ಈ ಮೂರರಲ್ಲಿ ನೀವು ಆಯ್ಕೆ ಮಾಡುವ ಕನ್ನಡಿಯೇ ಹೇಳುತ್ತದೆ ನಿಮ್ಮ ವ್ಯಕ್ತಿತ್ವ, ಯೋಚನಾ ಲಹರಿ!ಒಮ್ಮೆ ಟ್ರೈ ಮಾಡಿ
ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಮಾಧ್ಯಮವನ್ನು ಬಳಸದೇ ಇರುವವರು ಬಹಳ ಕಡಿಮೆ. ಇದೀಗ ನೀವು ಆಯ್ಕೆ ಮಾಡುವ ಚಿತ್ರ ನಿಮ್ಮ ನಿಜವಾದ ವ್ಯಕ್ತಿತ್ವದ ಬಗ್ಗೆ ಹೇಳುತ್ತದೆ ಎನ್ನುವ ಕೆಲವು ಫೋಟೋಗಳನ್ನು ನೋಡಿರಬಹುದು. ಈ ಮೂಲಕ ನಿಮ್ಮ ವ್ಯಕ್ತಿತ್ವದ ಪರೀಕ್ಷೆ ನಡೆಯುತ್ತದೆ, ಈ ವ್ಯಕ್ತಿತ್ವ ಪರೀಕ್ಷೆ ಒಂದು ಅಥವಾ ಹೆಚ್ಚಿನ ಅಂಶಗಳನ್ನು ಹೊಂದಿರುವ ಸರಳ ಚಿತ್ರಗಳನ್ನು ಆಧರಿಸಿರುತ್ತವೆ. ಇಲ್ಲಿ ನೀವು ಮೊದಲು ಯಾವ ಫೋಟೋವನ್ನು ಆರಿಸುತ್ತೀರಿ ಎಂಬುದರ ಆಧಾರದ ಮೇಲೆ, ನಿಮ್ಮ ನಿಜವಾದ ಸ್ವಭಾವದ ಬಗ್ಗೆ ಹೇಳಲಾಗುತ್ತದೆ.ಉದಾಹರಣೆಗೆ, ಈ ನಿರ್ದಿಷ್ಟ ಪರೀಕ್ಷೆಯು ಮೂರು ರೀತಿಯ ಕನ್ನಡಿಗಳ ಚಿತ್ರವನ್ನು ಆಧರಿಸಿದೆ. ನೀವು ಇಲ್ಲಿ ಯಾವ ಕನ್ನಡಿಯನ್ನು ಆಯ್ಕೆ ಮಾಡುವಿರೋ ಅದರ ಆಧಾರದಲ್ಲಿ ನಿಮ್ಮ ಗುಪ್ತ ಗುಣಲಕ್ಷಣಗಳನ್ನು ಹೇಳಲಾಗುತ್ತದೆ.
ಒಂದು ಕೋಣೆಯಲ್ಲಿ ಮೂರು ರೀತಿಯ ಕನ್ನಡಿ ಇದೆ ಎಂದು ಭಾವಿಸಿಕೊಳ್ಳಿ. ಆ ಮೂರು ಕನ್ನಡಿಯ ಪೈಕಿ ಒಂದು ಕನ್ನಡಿಯ ಮುಂದೆ ಮಾತ್ರ ನಿಲ್ಲಲು ನಿಮಗೆ ಅವಕಾಶ. ಹೀಗಿರುವಾಗ ನಿಮ್ಮ ಆಯ್ಕೆ ಯಾವ ಕನ್ನಡಿಯಾಗಿರುತ್ತದೆ ? ನೀವು ಯಾವ ಕನ್ನಡಿಯ ಕಡೆಗೆ ಆಕರ್ಷಿತರಾಗುತ್ತೀರಿ ಎನ್ನುವುದೇ ನಿಮ್ಮ ವ್ಯಕ್ತಿತ್ವವನ್ನು ನಿರ್ಧರಿಸುವುದು. ಆ ಮರು ಕನ್ನಡಿ ಯಾವುವು ಎಂದು ನೋಡುವುದಾದರೆ :ವಿಂಟೇಜ್ ಕನ್ನಡಿ, ಕೈಯಲ್ಲಿ ಹಿಡಿಯುವ ಕನ್ನಡಿ, ಪೂರ್ಣ-ಉದ್ದದ ಕನ್ನಡಿ .
