ಮೋದಿ ಅಮೆರಿಕ ಭೇಟಿ; ಮಹತ್ವದ ಘೋಷಣೆ ಮಾಡಿದ ಜನರಲ್ ಎಲೆಕ್ಟ್ರಿಕ್
ನವದೆಹಲಿ, ಜೂನ್ 22: ಭಾರತದ ವಾಯುಪಡೆ ವಿಮಾನಗಳಿಗೆ ಇಂಜಿನ್ ನಿರ್ಮಾಣ ಮಾಡುವ ಮಹತ್ವದ ಘೋಷಣೆಯನ್ನು ಅಮೆರಿಕ ಜನರಲ್ ಎಲೆಕ್ಟ್ರಿಕ್ ಮಾಡಿದೆ. ಪ್ರಧಾನಿ ನರೇಂದ್ರ ಮೋದಿ ಜನರಲ್ ಎಲೆಕ್ಟ್ರಿಕ್ ಅಧ್ಯಕ್ಷರನ್ನು ಭೇಟಿಯಾದ ಕೆಲವೇ ಗಂಟೆಗಳಲ್ಲಿ ಈ ಘೋಷಣೆ ಹೊರಬಿದ್ದಿದೆ.
ಪ್ರಧಾನಿ ನರೇಂದ್ರ ಮೋದಿ ವಾಷಿಂಗ್ಟನ್ ಡಿಸಿಯಲ್ಲಿ ಜನರಲ್ ಎಲೆಕ್ಟ್ರಿಕ್ ಅಧ್ಯಕ್ಷ ಹೆಚ್ ಲಾರೆನ್ಸ್ ಕಲ್ಪ್ ಜ್ಯೂನಿಯರ್ ಭೇಟಿಯಾಗಿ ವಿವಿಧ ವಿಚಾರಗಳ ಕುರಿತು ಮಾತುಕತೆ ನಡೆಸಿದ್ದರು. ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ (ಹೆಚ್ಎಎಲ್) ಜೊತೆಗಿನ ಒಪ್ಪಂದದ ಕುರಿತು ಗುರುವಾರ ಜನರಲ್ ಎಲೆಕ್ಟ್ರಿಕ್ ಪ್ರಕಟಣೆ ಬಿಡುಗಡೆ ಮಾಡಿದೆ.
ನರೇಂದ್ರ ಮೋದಿ ಹೆಚ್ ಲಾರೆನ್ಸ್ ಕಲ್ಪ್ ಜ್ಯೂನಿಯರ್ ಭೇಟಿ ಸಂದರ್ಭದಲ್ಲಿ ಭಾರತದಲ್ಲಿ ಉತ್ಪಾದನೆಯ ಬದ್ಧತೆ ತೋರಿಸುತ್ತಿರುವ ಜನರಲ್ ಎಲೆಕ್ಟ್ರಿಕ್ ಸಂಸ್ಥೆಯನ್ನು ಶ್ಲಾಘಿಸಿದರು. ಹೆಚ್ಚಿನ ತಂತ್ರಜ್ಞಾನದ ಸಹಯೋಗದ ಕುರಿತು ಚರ್ಚೆ ನಡೆಸಿದ್ದರು.
ಯುದ್ಧ ವಿಮಾನದ ಇಂಜಿನ್; ಪ್ರಧಾನಿ ನರೇಂದ್ರ ಮೋದಿ ಭಾರತದಲ್ಲಿ ವಾಯುಯಾನ ಮತ್ತು ನವೀಕರಿಸಬಹುದಾದ ಇಂಧನ ಕ್ಷೇತ್ರದಲ್ಲಿ ಹೆಚ್ಚಿನ ಬಂಡವಾಳ ಹೂಡಿಕೆ, ತಂತ್ರಜ್ಞಾನದ ಸಹಯೋಗ ವಹಿಸಿಕೊಳ್ಳುವಂತೆ ಹೆಚ್ ಲಾರೆನ್ಸ್ ಕಲ್ಪ್ ಜ್ಯೂನಿಯರ್ಗೆ ಆಹ್ವಾನಿಸಿದ್ದರು.
ಜನರಲ್ ಎಲೆಕ್ಟ್ರಿಕ್ ಅಮೆರಿಕದ ಖ್ಯಾತ ಜೆಟ್ ಇಂಜಿನ್ ತಯಾರಿಕ ಕಂಪನಿಯಾಗಿದೆ. ಈಗ ಕಂಪನಿ ಭಾರತದಲ್ಲಿ ಹೆಚ್ಎಎಲ್ ಜೊತೆ ಸೇರಿ ಭಾರತೀಯ ವಾಯುಪಡೆಯ ವಿಮಾನದ ಇಂಜಿನ್ ಉತ್ಪಾದನೆ ಮಾಡುವ ಕುರಿತ ಒಪ್ಪಂದಕ್ಕೆ ಸಹಿ ಹಾಕಿದೆ.
