ಉದ್ಯೋಗಿಗಳನ್ನು ನೋಟಿಸ್ ಅವಧಿಯಲ್ಲಿಟ್ಟ ಮೆಟಾ, ಗೂಗಲ್
ನವದೆಹಲಿ, ಸೆಪ್ಟೆಂಬರ್ 23: ಫೇಸ್ಬುಕ್ನ ಪೋಷಕ ಕಂಪನಿ ಮೆಟಾ ಮತ್ತು ಗೂಗಲ್ ಆರ್ಥಿಕ ಹಿಂಜರಿತದ ಕಾರಣದಿಂದ ಸಿಬ್ಬಂದಿಯನ್ನು ಕಡಿಮೆ ಮಾಡಲು ಚಿಂತನೆ ನಡೆಸಿದ್ದು, ಕಂಪನಿಯೊಳಗೆ ತಮ್ಮ ಉದ್ಯೋಗಿಗಳನ್ನು ಕೈಬಿಡಲು 30 ರಿಂದ 60 ದಿನಗಳ ನೋಟಿಸ್ ಅವಧಿಯಲ್ಲಿ ಇರಿಸಿದೆ ಎಂದು ವರದಿ ಹೇಳಿದೆ.
ವಾಲ್ ಸ್ಟ್ರೀಟ್ ಜರ್ನಲ್ ಪ್ರಕಾರ, ಮೆಟಾ ತನ್ನ ಉದ್ಯೋಗಿಗಳ ಸಂಖ್ಯೆಯನ್ನು ತೆಗೆದು ಹಾಕಲು ಮುಂದಾಗಿದೆ. ಇದಕ್ಕೆ ಹಲವಾರು ನೌಕರರನ್ನು ನೋಟಿಸ್ ಅವಧಿಯಲ್ಲಿ ಇರಿಸಲಾಗಿದೆ. ಈ ಮೂಲಕ -ಮುಂಬರುವ ತಿಂಗಳುಗಳಲ್ಲಿ ವೆಚ್ಚವನ್ನು ಕನಿಷ್ಠ 10% ರಷ್ಟು ಕಡಿಮೆ ಮಾಡಲು ಯೋಜಿಸಿದೆ.
ಮತ್ತೊಂದೆಡೆ ಗೂಗಲ್ನ ಪೋಷಕ ಆಲ್ಫಾಬೆಟ್ ಇದೇ ಮಾದರಿಯಲ್ಲಿ ಉದ್ಯೋಗಿಗಳನ್ನು ತೆಗೆಯಲು ಯೋಜಿಸಿದೆ ಎಂದು ವರದಿಯಾಗಿದೆ. ಸಾಮಾನ್ಯವಾಗಿ ಕೆಲಸಗಾರರಿಗೆ ತಮ್ಮ ಉದ್ಯೋಗಗಳನ್ನು ಕಡಿತಗೊಳಿಸಿದರೆ ಹೊಸ ಕೆಲಸಕ್ಕಾಗಿ ಅರ್ಜಿ ಸಲ್ಲಿಸಲು 60 ದಿನಗಳನ್ನು ನೀಡುತ್ತದೆ. ಫೇಸ್ಬುಕ್ ಪೋಷಕ ಕಂಪೆನಿ ಮೆಟಾ ಕನಿಷ್ಠ 10 ಪ್ರತಿಶತದಷ್ಟು ವೆಚ್ಚವನ್ನು ಕಡಿಮೆ ಮಾಡಲು ಚಿಂತನೆ ನೆಡೆಸಲಾಗಿದೆ. ಆದರೆ ಕೆಲವು ಉದ್ಯೋಗಿಗಳು ಹೊಸ ಉದ್ಯೋಗಗಳಿಗೆ ಅರ್ಜಿ ಸಲ್ಲಿಸಲು ಗೂಗಲ್ಗೆ ಅಗತ್ಯವಿದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಮೆಟಾವು ತನ್ನಲ್ಲಿ ಕೆಲಸ ಮಾಡುತ್ತಿರುವ ಉದ್ಯೋಗಿಗಳು ಒಂದು ತಿಂಗಳೊಳಗೆ ಹೊಸ ಉದ್ಯೋಗವನ್ನು ಹುಡುಕಲು ಸಾಧ್ಯವಾಗದಿದ್ದರೆ ಅವರನ್ನು