ವಿಂಟೇಜ್ ಕನ್ನಡಿ: ನೀವು ವಿಂಟೇಜ್ ಕನ್ನಡಿಯ ಕಡೆಗೆ ತಿರುಗಿದರೆ, ನೀವು ಖಂಡಿತವಾಗಿಯೂ ಸಣ್ಣ ಸಣ್ಣ ವಿಷಯಗಳಿಗೆ ತೃಪ್ತಿ ಪಡುವವರಲ್ಲ. ಜೀವನವನ್ನು ಬಹಳ ಆಳವಾಗಿ ಅರ್ಥ ಮಾಡಿಕೊಳ್ಳುವವರು. ನೀವು ಸ್ವಾಭಾವಿಕವಾಗಿ ನಿಮ್ಮ ಹಿಂದಿನ ಅನುಭವಗಳನ್ನು ವರ್ತಮಾನದ ಅವ್ಯವಸ್ಥೆಯನ್ನು ನ್ಯಾವಿಗೇಟ್ ಮಾಡಲು ದಿಕ್ಸೂಚಿಯಾಗಿ ಬಳಸುತ್ತೀರಿ. ಅಂದರೆ ನೀವು ಯಾವಾಗಲೂ ಆತುರದ ನಿರ್ಧಾರಗಳನ್ನು ತೆಗೆದುಕೊಳ್ಳುವುದಿಲ್ಲ. ನೀವು ಏನೇ ನಿರ್ಧಾರ ತೆಗೆದುಕೊಂಡರೂ ಸರಿಯಾಗಿ ಆಲೋಚಿಸಿ, ಲಾಭ ನಷ್ಟಗಳ ಲೆಕ್ಕಾಚಾರ ಹಾಕಿ ತೆಗೆದುಕೊಳ್ಳುತ್ತೀರಿ. ಆಧುನಿಕ ಸಮಾಜದಲ್ಲಿ ನೀವು ವಿಶೇಷ ವ್ಯಕ್ತಿತ್ವದ ವ್ಯಕ್ತಿಯಾಗಿ ಎದ್ದು ನಿಲ್ಲುವಿರಿ. ಜನರ ಚಪ್ಪಾಳೆಗಳ ಹಂಗು ನಿಮಗಿರುವುದಿಲ್ಲ. ಜೀವನದ ವೈಯಕ್ತಿಕ ಜವಾಬ್ದಾರಿ ಮತ್ತು ನಿಜವಾದ ಆಂತರಿಕ ಬೆಳವಣಿಗೆಯ ಮೇಲೆ ನಂಬಿಕೆ ಉಳ್ಳವರು. ನೀವು ನಿಷ್ಠಾವಂತ, ಆಳವಾದ ಸಹಾನುಭೂತಿಯ ವ್ಯಕ್ತಿಯಾಗಿರುವಿರಿ. ನಿಜವಾಗಿಯೂ ನಿಮ್ಮನ್ನು ಅರಿತುಕೊಂಡಿರುವ ಜನರಿಂದ ನೀವು ಅಪಾರ ಪ್ರಮಾಣದ ಗೌರವವನ್ನು ಪಡೆಯುವಿರಿ.