ಹೆಚ್ಎಎಲ್ ಭಾರತೀಯ ವಾಯುಪಡೆಯ ವಿವಿಧ ಯುದ್ಧ ವಿಮಾನಗಳ ತಯಾರಿಕೆ ಮಾಡುತ್ತದೆ. ಜನರಲ್ ಎಲೆಕ್ಟ್ರಿಕ್ MK-2 ಸರಣಿಯ ಲಘು ಯುದ್ಧ ವಿಮಾನದ ಇಂಜಿನ್ ತಯಾರಿಕೆಯಲ್ಲಿ ಹೆಚ್ಎಎಲ್ ಜೊತೆ ಕೈ ಜೋಡಿಸಲಿದೆ. ಇದರಿಂದಾಗಿ ಭಾರತೀಯ ವಾಯುಪಡೆ ಬಲ ಹೆಚ್ಚಿದಂತೆ ಆಗಲಿದೆ.
"ಇದೊಂದು ಮಹತ್ವದ ಮತ್ತು ಐತಿಹಾಸಿಕ ಒಪ್ಪಂದವಾಗಿದೆ. ಭಾರತ ಮತ್ತು ಹೆಚ್ಎಎಲ್ ಜೊತೆಗಿನ ಧೀರ್ಘಕಾಲದ ಪಾಲುದಾರಿಕೆಯ ಭಾಗವಾಗಿ ಈ ಒಪ್ಪಂದ ಮಾಡಿಕೊಳ್ಳಲಾಗಿದೆ" ಎಂದು ಹೆಚ್ ಲಾರೆನ್ಸ್ ಕಲ್ಪ್ ಜ್ಯೂನಿಯರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
"ಅಮೆರಿಕ ಮತ್ತು ಭಾರತದ ನಡುವಿನ ಸಹಕಾರ ಒಪ್ಪಂದದ ಜೋ ಬೈಡನ್ ಮತ್ತು ನರೇಂದ್ರ ಮೋದಿ ಅವರ ಪ್ರಯತ್ನ ಭಾಗವಾಗವುದಕ್ಕೆ ನಮಗೆ ಹೆಮ್ಮೆ ಎನಿಸುತ್ತಿದೆ. ನಮ್ಮ ಎಫ್414 ಎಂಜಿನ್ಗಳಿಗೆ ಸರಿಯಾಟಿಯಾದವು ಯಾವುವೂ ಇಲ್ಲ. ಈ ಒಪ್ಪಂದ ಎರಡು ದೇಶಗಳ ನಡುವಿನ ರಾಷ್ಟ್ರೀಯ ಭದ್ರತೆ ಮತ್ತು ವಾಣಿಜ್ಯ ವ್ಯವಹಾರಗಳಿಗೆ ಸಹಾಯಕವಾಗಲಿದೆ" ಎಂದು ಹೆಚ್ ಲಾರೆನ್ಸ್ ಕಲ್ಪ್ ಜ್ಯೂನಿಯರ್ ಹೇಳಿದ್ದಾರೆ.
ಪ್ರಧಾನಿ ನರೇಂದ್ರ ಮೋದಿ ಕಛೇರಿ ಇಂದು ಬೆಳಗ್ಗೆ ಹೆಚ್ ಲಾರೆನ್ಸ್ ಕಲ್ಪ್ ಜ್ಯೂನಿಯರ್ ಮತ್ತು ನರೇಂದ್ರ ಮೋದಿ ಭೇಟಿಯ ಚಿತ್ರಗಳನ್ನು ಟ್ವೀಟ್ ಮಾಡಿತ್ತು. ಜನರಲ್ ಎಲೆಕ್ಟ್ರಿಕ್ ತನ್ನ ಪ್ರಕಟಣೆಯಲ್ಲಿ ನಾವು ನಮ್ಮ ಗ್ರಾಹಕರಿಗೆ ಉತ್ತಮ ದರ್ಜೆಯ ಇಂಜಿನ್ ತಯಾರಿಕೆಗೆ ಸಹಾಯ ಮಾಡಲಿದ್ದೇವೆ. ಇದು ಅವರ ಮಿಲಿಟರಿ ಶಕ್ತಿಗೆ ಬಲ ತುಂಬಲಿದೆ ಎಂದು ಹೇಳಿದೆ.
ಜನರಲ್ ಎಲೆಕ್ಟ್ರಿಕ್ ಅಮೆರಿಕ ವಾಯುಪಡೆ, ನೌಕಾಪಡೆಗೆ ಅತ್ಯಾಧುನಿಕ ತಂತ್ರಜ್ಞಾನ ಹೊಂದಿದ ಇಂಜಿನ್ ತಯಾರು ಮಾಡಿಕೊಡುತ್ತದೆ. ಎಫ್/ಎ-18 ಹಾರ್ನೆಟ್ ಇಂಜಿನ್, ನೌಕಾಪಡೆಯ ಗೋ-ಟು ಫೈಟರ್ ಇಂಜಿನ್ ತಂತ್ರಜ್ಞಾನವನ್ನು ಇದುವರೆಗೂ ಯಾವುದೇ ದೇಶದೊಂದಿಗೆ ಅದು ಹಂಚಿಕೊಂಡಿಲ್ಲ. ಈಗ ಭಾರತದಲ್ಲಿ ಇಂಜಿನ್ ಉತ್ಪಾದನೆಗೆ ಅದು ಕೈ ಜೋಡಿಸಿರುವುದು ಭಾರತದ ಪಾಲಿಗೆ ಮಹತ್ವದ ಸಂಗತಿಯಾಗಿದೆ.
