ಇಂದಿನಿಂದ ಕೆಂಪೇಗೌಡ ಏರ್ಪೋರ್ಟ್ಗೆ ಗುಲಾಬಿ ಟ್ಯಾಕ್ಸಿ
ಬೆಂಗಳೂರು, ಜನವರಿ 7: ಮಹಿಳೆಯರ ಸುರಕ್ಷತೆಗಾಗಿ ಕರ್ನಾಟಕ ರಾಜ್ಯ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮವು ಏರ್ಪೋರ್ಟ್ ಪಿಂಕ್ ಟ್ಯಾಕ್ಸಿ ಸೇವೆ ಆರಂಭಿಸಿದೆ.
ಒಂಟಿ ಮಹಿಳೆಯರಿಗೆ ಸುರಕ್ಷತೆ ಮತ್ತು ವಿಶ್ವಾಸಾರ್ಹ ಪ್ರಯಾಣದ ಭರವಸೆ ದೊರೆಯಲಿದ್ದು, ಚಾಲಕಿಯರಿಗೆ ಉದ್ಯೋಗಾವಕಾಶ ಕಲ್ಪಿಸುವ ಉದ್ದೇಶದಿಂದ ಆರಂಭಿಕವಾಗಿ 10 ಚಾಲಕಿಯರಿರುವ ಹೊಸ ಕಾರುಗಳನ್ನು ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಸೇರ್ಪಡೆಮಾಡಿಕೊಂಡಿದೆ.
ಒಟ್ಟು 850 ಏರ್ಪೋರ್ಟ್ ಟ್ಯಾಕ್ಸಿಗಳನ್ನು ಸಜ್ಜುಗೊಳಿಸಲಾಗುತ್ತಿದೆ. ಚಾಲಕಿಯರು ಉತ್ತಮ ಚಾಲನಾ ತರಬೇತಿ ಪಡೆದಿದ್ದು, ಸುರಕ್ಷಣಾ ಸಾಮರ್ಥ್ಯ ಹೊಂದಿದ್ದಾರೆ. ಪ್ರಯಾಣಿಕರನ್ನು ಸುರಕ್ಷಿತವಾಗಿ ಅವರ ಸ್ಥಳಕ್ಕೆ ತಲುಪಿಸುತ್ತಾರೆ.
ಪಿಂಕ್ ಟ್ಯಾಕ್ಸಿಗಳಿಗೆ ಜಿಪಿಎಸ್ ಸಾಧನ, ಆರ್ಎಫ್ ಐಡಿ ಟ್ಯಾಕ್ಸಿ ಎಂಟಿಡಿ ಸಾಧನಗಳು ಅಲ್ಲದೆ ಆತಂಕ ಕ್ಷಣ ಗುಂಡಿ,ಪ್ಯಾನಿಕ್ ಬಟನ್ ಅಳವಡಿಸಲಾಗಿದೆ. ದಿನದ 24 ಗಂಟೆಯೂ ವಾಹನಗಳ ಚಲನವಲನಗಳ ಬಗ್ಗೆ ನಿಗಾ ವಹಿಸುವ ವ್ಯವಸ್ಥೆಯೂ ಕೂಡ ಇದೆ. ಈ ರೀತಿಯ ಕೆಎಸ್ಟಿಡಿಸಿ ಕಾರುಗಳನ್ನು ಸುಲಭವಾಗಿ ಗುರುತಿಸಲು ಗುಲಾಬಿ ಬಣ್ಣದ ಬಂಪರ್ಗಳನ್ನು ಅಳವಡಿಸಲಾಗಿದೆ.
Click it and Unblock the Notifications
Sign in with Google