ಹೈದರಾಬಾದ್ : ಕತಾರ್ ಏರ್ ವೇಸ್ ವಿಮಾನದಲ್ಲಿ ಮಗು ದುರ್ಮರಣ

Updated: Wednesday, September 26, 2018, 20:12 [IST]

ಹೈದರಾಬಾದ್, ಸೆಪ್ಟೆಂಬರ್ 26: ಕತಾರ್ ಏರ್ ವೇಸ್ ನಲ್ಲಿ ಪ್ರಯಾಣಿಸುತ್ತಿದ್ದ 11 ತಿಂಗಳ ಮಗುವೊಂದು ಉಸಿರಾಟದ ತೊಂದರೆಯಿಂದ ಮೃತಪಟ್ಟಿರುವ ದುರ್ಘಟನೆ ಬುಧವಾರದಂದು ನಡೆದಿದೆ. ಆದರೆ, ವಿಮಾನ ನಿಲ್ದಾಣದಲ್ಲಿ ಮಗು ಮೃತಪಟ್ಟಿಲ್ಲ ಎಂದು ಹೈದರಾಬಾದ್ ವಿಮಾನ ಪ್ರಾಧಿಕಾರ ಪ್ರತಿಕ್ರಿಯಿಸಿದೆ.

ಅರ್ಣವ್ ವರ್ಮಾ ಹೆಸರಿನ ಹಸುಗೂತನ್ನ ತಂದೆ ತಾಯಿ ಜತೆ ದೋಹಾದಿಂದ ಹೈದಾರಾಬಾದಿಗೆ ಬರುವಾಗ ಉಸಿರಾಟದ ತೊಂದರೆ ಅನುಭವಿಸಿದೆ. ಹೈದರಾಬಾದ್‌ನಲ್ಲಿ ವಿಮಾನ ಲ್ಯಾಂಡ್‌ ಆದ ಕೂಡಲೇ ಅಪೋಲೊ ಮೆಡಿಕಲ್‌ ಸೆಂಟರ್‌ಗೆ ಕರೆದೊಯ್ಯಲಾಗಿದೆ. ಆದರೆ, ವೈದ್ಯರು ಪರೀಕ್ಷಿಸಿ, ಇಲ್ಲಿಗೆ ಕರೆ ತರುವಾಗಲೆ ಮಗು ಮೃತಪಟ್ಟಿದೆ ಎಂದಿದ್ದಾರೆ.

'ಕತಾರ್ ಏರ್ ವೇಸ್ ಹಾಗೂ ಅಪೋಲೋ ಆಸ್ಪತ್ರೆಯ ಅಧಿಕೃತ ಹೇಳಿಕೆಗಾಗಿ ನಾವು ಕಾದಿದ್ದೇವೆ, ವಿಮಾನ ನಿಲ್ದಾಣದಲ್ಲಿ ಮಗು ಮೃತ ಪಟ್ಟಿಲ್ಲ' ಎಂದು ಹೈದರಾಬಾದ್ ವಿಮಾನ ಪ್ರಾಧಿಕಾರದ ವಕ್ತಾರರಾದ ಸಂಗೀತಾ ಸಿ. ಆರ್ ಹೇಳಿದ್ದಾರೆ.