ಸರ್ಕಾರದ ಗದಾ ಪ್ರಹಾರಕ್ಕೆ ತತ್ತರಿಸಿದ ನೆಸ್ಲೆ ಕಂಪನಿ
ಬೆಂಗಳೂರು, ಆಗಸ್ಟ್ 12: ನೆಸ್ಲೆ ಕಂಪನಿಯ ಮ್ಯಾಗಿ ನೂಡಲ್ಸ್ನ ಮಾರಾಟಕ್ಕೆ ಕೇಂದ್ರ ಸರ್ಕಾರ ದೇಶದೆಲ್ಲೆಡೆ ನಿರ್ಬಂಧ ಹೇರಿರುವುದು ಎಲ್ಲರಿಗೂ ಗೊತ್ತೇ ಇದೆ. ಈಗ ನೆಸ್ಲೆ ಕಂಪನಿ ವಿರುದ್ಧ ಸುಳ್ಳು ಜಾಹೀರಾತು, ಗ್ರಾಹಕರಿಗೆ ಮೋಸ ಮಾಡಿದ ಆರೋಪ ಹೊರೆಸಿ 640 ಕೋಟಿ ರೂ.ಗಳ ಪರಿಹಾರ ನೀಡುವಂತೆ ದಾವೆ ಹೂಡಲಾಗಿದೆ.
ದೆಹಲಿಯ ರಾಷ್ಟ್ರೀಯ ಗ್ರಾಹಕ ನ್ಯಾಯಾಲಯದಲ್ಲಿ ಈ ಸಂಬಂಧ ಮಂಗಳವಾಅರ ದಾವೆ ಹೂಡಲಾಗಿದ್ದು, ಬುಧವಾರ ನೆಸ್ಲೆ ಕಂಪನಿ ಷೇರುಗಳು ಪಾತಾಳಕ್ಕಿಳಿಯುತ್ತಿವೆ.
2 ನಿಮಿಷದಲ್ಲಿ ತಯಾರಿಸಬಹುದಾದ ಮ್ಯಾಗಿ ನೂಡಲ್ಸ್ನಲ್ಲಿರುವ ರಾಸಾಯನಿಕಗಳ ಬಗ್ಗೆ ಆಕ್ಷೇಪಗಳು ಕೇಳಿ ಬಂದ ಹಿನ್ನೆಲೆಯಲ್ಲಿ ಅನೇಕ ಪರೀಕ್ಷೆಗಳು ನಡೆದು ನಿಷೇಧಕ್ಕೊಳಪಟ್ಟಿತ್ತು.
ಇದರ ಜತೆಗೆ ನೂಡಲ್ಸ್ನ ಕವರ್ ಮೇಲೆ ಕಡ್ಡಾಯವಾಗಿ ಮುದ್ರಿಸಬೇಕಾಗಿದ್ದ ಅಂಶಗಳ ಪೈಕಿ ತನ್ನ ಉತ್ಪನ್ನದಲ್ಲಿ ಎಂಎಸ್ಜಿ ಅಥವಾ ಸ್ವಾದವನ್ನು ಹೆಚ್ಚಿಸುವ ಸಲುವಾಗಿ ಉತ್ಪನ್ನದಲ್ಲೇ ಮೋನೋ ಸೋಡಿಯಂ ಗ್ಲ್ಯುಟೊಮೇಟ್ (ಎಂಎಸ್ಜಿ) ಸೇರಿಸಿಲ್ಲವೆಂದು ಅದು ಗ್ರಾಹಕರಿಗೆ ತಪ್ಪು ಮಾಹಿತಿ ನೀಡಿದ ಆರೋಪ ಎದುರಿಸುತ್ತಿದೆ.ಈ ಹಿನ್ನೆಲೆಯಲ್ಲಿ ಸರ್ಕಾರ ಗ್ರಾಹಕ ನ್ಯಾಯಾಲಯದಲ್ಲಿ ದಾವೆ ಹೂಡಿದೆ.
Click it and Unblock the Notifications
Sign in with Google