ಹುಬ್ಬಳ್ಳಿಯಲ್ಲಿ ಯುವಕನಿಗೆ ಚಾಕು ಇರಿತ, ತಿಂಗಳಾಂತ್ಯಕ್ಕೆ 5ನೇ ಕೊಲೆ

By: ಹುಬ್ಬಳ್ಳಿ ಪ್ರತಿನಿಧಿ
Subscribe to Oneindia Kannada

ಹುಬ್ಬಳ್ಳಿ,ಮಾರ್ಚ್,31: ಯುವಕರ ನಡುವೆ ನಡೆದ ಸಣ್ಣ ವಾಗ್ವಾದ ದ್ವೇಷವಾಯ್ತು, ದ್ವೇಷವೂ ಕೊಲೆಯಲ್ಲಿ ಕೊನೆಯಾಗಿದೆ. ಈ ಘಟನೆಯು ನಗರದ ನಗರದ ಹೊಸೂರು ವೃತ್ತದ ಬಳಿ ನಡೆದಿದೆ. ಇದು ಒಂದೇ ತಿಂಗಳಲ್ಲಿ ನಡೆದ ಐದನೇ ಕೊಲೆಯಾಗಿದೆ.

ನಗರದ ಉಣಕಲ್ ಬಳಿಯ ಸಂತೆಬೈಲ್ ನಿವಾಸಿಯಾದ ಸಂತೋಷ ನರೋಟಿ (30) ಎಂಬಾತನೇ ಕೊಲೆಯಾದ ಯುವಕ. ಹಳೇ ದ್ವೇಷದ ಹಿನ್ನೆಲೆಯಲ್ಲಿ ಈ ಕೊಲೆ ನಡೆದಿದ್ದು ಆರೋಪಿ ನವೀನ್ ನನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ.[ಡ್ರೈವಿಂಗ್ ಕಲಿಸಿದ ಯುವಕನೇ ಸುಂದರಿಯ ಹಂತಕ]

ಘಟನೆಯ ವಿವರ:

ನಗರದ ಉಣಕಲ್ ಬಳಿಯ ಸಂತೆಬೈಲ್ ನಿವಾಸಿಯಾದ ಸಂತೋಷ ಮತ್ತು ಹೊಸೂರು ಪ್ರದೇಶದ ಗೋಪಿ ಪರಶುರಾಮ ವಡ್ಡರ ಎಂಬಾತನ ಗುಂಪಿನವರೊಂದಿಗೆ ಕಳೆದ ನಾಲ್ಕು ತಿಂಗಳ ಹಿಂದೆ ವಾಗ್ವಾದ ನಡೆದಿತ್ತು.

ಈ ಸಮಯದಲ್ಲಿ ಗೋಪಿ ಗುಂಪಿನಲ್ಲಿದ್ದ ನವೀನ ಎಂಬಾತನ ಸಹೋದರನಿಗೆ ಹೊಡೆತ ಬಿದ್ದಿತ್ತು. ಇದರಿಂದ ರೊಚ್ಚಿಗೆದ್ದಿದ್ದ ನವೀನ ಕೊಲೆಗೀಡಾದ ಸಂತೋಷನನ್ನು ಕಂಡಾಗಲೆಲ್ಲ ನಿನ್ನನ್ನು ಸಾಯಿಸುತ್ತೇನೆ ಎಂದು ಪದೇ ಪದೇ ಹೇಳುತ್ತಿದ್ದನು. [ಗಂಡನ ವಿಕೃತ ಕಾಮಕ್ಕೆ ಬೇಸತ್ತು ಮಕ್ಕಳನ್ನೇ ಕೊಂದ ತಾಯಿ!]

ಬುಧವಾರ ಸಂತೋಷ ಎಂದಿನಂತೆ ತನ್ನ ಆಟೋ ಚಲಾಯಿಸುತ್ತ ಹೊಸೂರು ಪ್ರದೇಶಕ್ಕೆ ಬರುತ್ತಿದ್ದಂತೆ ಸಾರ್ವಜನಿಕರ ಎದುರೇ ನವೀನ ಸಂತೋಷನಿಗೆ ಚಾಕುವಿನಿಂದ ಹೊಟ್ಟೆ, ಕುತ್ತಿಗೆಗೆ ಬಲವಾಗಿ ಇರಿದಿದ್ದಾನೆ. ಗಾಯಗೊಂಡ ಸಂತೋಷನನ್ನು ಕಿಮ್ಸ್ ಆಸ್ಪತ್ರೆಗೆ
ಸಾಗಿಸುವಾಗ ಮಾರ್ಗ ಮಧ್ಯೆ ಕೊನೆಯುಸಿರೆಳೆದಿದ್ದಾನೆ.[ಮದುವೆಗೆ ಒಪ್ಪದ ತಂದೆ-ತಾಯಿಯನ್ನು ಕೊಲ್ಲಿಸಿದ ಮಗ]

ವಿದ್ಯಾನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ತನಿಖೆ ಕೈಗೊಂಡಿದ್ದಾರೆ. ಈ ಕೊಲೆಯೊಂದಿಗೆ ಛೋಟಾ ಬಾಂಬೆ ಎಂದೇ ಖ್ಯಾತಿ ಹೊಂದಿದ ಹುಬ್ಬಳ್ಳಿಯಲ್ಲಿ ಐದನೇ ಕೊಲೆಯಾಗಿದೆ. ಈ ತಿಂಗಳಿನಲ್ಲಿ ಈ ಮೊದಲು ಹಾಡುಹಗಲೇ ನಾಲ್ಕು ಕೊಲೆಯಾಗಿದ್ದವು.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
30 year old Sathosh Naroti died after knife attack in Hubballi on Thursday, March 31st. police have arrested accuse Naveen in Hubballi.
Please Wait while comments are loading...