ಅಯೊಧ್ಯೆ ತೀರ್ಪಿನ ನಂತರ ದೇವಾಲಯಕ್ಕೆ ತೆರಳಿದ ಸಿಜೆಐ, ಪತ್ನಿ: ವಿಡಿಯೋ ವೈರಲ್

ಗುವಾಹಟಿ, ನವೆಂಬರ್ 11: ಅಯೋಧ್ಯೆ ಭೂ ವಿವಾದದ ಕುರಿತು ಶನಿವಾರ ಐತಿಹಾಸಿ ತೀರ್ಪು ನೀಡಿದ ನಂತರ ಸುಪ್ರೀಂ ಕೋರ್ಟ್ ಮುಖ್ಯ ನ್ಯಾಯಮೂರ್ತಿ ರಂಜನ್ ಗೊಗೊಯ್ ಅವರು, ಭಾನುವಾರ ಅಸ್ಸಾಮಿನ ಗುವಾಹಟಿಯ ಕಾಮಕ್ಯ ದೇವಾಯಕ್ಕೆ ತೆರಳಿ ದೇವರ ದರ್ಶನ ಪಡೆದರು.

ಪತ್ನಿ ಜೊತೆ ದೇವರ ದರ್ಶನ ಪಡೆಯುತ್ತಿರುವ ರಂಜನ್ ಗೊಗೊಯ್ ಅವರ ವಿಡಿಯೊ ವೈರಲ್ ಆಗಿದ್ದು, ಅಯೋಧ್ಯೆ ತೀರ್ಪಿನ ನಂತರ ಗೊಗೊಯ್ ಶ್ರೀರಾಮನ ದರ್ಶನಕ್ಕೆ ತೆರಳಿದ್ದರು ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಸುಳ್ಳು ಮಾಹಿತಿ ರವಾನೆಯಾಗುತ್ತಿದೆ. ಆದರೆ ಅವರು ತೆರಳಿದ್ದು ಶ್ರೀರಾಮ ದರ್ಶನಕ್ಕಲ್ಲ, ಬದಲಾಗಿ ಗುವಾಹಟಿಯಲ್ಲಿರುವ ಕಾಮಕ್ಯ ದೇವಾಲಯಕ್ಕೆ ಎಂಬುದು ನಂತರ ತಿಳಿದುಬಂದಿದೆ.

ಅಸ್ಸಾಂ ನ ಮಚ್ಕೌಡ ಎಂಬಲ್ಲಿ ಪುಸ್ತಕ ಬಿಡುಗಡೆ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದ್ದ ಗೊಗೊಯ್, ನಂತರ 51 ಶಕ್ತಿಪೀಠಗಳಲ್ಲೊಂದಾದ ಕಾಮಕ್ಯ ದೇವಾಲಯಕ್ಕೆ ತೆರಳಿದ್ದರು.

CJI Ranjan Gogoi visited Maa Kamakhya temple in #Guwahati along with his wife to offer prayers after the landmark #AYODHYAVERDICT #Time8News

Video credit: @gvrchandra pic.twitter.com/WAtk1BQjfq

— Time8News (@time8news) November 11, 2019

ನವೆಂಬರ್ 17 ರಂದು ತಮ್ಮ ಸೇವೆಯಿಂದ ನಿವೃತ್ತರಾಗಲಿರುವ ರಂಜನ್ ಗೊಗೊಯ್ ಅವರು ಅದಕ್ಕೂ ಮುನ್ನ ಇನ್ನಷ್ಟು ಮಹತ್ವದ ತೀರ್ಪು ನೀಡಬೇಕಿದೆ. ಶಬರಿಮಲೆ, ರಫೇಲ್ ಡೀಲ್ ಸೇರಿದಂಮತೆ ಮಹತ್ವದ ತೀರ್ಪುಗಳನ್ನು ಗೊಗೊಯ್ ನೀಡಬೇಕಿದೆ.

ಅಯೋಧ್ಯೆ ತೀರ್ಪಿನ ಹಿನ್ನೆಲೆಯಲ್ಲಿ ಗೊಗೊಯ್ ಅವರಿಗೆ Z+ ಭದ್ರತೆ ನೀಡಲಾಗಿದ್ದು, ಕೆಲವು ದಿನಗಳ ಕಾಲ ಅದನ್ನು ಮುಂದುವರೆಸಲು ತೀರ್ಮಾನಿಸಲಾಗಿದೆ.

English summary

After Land mark Judgement on Ayodhya Case, Chief Justice Ranjan Gogoi with his Wife Visits Kamakhya Temple in Guwahati, Assam.