ವಜಾಗೊಳಿಸಲಾಗುತ್ತದೆ. ಮಾರ್ಕ್ ಜುಕರ್ಬರ್ಗ್ ನಡೆಸುತ್ತಿರುವ ಕಂಪನಿಯು ಈ ವರ್ಷದ ಎರಡನೇ ತ್ರೈಮಾಸಿಕದ ಅಂತ್ಯಕ್ಕೆ 83,553 ಉದ್ಯೋಗಿಗಳನ್ನು ಹೊಂದಿದೆ. ಗೂಗಲ್ ಸಾಮಾನ್ಯವಾಗಿ ಉದ್ಯೋಗಿಗಳಿಗೆ ತಮ್ಮ ಉದ್ಯೋಗಗಳನ್ನು ಕಡಿತಗೊಳಿಸಿದ್ದರೆ ಕಂಪನಿಯಲ್ಲಿ ಇತರ ಪಾತ್ರಗಳಿಗೆ ಅರ್ಜಿ ಸಲ್ಲಿಸಲು 60 ದಿನಗಳನ್ನು ನೀಡುತ್ತದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಕಳೆದ ತಿಂಗಳು ಗೂಗಲ್ ತನ್ನ ಇನ್ಕ್ಯುಬೇಟರ್ ಏರಿಯಾ 120ನಲ್ಲಿ 50ಕ್ಕೂ ಹೆಚ್ಚು ನೌಕರರನ್ನು ವಜಾಗೊಳಿಸಿತ್ತು. ಕಂಪನಿಯಲ್ಲಿ ಮತ್ತೊಂದು ಕೆಲಸವನ್ನು ಹುಡುಕಲು ಅವರಿಗೆ ಹೆಚ್ಚುವರಿ 30 ದಿನಗಳನ್ನು ನೀಡಿತು. ಇದರಲ್ಲಿ ಸುಮಾರು 95 ಪ್ರತಿಶತ ಉದ್ಯೋಗಿಗಳು ನೋಟಿಸ್ ಅವಧಿಯೊಳಗೆ ಹೊಸ ಪಾತ್ರಗಳನ್ನು ಕಂಡುಕೊಂಡಿದ್ದಾರೆ ಎಂದು ಗೂಗಲ್ ವಕ್ತಾರರು ಉಲ್ಲೇಖಿಸಿದ್ದಾರೆ.
ಕಂಪನಿಯನ್ನು 20% ದಕ್ಷವಾಗಿರಿಸಲು ಕರೆ
ಟೆಕ್ ದೈತ್ಯ ಇತ್ತೀಚೆಗೆ ಏರಿಯಾ 120 ಎಂಬ ತನ್ನ ಆಂತರಿಕ ಸಂಶೋಧನೆ ಮತ್ತು ಅಭಿವೃದ್ಧಿ (ಆರ್&ಡಿ) ವಿಭಾಗದಲ್ಲಿ ಯೋಜನೆಗಳನ್ನು ರದ್ದುಗೊಳಿಸಿದ್ದರಿಂದ ಆಲ್ಫಾಬೆಟ್ ಮತ್ತು ಗೂಗಲ್ ಸಿಇಒ ಸುಂದರ್ ಪಿಚೈ ಉದ್ಯೋಗ ಕಡಿತವನ್ನು ಸೂಚಿಸುವ ಮೂಲಕ ಕಂಪನಿಯನ್ನು 20% ಹೆಚ್ಚು ಪರಿಣಾಮಕಾರಿಯಾಗಿ ಮಾಡಲು ಆಶಿಸಿದರು. ಈ ತಿಂಗಳು ಯುಎಸ್ನಲ್ಲಿ ನಡೆದ ಕೋಡ್ ಕಾನ್ಫರೆನ್ಸ್ನಲ್ಲಿ ಪ್ರೇಕ್ಷಕರನ್ನು ಉದ್ದೇಶಿಸಿ ಮಾತನಾಡಿದ ಪಿಚೈ, ಕಂಪನಿಯು ಸ್ಥೂಲ ಆರ್ಥಿಕ ಪರಿಸರದ ಬಗ್ಗೆ ಹೆಚ್ಚು ಖಚಿತವಾಗಿಲ್ಲ ಎಂದು ಹೇಳಿದರು.
