ದೀಪಾವಳಿ : ಹುಬ್ಬಳ್ಳಿಗೆ ವಿಶೇಷ ಸೂಪರ್ ಫಾಸ್ಟ್ ರೈಲು
ಬೆಂಗಳೂರು, ಅ. 20 : ದೀಪಾವಳಿ ಹಬ್ಬದ ಅಂಗವಾಗಿ ಉಂಟಾಗುವ ಪ್ರಯಾಣಿಕರ ದಟ್ಟಣೆ ನಿವಾರಿಸಲು ನೈರುತ್ಯ ರೈಲ್ವೆ ಸೂಪರ್ ಫಾಸ್ಟ್ ವಿಶೇಷ ರೈಲುಗಳ ವ್ಯವಸ್ಥೆಯನ್ನು ಮಾಡಿದೆ. ಅ.21ರಿಂದ 26ರ ತನಕ ಈ ವಿಶೇಷ ರೈಲುಗಳು ವಿವಿಧ ಪ್ರದೇಶಗಳಿಗೆ ಯಶವಂತಪುರ ರೈಲು ನಿಲ್ದಾಣದಿಂದ ಸಂಚರಿಸಲಿವೆ.
ಅ.22ರ
ಬುಧವಾರ
ಯಶವಂತಪುರದಿಂದ
ವಿಶೇಷ
ರೈಲು
ಹುಬ್ಬಳ್ಳಿಗೆ
ಪ್ರಯಾಣಿಸಲಿದೆ.
ಯಶವಂತಪುರ-ಹುಬ್ಬಳ್ಳಿ
ನಡುವೆ
ಒಂದು
ಬಾರಿ
ವಿಶೇಷ
ರೈಲು
ಸಂಚಾರ
ನಡೆಸಲಿದೆ.
ಅ.22ರಂದು
ರಾತ್ರಿ
8.40ಕ್ಕೆ
ಯಶವಂತಪುರದಿಂದ
ಹೊರಡುವ
ರೈಲು
(ನಂ.
02677)
ಮರುದಿನ
ಬೆಳಗ್ಗೆ
4.45ಕ್ಕೆ
ಹುಬ್ಬಳ್ಳಿಗೆ
ತಲುಪಲಿದೆ.
ಯಶವಂತಪುರದಿಂದ ಹೊರಡುವ ಈ ವಿಶೇಷ ರೈಲು ತುಮಕೂರು, ಅರಸೀಕೆರೆ ಮತ್ತು ದಾವಣಗೆರೆಯಲ್ಲಿ ಮಾತ್ರ ನಿಲ್ಲಲ್ಲಿದೆ. [ದೀಪಾವಳಿಗೆ ಹೆಚ್ಚುವರಿ ಸರ್ಕಾರಿ ಬಸ್]
ವಿಶೇಷ ರೈಲುಗಳ ಪಟ್ಟಿ
* ಯಶವಂತಪುರ-ನಾಗರಕೊಯಿಲ್ ನಡುವೆ ಎರಡು ಬಾರಿ ಸಂಚಾರ. ಅ.21ರಂದು ರಾತ್ರಿ 9.15ಕ್ಕೆ ಯಶವಂತಪುರದಿಂದ ಹೊರಡುವ ರೈಲು (ನಂ. 02689) ಅ.23ರ ಬೆಳಗ್ಗೆ 9.20ಕ್ಕೆ ನಾಗರಕೊಯಿಲ್ ತಲುಪಲಿದೆ. [ರೈಲ್ವೆ ಇಲಾಖೆಯ ಸಮಗ್ರ ಮಾಹಿತಿಗೆ ಹೊಸ ಅಪ್ಲಿಕೇಶನ್]
* ಅ.25ರಂದು ರಾತ್ರಿ 10.30ಕ್ಕೆ ಯಶವಂತಪುರದಿಂದ ಹೊರಡುವ ರೈಲು (ನಂ. 06598) ಅ.26ರಂದು ಮಧ್ಯಾಹ್ನ 2.30ಕ್ಕೆ ನಾಗರಕೊಯಿಲ್ ತಲುಪಲಿದೆ. [ವಿಶೇಷ ರೈಲುಗಳ ವೇಳಾಪಟ್ಟಿ ಇಲ್ಲಿದೆ]
* ಅ. 22ರಂದು ಮಧ್ಯಾಹ್ನ 2ಕ್ಕೆ ನಾಗರಕೊಯಿಲ್ನಿಂದ ಹೊರಡುವ ರೈಲು (ನಂ. 06597) ಅ.23ರ ಬೆಳಗ್ಗೆ 4ಕ್ಕೆ ಯಶವಂತಪುರ ತಲುಪಲಿದೆ.
* ಅ.26ರಂದು ನಾಗರಕೊಯಿಲ್ನಿಂದ ಸಂಜೆ 4.40ಕ್ಕೆ ಹೊರಡುವ ರೈಲು (ನಂ. 06599) ಅ.27ರಂದು ಬೆಳಗ್ಗೆ 8ಗಂಟೆಗೆ ಯಶವಂತಪುರಕ್ಕೆ ತಲುಪಲಿದೆ.