ಕೈಯಲ್ಲಿ ಹಿಡಿಯುವ ಕನ್ನಡಿ: ಕೈಯಲ್ಲಿ ಹಿಡಿಯುವ ಕನ್ನಡಿಯನ್ನು ಆರಿಸಿಕೊಳ್ಳುವುದು ಎಂದರೆ ನೀವು ಜೀವನದಲ್ಲಿ ಸಣ್ಣಪುಟ್ಟ ವಿಷಯಗಳನ್ನು ಬಹಳ ಆಳವಾಗಿ ಗಮನಿಸಿ ನೋಡುತ್ತೀರಿ. ಪ್ರತಿಯೊಂದನ್ನು ಜೂಮ್-ಇನ್ ಮಾಡುವ ಬುದ್ದಿ ನಿಮ್ಮದು. ಸೂಕ್ಷ್ಮ ಅಭಿವ್ಯಕ್ತಿಗಳು, ೀಡುವ ವ್ಯಕ್ತಿಗಳು ವಿಚಿತ್ರವಾದ ಪಾಸ್ಗಳು ಅಥವಾ ಯಾರೂ ಗಮನಿಸದೆ ಇರುವ ಸಣ್ಣ ಬದಲಾವಣೆಗನ್ನು ಕೂಡಾ ನೀವು ಕಂಡುಹಿಡಿಯಬಲ್ಲಿರಿ. ಅದು ಯೋಜನೆಯ ಒಪ್ಪಂದದಲ್ಲಿನ ಮೇಲ್ವಿಚಾರಣೆಯಾಗಿರಲಿ ಅಥವಾ ಕುಹಕ ನಗುವಿನ ಹಿಂದೆ ಅಡಗಿರುವ ನಿಜವಾದ ಭಾವನೆಗಳನ್ನು ಅರ್ಥ ಮಾಡಿಕೊಳ್ಳುವುದಾಗಿರಲಿ ನಿಮ್ಮ ರಾಡಾರ್ನಿಂದ ಯಾವುದೂ ತಪ್ಪಿಸಿಕೊಳ್ಳುವುದು ಸಾಧ್ಯವಾಗುವುದಿಲ್ಲ. ಇಂಥಹ ತೀಕ್ಷ ದೃಷ್ಟಿ ಇರುವುದರ ಅನಾನುಕೂಲವೆಂದರೆ, ನೀವು ತಪ್ಪು ಮಾಡಿದಾಗ ನೀವು ನಿಮ್ಮ ಮೇಲೆ ತುಂಬಾ ಕಠಿಣವಾಗಿರಬಹುದು.
ನೀವು ನಿಮ್ಮ ಮಹತ್ವಾಕಾಂಕ್ಷೆಗಳನ್ನು ರಾಜಿಯಾಗದ ವಾಸ್ತವದ ಪ್ರಮಾಣದೊಂದಿಗೆ ಕೌಶಲ್ಯದಿಂದ ಬೆರೆಸುತ್ತೀರಿ. ನಿಮ್ಮ ಶಕ್ತಿಯನ್ನು ಸಾಬೀತುಪಡಿಸಲು ನೀವು ಕೋಪಗೊಳ್ಳುವ ಅಥವಾ ಜೋರಾಗಿ ಮಾತನಾಡುವ ಅಗತ್ಯವಿಲ್ಲ. ನಿಮಗೆ ಎದುರಾಗುವ ಸಮಸ್ಯೆಗಳನ್ನು ಕ್ರಮಬದ್ಧವಾಗಿ, ಶ್ರಮಪಟ್ಟು ಪರಿಹರಿಸಿಕೊಳ್ಳುವಿರಿ.
