ಇನ್ಫಿ ಆಡಳಿತದಲ್ಲಿ ಮಹತ್ವದ ಬದಲಾವಣೆಗೆ ಮುಂದಾದ ಸಿಕ್ಕಾ
ಬೆಂಗಳೂರು, ಜುಲೈ, 20: ಇನ್ಫೋಸಿಸ್ ತ್ರೈಮಾಸಿಕ ವರದಿ ಹೊರಕ್ಕೆ ಬಿದ್ದಿದ್ದು ಕಂಪನಿಯ ಷೇರುಗಳು ನಷ್ಟ ಅನುಭವಿಸಿವೆ. ತಕ್ಷಣ ಎಚ್ಚೆತ್ತುಕೊಂಡಿರುವ ಸಿಇಒ ವಿಶಾಲ್ ಸಿಕ್ಕಾ ಉನ್ನತ ಮಟ್ಟದ ಅಧಿಕಾರಿಗಳಲ್ಲಿ ಮಹತ್ವದ ಬದಲಾವಣೆ ಮಾಡಿದ್ದಾರೆ.
ಅಲ್ಲದೇ ಕಂಪನಿಯ ನೌಕರರಿಗೆ ಈ ಮೇಲ್ ಬರೆದು ಅಸಮಾಧಾನವನ್ನು ವ್ಯಕ್ತಪಡಿಸಿದ್ದಾರೆ. ಕಂಪನಿಯ ಷೇರುಗಳು ಶೇ. 10 ರಷ್ಟು ಕುಸಿತ ಕಂಡಿದ್ದಕ್ಕೆ ಕಾರಣ ಹುಡುಕುವ ಯತ್ನ ಮಾಡಿದ್ದಾರೆ.[ಇನ್ಫೊಸಿಸ್ ಷೇರುಗಳು ಪತನ: 5 ಕಾರಣಗಳು]
ಸಣ್ಣ ಕಂಪನಿಗಳನ್ನು ವಶಕ್ಕೆ ಪಡೆಯುವುದು, ಆಡಳಿತದಲ್ಲಿ ಮಹತ್ವದ ಬದಲಾವಣೆ ಮಾಡುವುದು ಮತ್ತು ಕ್ಷಿಪ್ರ ಗತಿಯ ಕೆಲಸ ಸಿಕ್ಕಾ ಮುಂದೆ ಇಟ್ಟುಕೊಂಡಿರುವ ಆಲೋಚನೆಗಳು.
ಏಪ್ರಿಲ್ -ಜೂನ್ ನ ಮೊದಲ ತ್ರೈಮಾಸಿಕದಲ್ಲೇ ಷೇರುಗಳು ಕುಸಿತ ಕಂಡಿದ್ದು ಸಿಕ್ಕಾ ಅವರನ್ನು ಕಂಗೆಡಿಸಿದೆ. ಸರಿಯಾಗಿ ಎರಡು ವರ್ಷದ ಹಿಂದೆ ಇನ್ಫೋಸಿಸ್ ಅಧಿಕಾರದ ಚುಕ್ಕಾಣಿ ಹಿಡಿದ ಸಿಕ್ಕ ಹಲವು ಬದಲಾವಣೆ ಮೂಲಕ ಕಂಪನಿಗೆ ಹೊಸ ದೃಷ್ಟಿಕೋನ ನೀಡಿದ್ದರು.
Click it and Unblock the Notifications
Sign in with Google