IRCTCಯ ಶೇ. 5ರಷ್ಟು ಷೇರು ಮಾರಲು ಮುಂದಾದ ಸರ್ಕಾರ

ನವದೆಹಲಿ, ಡಿಸೆಂಬರ್‌ 15: ಭಾರತೀಯ ರೈಲ್ವೇ ಕ್ಯಾಟರಿಂಗ್ ಮತ್ತು ಟೂರಿಸಂ ಕಾರ್ಪೊರೇಷನ್ (IRCTC) ನಲ್ಲಿ ಶೇಕಡಾ 5 ರಷ್ಟು ಪಾಲನ್ನು ಮಾರಾಟ ಮಾಡಲಿದೆ ಎಂದು ಕಂಪನಿಯು ತಿಳಿಸಿದೆ.

ಇದಕ್ಕೆ ಕಾರಣ ಸರ್ಕಾರವು ಈ ವರ್ಷಕ್ಕೆ ಹೂಡಿಕೆ ಹಿಂತೆಗೆತದ ಗುರಿಯನ್ನು ತಲುಪಲು ಪ್ರಯತ್ನಿಸುತ್ತಿದೆ ಎಂದು ತಿಳಿಸಿದೆ. ಸರ್ಕಾರವು ಸರ್ಕಾರಿ ಸ್ವಾಮ್ಯದ ಸಂಸ್ಥೆ ಐಆರ್‌ಸಿಟಿಸಿಯಲ್ಲಿ 2.5 ಪ್ರತಿಶತ ಪಾಲನ್ನು ಪ್ರತಿ ಷೇರಿಗೆ 680 ರೂಪಾಯಿಯಂತೆ ಮಾರಾಟ ಮಾಡಲು ನೋಡುತ್ತಿದೆ. ಹೆಚ್ಚುವರಿಯಾಗಿ 2.5 ರಷ್ಟು ಆಫ್‌ಲೋಡ್ ಮಾಡುವ ಆಯ್ಕೆಯನ್ನು ಹೊಂದಿದೆ ಎನ್ನಲಾಗಿದೆ.

ಆ ಬೆಲೆಯಲ್ಲಿ ಐಆರ್‌ಸಿಟಿಸಿಯ 5 ಪ್ರತಿಶತವನ್ನು ಆಫ್‌ಲೋಡ್ ಮಾಡುವುದರಿಂದ ಸುಮಾರು 2,720 ಕೋಟಿ ರೂ ($329.90 ಮಿಲಿಯನ್) ಪಡೆಯಬಹುದು ಎಂದು ಸುದ್ದಿಸಂಸ್ಥೆ ರಾಯಿಟರ್ಸ್ ಅಂದಾಜು ತೋರಿಸಿದೆ. ರೈಲುಗಳಲ್ಲಿ ಆಹಾರ ಸೇವೆಗಳನ್ನು ನಿರ್ವಹಿಸಲು ಮತ್ತು ಆನ್‌ಲೈನ್ ರೈಲ್ವೇ ಟಿಕೆಟ್ ಬುಕಿಂಗ್ ಸೇವೆಗಳನ್ನು ನೀಡಲು ಭಾರತೀಯ ರೈಲ್ವೆಯಿಂದ ಅಧಿಕಾರ ಪಡೆದ ಏಕೈಕ ಸಂಸ್ಥೆ ಐಆರ್‌ಸಿಟಿಸಿ ಆಗಿದೆ.

ಶಿಪ್ಪಿಂಗ್ ಕಾರ್ಪೊರೇಶನ್ ಆಫ್ ಇಂಡಿಯಾ ಮತ್ತು ಬಿಇಎಂಎಲ್ ಸೇರಿದಂತೆ ಕೆಲವು ಸರ್ಕಾರಿ ಸ್ವಾಮ್ಯದ ಸಂಸ್ಥೆಗಳನ್ನು ಖಾಸಗೀಕರಣಗೊಳಿಸುವಲ್ಲಿನ ವಿಳಂಬವಾಗಿದೆ. ಪ್ರಸಕ್ತ ಹಣಕಾಸು ವರ್ಷದ ಸುಮಾರು ಒಂಬತ್ತು ತಿಂಗಳುಗಳಲ್ಲಿ, ಭಾರತ ಸರ್ಕಾರವು ತನ್ನ 65,000 ಕೋಟಿ ರೂಪಾಯಿ ಬಜೆಟ್ ವಿತರಣಾ ಗುರಿಯ ಅರ್ಧದಷ್ಟು ಗುರಿಯನ್ನು ತಲುಪಲು ಸಾಧ್ಯವಾಗಲಿಲ್ಲ.

ಕಳೆದ ತಿಂಗಳು, ಸರ್ಕಾರಿ ಹೂಡಿಕೆ ಹೊಂದಿರುವ ಆಕ್ಸಿಸ್ ಬ್ಯಾಂಕ್ ಲಿಮಿಟೆಡ್ ಷೇರುಗಳ ಮಾರಾಟದಿಂದ ಸರ್ಕಾರವು 3,839 ಕೋಟಿ ರೂಪಾಯಿಗಳನ್ನು ಸ್ವೀಕರಿಸಿದೆ. ಆಫರ್‌ ಫಾರ್ ಸೇಲ್‌ 2 ಕೋಟಿ ಷೇರುಗಳು ಅಥವಾ 2.5 ಪರ್ಸೆಂಟ್ ಪಾಲನ್ನು ಬೇಸ್ ಇಶ್ಯೂ ಸೈಜ್ ಅನ್ನು ಒಳಗೊಂಡಿದೆ. ಮತ್ತೊಂದು 2.5 ಪ್ರತಿಶತದಷ್ಟು ಅಧಿಕ ಚಂದಾದಾರಿಕೆಯನ್ನು ಉಳಿಸಿಕೊಳ್ಳುವ ಆಯ್ಕೆಯೊಂದಿಗೆ ಒಟ್ಟು ಇಷ್ಯೂ ಗಾತ್ರವನ್ನು 4 ಕೋಟಿ ಷೇರುಗಳು ಅಥವಾ 5 ಪ್ರತಿಶತ ಪಾಲನ್ನು ತೆಗೆದುಕೊಳ್ಳುತ್ತದೆ ಎನ್ನಲಾಗಿದೆ.

English summary

The company said on Wednesday that it will sell a 5 per cent stake in Indian Railway Catering and Tourism Corporation (IRCTC).