ಮೂರು ದಿನಗಳ ಅಮೆರಿಕ ಪ್ರವಾಸದಲ್ಲಿರುವ ನರೇಂದ್ರ ಮೋದಿ ಗುರುವಾರ ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಭೇಟಿ ಮಾಡಿದರು. ಶ್ವೇತ ಭವನದಲ್ಲಿ ಬೈಡನ್ ಮತ್ತು ಅವರ ಪತ್ನಿ ಆಯೋಜನೆ ಮಾಡಿದ್ದ ಔತಣಕೂಟದಲ್ಲಿ ಪಾಲ್ಗೊಂಡರು. ಜೋ ಬೈಡನ್ ಆಹ್ವಾನದ ಮೇರೆಗೆ ಮೋದಿ ಜೂನ್ 23ರ ತನಕ ಅಮೆರಿಕ ಪ್ರವಾಸ ಕೈಗೊಂಡಿದ್ದಾರೆ.
-
SSLC ವಿಜ್ಞಾನ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು? ತಜ್ಞರು ಹಾಗೂ ವಿದ್ಯಾರ್ಥಿಗಳು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Bengaluru Second Airport: ಬೆಂಗಳೂರು ಎರಡನೇ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ: ಜಾಗ ಆಯ್ಕೆ ಕರ್ನಾಟಕಕ್ಕೆ ಬಿಟ್ಟ ಕೇಂದ್ರ -
Weekly Horoscope March 23-29: ಯಾರಿಗೆ ಲಾಭ, ಯಾರಿಗೆ ಸವಾಲು? ಸಂಪೂರ್ಣ ವಿವರ ಇಲ್ಲಿದೆ -
Karnataka weather: ಬೆಂಗಳೂರು ಸೇರಿದಂತೆ 10ಕ್ಕೂ ಹೆಚ್ಚು ಜಿಲ್ಲೆಗಳಲ್ಲಿ ಮಳೆ ಮುನ್ಸೂಚನೆ ನೀಡಿದ IMD -
Bengaluru Property: ಬೆಂಗಳೂರಿನ ಪ್ರಾಪರ್ಟಿ, ನಿರ್ಮಾಣ ಹಂತದ ಕಟ್ಟಡ - ರಿಯಲ್ ಎಸ್ಟೇಟ್ಗೆ ಏಕಾಏಕಿ ಪೆಟ್ಟು -
Jobs: ಆಯುಷ್ ಇಲಾಖೆ ನೇಮಕಾತಿ; ಬಿ.ಕಾಂ, ಬಿಬಿಎ ಓದಿದವರಿಗೆ ಬೆಂಗಳೂರಿನಲ್ಲಿ ಭರ್ಜರಿ ಉದ್ಯೋಗಾವಕಾಶ -
March 23 Horoscope: ಈ 3 ರಾಶಿಗಳಿಗೆ ಭಾರಿ ಲಾಭ! ಉಳಿದವರು ಜಾಗ್ರತೆ -
SWR: ಶಿವಮೊಗ್ಗ, ಅರಸೀಕೆರೆ, ಮೈಸೂರು ರೈಲು ಪ್ರಯಾಣಿಕರೇ ಗಮನಿಸಿ: ರೈಲುಗಳ ಪುನರ್ ಸಂಚಾರ -
ಷೇರು ಪೇಟೆ ಧೂಳೀಪಟ: ಹೂಡಿಕೆದಾರರಿಗೆ 10 ಲಕ್ಷ ಕೋಟಿ ಲಾಸ್; ಸೆನ್ಸೆಕ್ಸ್, ನಿಫ್ಟಿ ಶೇ. 2.4ರಷ್ಟು ಇಳಿಕೆ! -
ಏ.1ರಿಂದ ಅರಣ್ಯ ಇಲಾಖೆ ಹೊರಗುತ್ತಿಗೆ ನೌಕರರಿಂದ ಮುಷ್ಕರ: ಈಶ್ವರ್ ಖಂಡ್ರೆ ಮಹತ್ವದ ಸೂಚನೆ -
'ಧುರಂಧರ್ 2' ರಣವೀರ್ ಸಿಂಗ್ ಎಂಟ್ರಿ ದೃಶ್ಯ ಮರುಸೃಷ್ಟಿಸಿದ ಯೂಟ್ಯೂಬರ್: 13 ಮಿಲಿಯನ್ ವೀಕ್ಷಣೆ ಪಡೆದ Viral Video -
Video: ಬೆಂಗಳೂರು ರಸ್ತೆಯಲ್ಲಿ ಯುವಕರ 'ಬಿಯರ್' ದರ್ಬಾರ್: ಬೈಕ್ನಲ್ಲೇ ಟ್ರಿಪಲ್ ರೈಡಿಂಗ್ ಜತೆ ಮದ್ಯಪಾನ
Click it and Unblock the Notifications
Sign in with Google