ತನ್ನ ಬಳಕೆದಾರರಿಗೆ ಐಪಿಒ ಹೂಡಿಕೆ ಅವಕಾಶ ತೆರೆಯಲಿರುವ ಪೇಟಿಎಂ
ನವದೆಹಲಿ, ನವೆಂಬರ್ 30: ಡಿಜಿಟಲ್ ಪಾವತಿ ವೇದಿಕೆಯಾದ ಪೇಟಿಎಂ ತನ್ನ ಬಳಕೆದಾರರಿಗೆ ಐಪಿಒ ಹೂಡಿಕೆಗಳಿಗೆ ಶೀಘ್ರದಲ್ಲೇ ಅವಕಾಶ ನೀಡುವ ಮೂಲಕ ಸೌಲಭ್ಯ ಒದಗಿಸಲಿದೆ ಎಂದು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.
ಅಲಿಬಾಬಾ- ಮತ್ತು ಸಾಫ್ಟ್ಬ್ಯಾಂಕ್ ಬೆಂಬಲಿತ ಪೇಟಿಎಂ ತನ್ನ ಒಟ್ಟಾರೆ ಹಣಕಾಸಿನ ಸೇವೆಯನ್ನು ವಿಸ್ತರಿಸುವ ಮತ್ತು ಗ್ರಾಹಕರಿಗೆ ವಿಶೇಷ ಕೊಡುಗೆ ನೀಡಲು ಸಿದ್ಧಗೊಂಡಿದೆ. ಅಪ್ಸ್ಟಾಕ್ಸ್, ಜೆರೋಧಾ ಮತ್ತು 5 ಪೈಸಾದಂತದ ಸ್ಟಾಕ್ ಬ್ರೋಕರ್ಗಳಿಗೆ ಸಮನಾಗಿ ನಿಲ್ಲುವ ಗುರಿಯನ್ನು ಹೊಂದಿದೆ.
''ಮುಂದಿನ ದಿನಗಳಲ್ಲಿ, ಹೂಡಿಕೆಯನ್ನು ತಡೆರಹಿತ ಮತ್ತು ಅನುಕೂಲಕರವಾಗಿಸಲು ಐಪಿಒ ಫಂಡಿಂಗ್, ಡೆರಿವೇಟಿವ್ಸ್ ಟ್ರೇಡಿಂಗ್, ಮಾರ್ಜಿನ್ ಫೈನಾನ್ಸ್ ಮತ್ತು ಇತರ ಮೌಲ್ಯವರ್ಧಕ ವೈಶಿಷ್ಟ್ಯಗಳನ್ನು ಪ್ರಾರಂಭಿಸಲು ನಾವು ಯೋಜಿಸಿದ್ದೇವೆ. ದೇಶಾದ್ಯಂತ ನಮ್ಮ ಧ್ಯೇಯದೊಂದಿಗೆ ಇದು ಆರ್ಥಿಕ ಹೊಂದಿಕೆಯಾಗಿದೆ "ಎಂದು ಪೇಟಿಎಂ ಮನಿ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ವರುಣ್ ಶ್ರೀಧರ್ ಹೇಳಿದರು.
2019 ರ ಹೊತ್ತಿಗೆ 76 ಲಕ್ಷ ರೂ.ಗಳ ವಹಿವಾಟು ನಡೆಸಲು ಕಂಪನಿಯು 37 ಕೋಟಿ ರೂ. ಖರ್ಚು ಮಾಡಿದೆ. 2020 ರ ದಾಖಲಾತಿಗಳನ್ನು ಇನ್ನೂ ಸಾರ್ವಜನಿಕವಾಗಿ ಪ್ರಕಟಿಸಿಲ್ಲ.
ಸ್ಟಾಕ್ ಬ್ರೋಕಿಂಗ್ ವಹಿವಾಟು ಪೇಟಿಎಂಗೆ ಅತ್ಯಂತ ಲಾಭದಾಯಕ ವ್ಯವಹಾರವಾಗಬಹುದು ಮತ್ತು ಒಂದರ ಹಿಂದೆ ಮತ್ತೊಂದು ಕೊಡುಗೆಗಳನ್ನು ಗ್ರಾಹಕರು ಪೇಟಿಎಂನಿಂದ ನಿರೀಕ್ಷಿಸಬಹುದಾಗಿದೆ.
ಪೇಟಿಎಂ ಮನಿ ಸೆಪ್ಟೆಂಬರ್ನಲ್ಲಿ ಆ್ಯಪ್ ಬಿಡುಗಡೆ ಮೂಲಕ ಸ್ಟಾಕ್ ಬ್ರೋಕಿಂಗ್ ಸೌಲಭ್ಯ ಒದಗಿಸಿದೆ. ಅಕ್ಟೋಬರ್ನಲ್ಲಿ ಕಂಪನಿಯು ಇಟಿಎಫ್ಗಳನ್ನು ಅಥವಾ ವಿನಿಮಯ ವಹಿವಾಟು ಹಣವನ್ನು ಸೇರಿಸಿತು. ಈಗ ಇದು ತನ್ನ ಬಳಕೆದಾರರಿಗೂ ಐಪಿಒ ಹೂಡಿಕೆಗಳನ್ನು ತೆರೆದಿದೆ.
Click it and Unblock the Notifications
Sign in with Google