ಪೂರ್ಣ-ಉದ್ದದ ಕನ್ನಡಿ: ನೀವು ಪೂರ್ಣ-ಉದ್ದದ ಕನ್ನಡಿಯನ್ನು ಆಯ್ಕೆ ಮಾಡಿ ಕೊಂಡರೆ ನಿಮಗೆ ಅಪರೂಪದ ಭದ್ರತೆಯ ಪ್ರಜ್ಞೆ ಇರುತ್ತದೆ ಎಂದರ್ಥ. ನೀವು ಅತಿಯಾದ ಆತ್ಮ ವಿಶ್ವಾಸವನ್ನು ಹೊಂದಿರುತ್ತೀರಿ. ದುರಹಂಕಾರವನ್ನು ತೋರುವುದು ಅಥವಾ ಜೋರಾಗಿ ಮಾತನಾಡಿ ತನ್ನ ಮಾತೇ ಸರಿ ಎನ್ನಿಸಿಕೊಳ್ಳುವಂತೆ ಮಾಡುವ ಅವಶ್ಯಕತೆ ನಿಮಗಿರುವುದಿಲ್ಲ. ನೀವು ನಿಮ್ಮ ಜೀವನವನ್ನು ವಿಶಾಲ ದೃಷ್ಟಿ ಕೋನದ ಮೂಲಕ ನೋಡುವಿರಿ. ನಿಜವಾದ ಪರಿಣಾಮವನ್ನು ಬೀರುವ, ನಿಜವಾದ ಸಂಬಂಧಗಳನ್ನು ಬೆಳೆಸುವ ಮತ್ತು ಪ್ರತಿದಿನ ನಿಮ್ಮನ್ನು ನೀವು ಅರ್ಥ ಪೂರ್ಣವಾಗಿ ತೋರಿಸಿಕೊಳ್ಳುವುದರ ಬಗ್ಗೆ ಕಾಳಜಿ ವಹಿಸುತ್ತೀರಿ. ಮುಖವಾಡ ಹಾಕಿ ಬದುಕು ನಡೆಸುವ ಪ್ರವೃತಿ ನಿಮ್ಮದಲ್ಲ. ಮನಸ್ಸಿನ ಮಾತನ್ನು ನೇರವಾಗಿ ಮಾತನಾಡುವ ವ್ಯಕ್ತಿತ್ವ. ಭವಿಷ್ಯದ ಬೆಳವಣಿಗೆಗೆ ಬಾಗಿಲನ್ನು ವಿಶಾಲವಾಗಿ ತೆರೆದಿಟ್ಟುಕೊಂಡು ಸಂಪೂರ್ಣವಾಗಿ ದೃಢವಾಗಿ ನಿಲ್ಲುತ್ತೀರಿ.
ಹಾಗಿದ್ದರೆ ನಿಮ್ಮ ಮನಸ್ಸು ಯಾವ ಕನ್ನಡಿಯನ್ನು ಆರಿಸಿಕೊಂಡಿತ್ತು. ನೀವು ಆರಿಸಿದ ಕನ್ನಡಿಯ ಆಧಾರದ ಮೇಲೆ ನಿಮ್ಮ ವ್ಯಕ್ತಿತ್ವ ಸರಿಯಾಗಿ ನಿರ್ಧರಿಸಲ್ಪಟ್ಟಿದೆಯೇ?. ಇಲ್ಲಿ ಒಂದು ಮಾತು ನೆನಪಿಟ್ಟುಕೊಳ್ಳಿ ಒಂದು ತ್ವರಿತ ಆಟವು ನಿಮ್ಮ ಮನಸ್ಸನ್ನು ಸಂಪೂರ್ಣವಾಗಿ ಓದಲು ಸಾಧ್ಯವಿಲ್ಲ. ಸೈಕಲಾಜಿಕಲ್ ಪಾರ್ಲರ್ ಟ್ರಿಕ್ ಮೂಲಕ ವ್ಯಕ್ತಿತ್ವವನ್ನು ಸಂಪೂರ್ಣವಾಗಿ ಗುರುತಿಸಿಕೊಳ್ಳುವುದು ಕಷ್ಟವಾಗಬಹುದು. ಆದರೂ ಈ ಸಣ್ಣ ಆಲೋಚನಾ ಪ್ರಯೋಗಗಳು ನಿಮ್ಮ ಮನಸ್ಸಿನ ಒಳಗೆ ಇಳಿದು ನೋಡಲು ಸಹಾಯವಾಗಬಹುದು.
(ಬರಹ: ರಂಜಿತಾ ಆರ್.ಕೆ.)
Click it and Unblock the Notifications
Sign in with Google