ಅಭಿವೃದ್ಧಿ ಎಂಬ ತತ್ವಗಳ ಆಧಾರದಲ್ಲಿ ರೂಪುಗೊಂಡಿದೆ ಎಂದು ಗುಂಪು ತಿಳಿಸಿದೆ.

English summary

Adani Group has unveiled 24 fully funded scholarships under the 2025–27 cohort of its Adani Accelerated Leadership Programme (AALP), aimed at supporting high-potential students from India’s top business schools.