ಏಷ್ಯಾನೆಟ್ ನ್ಯೂಸ್ ನಿರ್ದೇಶಕ ಹುದ್ದೆ ತ್ಯಜಿಸಿದ ರಾಜೀವ್ ಚಂದ್ರಶೇಖರ್
Recommended Video
ಬೆಂಗಳೂರು, ಏಪ್ರಿಲ್ 2: ಬಿಜೆಪಿಯಿಂದ ರಾಜ್ಯಸಭಾ ಸದಸ್ಯರಾಗಿ ಆಯ್ಕೆಯಾದ ರಾಜೀವ್ ಚಂದ್ರಶೇಖರ್ ಎಆರ್ ಜಿ ಔಟ್ಲಿಯರ್ ಏಷ್ಯಾನೆಟ್ ನ್ಯೂಸ್ ಪ್ರೈ ಲಿಮಿಟೆಡ್ ನ ನಿರ್ದೇಶಕ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಸಿದ್ದಾರೆ. ಈ ಕಂಪೆನಿಯು ಅರ್ನಬ್ ಗೋಸ್ವಾಮಿ ಮುಂದಾಳತ್ವದ ರಿಪಬ್ಲಿಕ್ ಟಿ.ವಿ.ಯ ಮಾಲೀಕತ್ವ ಹೊಂದಿದೆ.
Im happy n privileged to hv been associated with @republic all these months ! I wish #Arnab n his team the very best 👍🏻 pic.twitter.com/KwPP0BSP9u
— Rajeev Chandrasekhar (@rajeev_mp) 2 April 2018
ಮಾಧ್ಯಮ ಸಂಸ್ಥೆಯ ಮಾಲೀಕರೂ ಆದ ರಾಜೀವ್ ಚಂದ್ರಶೇಖರ್ ಮಾರ್ಚ್ 31ರಂದು ನಿರ್ದೇಶಕ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಸಿದ್ದಾರೆ. ಈ ಬಗ್ಗೆ ಅವರು ಹೇಳಿಕೆ ನೀಡಿದ್ದು, "ಇತ್ತೀಚೆಗೆ ನಾನು ಬಿಜೆಪಿ ಸಂಸದನಾಗಿ ಆಯ್ಕೆ ಆಗಿದ್ದೇನೆ. ಆ ಕಾರಣಕ್ಕೆ ಈ ನಿರ್ಧಾರ ತೆಗೆದುಕೊಂಡಿದ್ದೇನೆ. 2006ರಿಂದ ಸ್ವತಂತ್ರ ಅಭ್ಯರ್ಥಿಯಾಗಿ ಸಂಸದನಾಗಿದ್ದೆ. ಯಾವುದೇ ಪಕ್ಷದ ಜತೆ ಗುರುತಿಸಿಕೊಂಡಿರಲಿಲ್ಲ" ಎಂದಿದ್ದಾರೆ.
ಆದರೆ, ಈಗ ಬಿಜೆಪಿ ಸದಸ್ಯನಾಗಿದ್ದೇನೆ. ಆದ್ದರಿಂದ ರಿಪಬ್ಲಿಕ್ ಟಿವಿಯ ಬ್ರ್ಯಾಂಡ್ ಹಾಗೂ ತಂಡದ ಹಿತದೃಷ್ಟಿಯಿಂದ ಇನ್ನು ಮುಂದೆ ಆಡಳಿತ ಮಂಡಳಿಯಲ್ಲಿ ನಿರ್ದೇಶಕನಾಗಿ ಮುಂದುವರಿಯುವುದಿಲ್ಲ ಎಂದು ಸೋಮವಾರ ಪತ್ರಿಕಾ ಪ್ರಕಟಣೆಯಲ್ಲಿ ರಾಜೀವ್ ಚಂದ್ರಶೇಖರ್ ತಿಳಿಸಿದ್ದಾರೆ.
ರಾಜೀವ್ ಚಂದ್ರಶೇಖರ್ ಅವರ ಏಷ್ಯಾನೆಟ್ ಆನ್ ಲೈನ್ ಕಂಪೆನಿ ಎಆರ್ ಜಿ ಔಟ್ಲಿಯರ್ ನಲ್ಲಿ ಮೂವತ್ತು ಕೋಟಿ ರುಪಾಯಿಗೂ ಹೆಚ್ಚು ಮೊತ್ತವನ್ನು ಹೂಡಿಕೆ ಮಾಡಿದೆ. ರಾಜೀವ್ ಚಂದ್ರಶೇಖರ್ ಅವರು ಜುಪಿಟರ್ ಕ್ಯಾಪಿಟಲ್ ಲಿಮಿಟೆಡ್ ನ ಸ್ಥಾಪಕರು ಹಾಗೂ ಅಧ್ಯಕ್ಷರು.
ಈ ಕಂಪೆನಿಯು ಮಲಯಾಳಂ ಸುದ್ದಿ ವಾಹಿನಿ ಏಷ್ಯಾನೆಟ್ ನ್ಯೂಸ್, ಕನ್ನಡ ಪ್ರಭ ದಿನಪತ್ರಿಕೆ, ಸುವರ್ಣ ನ್ಯೂಸ್ ಸುದ್ದಿ ವಾಹಿನಿ ಹಾಗೂ ರೇಡಿಯೋ ಇಂಡಿಗೋದಲ್ಲಿ ಹಣ ಹೂಡಿಕೆ ಮಾಡಿದೆ.
Click it and Unblock the Notifications
Sign in with Google