'ಐಟಿ, ನವೋದ್ಯಮದಿಂದ 2019ರಿಂದ 5 ಲಕ್ಷ ಉದ್ಯೋಗ ಸೃಷ್ಟಿ'
ಬೆಂಗಳೂರು, ಡಿಸೆಂಬರ್ 27: ಭಾರತದ ಮಾಹಿತಿ ತಂತ್ರಜ್ಞಾನ, ನವೋದ್ಯಮ ಕ್ಷೇತ್ರಗಳಿಂದ 2019ರಲ್ಲಿ ಸರಿ ಸುಮಾರು 5 ಲಕ್ಷ ಕ್ಕೂ ಅಧಿಕ ಉದ್ಯೋಗ ಸೃಷ್ಟಿಯಾಗಲಿದೆ ಎಂದು ಇನ್ಫೋಸಿಸ್ ನ ಮಾಜಿ ಮುಖ್ಯ ಹಣಕಾಸು ಅಧಿಕಾರಿ ಟಿ.ವಿ. ಮೋಹನದಾಸ್ ಪೈ ಅವರು ಅಭಿಪ್ರಾಯಪಟ್ಟಿದ್ದಾರೆ.
ಐಟಿ ಕ್ಷೇತ್ರದಲ್ಲಿ ಪ್ರವೇಶ ಹಂತದ ಪ್ಯಾಕೇಜುಗಳು ಹೆಚ್ಚಾಗಿದ್ದು, 2018 ರಲ್ಲಿ ಶೇ. 20 ಏರಿಕೆ ಕಂಡಿದೆ.ಫ್ರೆಶರ್ಸ್ ಗೆ ವಾರ್ಷಿಕವಾಗಿ 4.5 ಲಕ್ಷ ರು ನಿಂದ 5 ಲಕ್ಷ ರು ತನಕ ಪ್ಯಾಕೇಜ್ ಸಿಕ್ಕಿದೆ ಎಂದರು.
ಭಾರತೀಯ ಐಟಿ ಕ್ಷೇತ್ರ ಮತ್ತೆ ಪ್ರಗತಿಯತ್ತ ಸಾಗುತ್ತಿದೆ, ಎಚ್1ಬಿ ವೀಸಾ ನಿಯಮ ಕಠಿಣವಾಗಿರುವುದರಿಂದ ಭಾರತೀಯ ಕಂಪನಿಗಳು ಜಪಾನ್ ಮತ್ತು ಆಗ್ನೇಯ ಏಷ್ಯಾಗಳತ್ತ ಮುಖಮಾಡಿವೆ, ಉದ್ಯಮ ಕ್ಷೇತ್ರದಲ್ಲಿ ವಿಸ್ತಾರ ಕಾಣುವ ಜೊತೆಗೆ ಕೊಡು-ಕೊಳ್ಳುವ ಭಾರಿ ವಹಿವಾಟು ನಡೆಯುತ್ತಿದೆ ಎಂದಿದ್ದಾರೆ.
ತೆಲಂಗಾಣ ರಾಜ್ಯದ ರಾಜಧಾನಿ ಹೈದರಾಬಾದ್ ತನ್ನ ಐಟಿ ಸಿಟಿ ಟ್ಯಾಗ್ ಉಳಿಸಿಕೊಂಡಿದೆ. ಅಲ್ಲಿನ ಐಟಿ ಸಚಿವ ಕೆಟಿ ರಾಮರಾವ್ ಅವರು ಮೂಲ ಸೌಕರ್ಯಕ್ಕೆ ಹೆಚ್ಚಿನ ಮಹತ್ವ ನೀಡಿದ್ದಾರೆ ಎಂದರು.
ಭಾರತದಲ್ಲಿ ಸದ್ಯ 39000ಕ್ಕೂ ಅಧಿಕ ಸ್ಟಾರ್ಟ್ ಅಪ್ ಗಳಿದ್ದು, ಕನಿಷ್ಟ 2 ಲಕ್ಷ ಮಂದಿಯ ನೇಮಕಾತಿಯನ್ನು ಈ ಕ್ಷೇತ್ರದಲ್ಲಿ ಕಾಣಬಹುದಾಗಿದೆ ಎಂದು ಹೇಳಿದರು.(ಪಿಟಿಐ)
Click it and Unblock the Notifications
Sign in with Google