ಹೊಸ ಉದ್ಯೋಗಿಗಳ ನೇಮಕವಿಲ್ಲ
ಸ್ಥೂಲ ಆರ್ಥಿಕ ಕಾರ್ಯಕ್ಷಮತೆಯು ಜಾಹೀರಾತು ಖರ್ಚು, ಗ್ರಾಹಕ ಖರ್ಚು ಮತ್ತು ಮುಂತಾದವುಗಳಿಗೆ ಪರಸ್ಪರ ಸಂಬಂಧ ಹೊಂದಿದೆ ಎಂದು ಅವರು ಹೇಳಿದರು. ಹೊಸ ಉದ್ಯೋಗಿಗಳನ್ನು ನೇಮಿಸಿಕೊಳ್ಳುವುದನ್ನು ಗೂಗಲ್ ಅಮಾನತುಗೊಳಿಸಿದೆ. ನಿರೀಕ್ಷೆಗಳನ್ನು ಪೂರೈಸದಿದ್ದಲ್ಲಿ ಅಸ್ತಿತ್ವದಲ್ಲಿರುವ ಕೆಲವು ಉದ್ಯೋಗಿಗಳಿಗೆ ತೆಗೆದುಹಾಕಲಾಗುವುದು ಎಂದು ವರದಿ ಮಾಡಿದೆ.
ನೌಕರರ ನೇಮಕಾತಿ ಕುಸಿತ
ಗೂಗಲ್ ಕಂಪನಿಯ ತನ್ನ ಸಂದೇಶದಲ್ಲಿ ಕಂಪೆನಿ ಉತ್ಪಾದಕತೆ ಮತ್ತು ಒಟ್ಟಾರೆ ಉತ್ಪಾದಕತೆಯ ಮುಂದಿನ ತ್ರೈಮಾಸಿಕ ಫಲಿತಾಂಶಗಳು ಕಡಿಮೆಯಾದರೆ ಪರಿಸ್ಥಿತಿ ಕೈಮೀರಲಿದೆ ಎಂದು ಉದ್ಯೋಗಿಗಳಿಗೆ ಬೆದರಿಕೆ ಹಾಕಿದೆ. ಬಿಗ್ ಟೆಕ್ ಕಂಪನಿಗಳು ಉದ್ಯೋಗಿಗಳನ್ನು ವಜಾಗೊಳಿಸುವುದರಿಂದ ಮತ್ತು ಹೊಸ ನೇಮಕಾತಿಗಳನ್ನು ಸ್ಥಗಿತಗೊಳಿಸುವುದರಿಂದ, ಮುಂದಿನ ವರ್ಷದಲ್ಲಿ ನೌಕರರ ಬೆಳವಣಿಗೆಯನ್ನು ಸ್ಥಿರವಾಗಿ ಕಡಿಮೆ ಮಾಡುವುದು ಕಂಪನಿಯ ಯೋಜನೆಯಾಗಿದೆ ಎಂದು ಜುಕರ್ಬರ್ಗ್ ಜುಲೈನಲ್ಲಿ ಹೇಳಿದ್ದರು.
ಅನೇಕ ತಂಡಗಳಲ್ಲಿನ ನೌಕರರ ಕಡಿತ
ಡಿಜಿಟಲ್ ಜಾಹೀರಾತು ವ್ಯವಹಾರದ ಮೇಲೆ ವ್ಯಾಪಕ ಪರಿಣಾಮ ಬೀರುವುದರಿಂದ ಆರ್ಥಿಕ ಕುಸಿತ ಕಂಡುಬಂದಿದೆ ಎಂದು ಒಪ್ಪಿಕೊಂಡ ಜುಕರ್ಬರ್ಗ್, ಅನೇಕ ತಂಡಗಳಲ್ಲಿನ ನೌಕರರನನ್ನು ಕಡಿತ ಮಾಡಲಾಗುವುದು. ಆದ್ದರಿಂದ ನಾವು ಕಂಪನಿಯೊಳಗಿನ ಇತರ ಪ್ರದೇಶಗಳಿಗೆ ಶಕ್ತಿಯನ್ನು ಬದಲಾಯಿಸಬಹುದು ಎಂದು ಹೇಳಿದರು.
Click it and Unblock the Notifications
Sign in with Google