ದಿಗ್ವಿಜಯ್, ಸಾಧ್ವಿ ಚುನಾವಣಾ ವೆಚ್ಚ ಪ್ರಶ್ನಿಸಿ ಆಯೋಗ ನೋಟಿಸ್

ಭೋಪಾಲ್, ಮೇ 4: ಭೋಪಾಲ್ ಲೋಕಸಭಾ ಕ್ಷೇತ್ರದಲ್ಲಿ ಸ್ಪರ್ಧಿಗಳಾಗಿರುವ ದಿಗ್ವಿಜಯ್ ಸಿಂಗ್ ಹಾಗೂ ಪ್ರಜ್ಞಾ ಸಿಂಗ್ ಠಾಕೂರ್ ಅವರ ಚುನಾವಣಾ ವೆಚ್ಚ ಕುರಿತು ಚುನಾವಣಾ ಆಯೋಗ ನೋಟಿಸ್ ನೀಡಿದೆ.

ಆಯೋಗಕ್ಕೆ ನೀಡಿದ್ದ ಮಾಹಿತಿಗಿಂತಲೂ ಹೆಚ್ಚಿನ ಪ್ರಮಾಣದ ಹಣವನ್ನು ಇಲ್ಲಿಯವರೆಗೆ ಚುನಾವಣೆಗೆ ಇಬ್ಬರೂ ಖರ್ಚು ಮಾಡಿದ್ದಾರೆ ಎನ್ನುವುದು ಆಯೋಗದ ಆರೋಪವಾಗಿದೆ.

ಕಾಂಗ್ರೆಸ್‌ನ ದಿಗ್ವಿಜಯ್ ಸಿಂಗ್ 21,30,136 ರೂ ಚುನಾವಣಾ ವೆಚ್ಚ ಮಾಡಿರುವ ಕುರಿತು ಮಾಹಿತಿ ನೀಡಿದ್ದರೆ, ಚುನಾವಣಾ ವೀಕ್ಷಕರ ಮಾಹಿತಿ ಪ್ರಕಾರ 39,47,674 ರೂಗಳನ್ನು ಖರ್ಚು ಮಾಡಲಾಗಿದೆ ಎನ್ನುವ ವಿವರ ತಿಳಿದುಬಂದಿದೆ.

ಇತ್ತ ಬಿಜೆಪಿ ಅಭ್ಯರ್ಥಿ ಪ್ರಜ್ಞಾ ಸಿಂಗ್ 6,27,663 ಲಕ್ಷ ರೂಗಳನ್ನು ಖರ್ಚು ಮಾಡಿರುವುದಾಗಿ ಮಾಹಿತಿ ನೀಡಿದ್ದಾರೆ ಆದರೆ 13,51,756 ರೂಗಳನ್ನು ಖರ್ಚು ಮಾಡಿರುವುದು ಚುನಾವಣಾ ಆಯೋಗದ ಗಮನಕ್ಕೆ ಬಂದಿದ್ದು, ನೋಟಿಸ್ ನೀಡಿ ವಿವರಣೆ ನೀಡುವಂತೆ ಸೂಚಿಸಲಾಗಿದೆ.

English summary

The Election Commission of India (ECI) has served notices to Congress' Digvijaya Singh and his rival from the BJP, Sadhvi Pragya Singh Thakur, over alleged discrepancies in election expenditure.